اتمنى من الشاعر صابر بن رشيد ان يتكرم ويعطينى اسباب قصة قصيدته
<
السلام عيكم ورحمة الله وبركاته اتمنى من الشاعر صابر بن رشيد ان يتكرم ويعطينى اسباب قصة قصيدته التاليه وبكل صدق لانه كثر الكلام حولها واصبح كل من هب ودب يروي قصة من خياله يابنت أرجوك أنا مأقدر كفانـي ماضـي الغلطـات أخـاف الله يعذبنـي وأنــا خــواف يابنـيـه واخـاف ابساعـه اللـذه يجينـا هـادم اللـذات ويأخذ من حشـى جوفـي بقايـا روحـي الحيـه أنا ليّه ثمان اسنين وأنا مدمـن علـى الشهـوات ديـار الفسـق حاستهـا مواطـي تحـت رجليـه عيوني من كبـر همـي تخلـط الـدم والعبـرات مِسيل الدمـع مـن عينـي حفـر بالخـد ماريـه صحيح إنك جميله بس تبنا مـن هـوى الزينـات تركنا الحـب غصـب وطـوع للعيـن الشقاويـه يابنت أنتي على بالك أبأخـذ مـن بنـات الشـات أجل مجنـون أنـا يابنـت أشيـل العقـل بيديّـه ترى أكبر شيء يربطني مِعك **** ابـو شاشـات وهاتـف ينقـل أشواقـي علـى نبـرات سلكيـه وترى كل العلوم اللـي عطيتـك بالهـوى كذبـات وحتـى دمعتـي يـوم الفـراق الصعـب كذبيـه هـذاك اليـوم ماهلـت عيونـي لجلـك الدمعـات لأن الدمـع ماينثـر بقـصـه حــب وهمـيـه أنا أضحك مِعك واضحك منك وعليك أكثّر الضحكات كأنـي بالهـوى جـنـي يعـبـي راس جنـيـه وأنا ماني بخكري يلبـس القمصـان والشرتـات ويفـرح قلبـه المسكيـن إذا حــب الدوينّـيـه أنا مـن لابـةٍ أروت ضمايـا سيوفهـا الغـزوات خلاياجسمـنـا عـاشـت عـلـى دم القبيلـيـه ودهنتي شعرك الاسـود بألـوانٍ مـن الصبغـات وعيـت تقبـل الصبغـه ملامـحـك الخليجـيـه وحشرتي ردفـك المسكيـن بالبنطـال والجنـزات خلاقـيـنٍ تصنّعـهـا مـزاجـات اليـهـوديـه عشاني ميتٍ فـي ثغـرك الأحمـر أبـو لمعـات تحسبينـي أبرضـخ لـك لأن إشفـاك ورديــه ورب الكون مأرضى فيك لو إنك شيخـة الحلـوات وإذا صمـل علـيّ العلـم أكـب ارض السعوديـه يابنت الناس عزك فـي سـوادٍ يستـر العـورات وعزي في شماغ أحمر وثـوب أبيـض وطاقيـه سعودييـن نفخـر فـي عبـايـات السعـوديـات نغـض الطـرف إجـلالً إذا شفنـا السعـوديـه وخليجييـن نفخـر فـي عبـايـات الخليجـيـات نغـض الطـرف إجـلالً إذا شفـنـا الخليجـيـه |
< الاخ ولد عم الرجال تلبيـــتن لرغبتــك تم الاتصـــال با ألشاعـــر( صابر بن رشيد) وبســـواله عــن القصيـــد ه نفـــى ان تكـــون القصيـــده المذكــــوره من قصــائــده وانهو لم يسمــع بهـــا من قبــل تقبــــل تحياتـــــــــــــــــــــــــي |
< ولد عم الرجال حياك الله وتسلم على هالقصيده الهادفه وصح لسانك ولسان قايلها
|
< يــاواللــه الورطــــه
ويــن اودي وجهــي من صابـــــــــر مســوي نفسي ان ؟؟؟؟؟؟؟؟؟ |
< على كل حال القصيدة معبرة
ولها قيمة وخبرة من شاب انجرف في تيار الشهوات والملذات ثم رجع الى صوابه وما قصرت يا ولد عم الرجال على إيرادها |
< أخوي ولد عم الرجال حياك الله ومشكور على المشاركة وإن كنت أجزم بأن القصيدة والمشاركة أعلاه ليست من نظم الشاعر صابر إلا إذا كان هناك خلاف لا بأس من توضيحه يعطيك العافية |
| الساعة الآن 01:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by