أخواني الأعضاء
لفت نظري هذا الموضوع في أغلب المنتديات وخاصة تلك التي تهتم بالأدب والشعر
وبطبيعة الحال أعتقد أنها فكرة جيدة خاصة أن هذا البيت ليس له جو معين بل
من إختيار العضو وفي أي مجال يختاره .
بداية مني بيت شعر لصاحب السمو الملكي الأمير عبدالله الفيصل حيث يقول :

ماعاد تخدعني عقب مابدالي=وإن عدت فيما عفت مانيب رجال

للشاعر الأمير / محمد بن أحمد السديري

حياتي كلها صبر وجلاده=وغيري عايش ٍ عيشة سعادة
أنا اللي عاشق ٍ في الغي مغرم=غريق ٍ في هوى راع القلادة

الله مير يسلمن ويسلمكم

من حبكم قمت ألبس الثوب منكوس =وانْشد عن الغترة وهي فوق راسي
يا الي هدب عينه يوصِّف على القوس= كانـك تبي ذبحي فلا فيه بــاسي

حي الله اللي كل ماغاب له يوم=أشيل همه وأنقله لين يلفي

الشاعر / علي القحطاني

ان كان لاجيتك تجي جيت يمك=وان كان اجيك ولاتجي تبت ماجيك
مانيب اخوك اصغر ضنا ابوك وامك=رجلٍ على كل يجي منك اجازيك

جيتك بخفاق ٍ من الحب منقاد=ماله مراد إلا رضا سيّد الغيد
عل الزمان اللي مضى منك ينعاد=وباكر يصير لماضي الحب تجديد

مشكله لطحت في يدين البخيل=مايفكك لين تدفع كثر مايدفعه
ومشكله لضاق بالوقت رجاآ ثقيل=يطلب احبابه وعيا زمانه ينفعه
ومشكله صرت مطعون بكفوف الدخل=في الصدر اربع خناجر وفي الظهر اربعه

العيد فرحة وإبتهاجة ونشوه=وتواصل ٍ بين الأحباء والأحباب
ماهو تهندم بالملابس ونحوه=ولا تفاخر بالمظاهر والأنساب

محمد القباني

هب نسناس الهواء وأقبل شمال=أنعش الخفاق بعد هم ٍ وغم
من ديار ٍ ريمها ما به جفال=قايد الغزلان في روس القمم

محمد القباني

أخطيت يوم إني طلبتك حنانك=لا صرت فاقد شي وشلون تعطيه
مهما نطق لي بالمشاعر لسانك=شي ٍ بدون إحساس مااقتنع فيه

الأمير / سعد بن سعود ( منادي )

ودي أموت اليوم وأعيش باكر=وأشوف منهو بعد موتي فقدني
ومنهو حملني لين ذيك المقابر=واشكر كل من كرمني و دفني
شخص(ن)تعنى لي مع انه مسافر=وشخص(ن)قريب للاسف ماذكرني

بينى وبينك ماتفيد المراسيل ====== ولايبرر غاية الحب مرسال
اماحيا عمر الهوى باالمواصيل == = = والاتفارقنا وليل الشقا طال

الحب يعطى لناس وناس=وأنا نهب عقلي الغالي
يستاهله سيدي لا بأس=حبيبي الأول التالي

يالله يامرخي على الناس الأقوات=يامن لعقد العسر باليسر حليت
ياغافر الزلات لي فيك حاجات=من الحيل والقوة وغيرك تبريت

الأمير أحمد محمد السديري

الله نشد ياحمود عن معرفة يوم = وحنا ثمان سنين ياحمود جيران
ياحمود يظهر لك رفيق من القوم =ويظهر من الربع الموالين عدوان

تولعت بك والله كتب لي على فرقاك=حسيبي على الحظ الردي كانه أشقاني
أنا ما شعرت إني مع الناس قبل ألقاك=ولا ذقت للدنيا طعم قبل تلقاني

ثمانية لابد منها على الفتى=ولابد ماتجري عليه الثمانية
سرور وهم واجتماع وفرقه=وعسر ويسر ثم سقم وعافية

إن بغيت أوصلك عن وصلك حدون=وإن بغيت توصل غدا وصلك محال
الوكاد إنك على محمد تمون=يا أجيك اليوم يا باكر تعال

ماني ولد تاجر ولاني ولد شيخ=أنا فقير ورأس مالي معاشي

حمود البغيلي

الحلم يجمعني بكم كل ليلة=يطوي بساط البعد ما بيننا البين
حالت مسافات الدروب الطويلة=ما بيننا وأنتم على القلب غالين

البارحة ساهر ٍ والعين مسهرها=زول ٍ مع السوق بالمفرق تعداني
أنا من العام عنه النفس قاهرها=واليوم خطر ٍ على فرقاه تقواني

إن غبت عني غيّب الفكر عنـي=وإن شفت زولك عوّد الفكر ليه
ما زادني كثر الصبـر والتأنـي=إلا عذاب ٍ عمّق الجـرح فيـه

محمد القباني

اجش مغلنطق مغدودق غدق=مهرورق ودق مسحنفر دان
قمراءه يقق في لونه بلق=قد حفه غسق منغير تبيان

الشين مثل الدهر مقطوع=يمشون لاما يتعدونه
والزين مثل الحيا متبوع=لو ما تلا الناس يتلونه

(.......)

عمر الرجال ماقيمت بالمظاهر=ياللي تقول إن المظاهر هي الكل
صحيح أنا طفران والحظ عاثر=واليأس ماعمره على خافقي حل
لكن خلقت من فضل ربي مثابر=للقمه أكدح في حياتي ولا أمل

محمد القباني

خلك مع اللي يكسبون الطويلة=حمّاية التالي إلى نشّف الريق
ولا شلت لك حمل ٍ وضامك مشيله=شالوه ماهي بالحكي واللصاميق

سعد المقري

ياعشير ٍ تردى في عشيرة=كان يطلب مصالح وإنتهت
عشرة المصلحة دايم قصيرة=إن مشت يوم ثاني وقفت

علي القحطاني

ياونتي ونة كسير الجبارة=إلى وقف ما أحتال وليا قعد ون
عليك ياشباب ضو المنارة=عليك ترفات الصبايا ينوحن

ضيف الله بن تركي بن حميد

صليت في الجامع وسبحت تسعين=مع كثرهن وأتبعتهن تهليله
وقريت عمّ والمدثر وياسين=وزبنت رب ٍ مايخلي دخيله
وقريت وردي عن جميع الشياطين=وشبيب ماسوى به الورد حيله

سليمان الطويل

اللي يبينا عيت النفس تبغيه=واللي نبيه عيا البغت لايجيبه
ياعين شوفي زرع خلك وراعيه=هذي معاويده وهذي قليبه

نورة الهوشان