سلام يانايف عسى الرب يحماك=من شاعر مخلص يودك ويغليك
مني سلام يابيض الوجه ينصاك=يالنادر اللي طيبات مجانيك
الشعب يدعي لك على طيب ممشاك=ومن طيب حظك كاثرات حسانيك
دايم مع اهل الدين لاخاب مسعاك=ياسيدي الله يكلل مساعيك
الامر بالمعروف اكبر مزاياك=يانصرة المظلوم لاجاك ناصيك
ماتقبل المخطي ولو من دناياك=عادل وحازم مايجي فيك تشكيك
هذي بلاد الدين ماهوب يخفاك=لاتلتفت لمعقدين الشرابيك
ابوك وحدها على الخير وصاك=على الهدى وسنه نبيه موصيك
ومادام شرع الله هو اكبر نواياك=ابشر بخيرورب الارباب ينجيك
ياسيدي والله على الخير يهداك=واقبل تحياتي ليا حــل طاريـك

صح لسان الشاعر راشد بن خريزان
والأمير نايف يستاهل الثناء والشكر والتقدير
نسأل رب العزة والجلال أن يحفظ ولاة أمورنا من كيد المعتدين
ويحفظ وطننا من كل مكروه

شكراً لك حفيد الشيوخ وكل عام وأنت بخير

صح لسانك ياراشد وبيض الله وجهك وصح لسان حفيد الشيوخ على النقل