المرور نايم
<
الأخوان الطيبين والأخوات الطيبات وأحبابي المشاهدين الله مير يحييكم ويعطيكم العافية عسى ماخلاف ولامخالف هذا سلمكم الله وسلمني ولد ولدي يروي لي قصة حدثت له صباح اليوم ومثل ماتعرفون ومعكم علم الناس صايمة وكل واحد نفسه على راس خشمه مايمديك بس تعطس إلا وماتدري من أنت بيده يقول ولد ولدي اللي أنا جده كنت رايح لعملي كالعادة وأنت تعرف ياجدي إن الزحمة بالرياض حدث ولاحرج لاشوارع زينة ولامخارج متوفرة بس ندرعم مع هالسكيك وهالعالم الله لايوريك هاجين تقل غنم شايفه لها ذيب والمرور ماعندك أحد يطالع وكنه مايطالع يقول مير مافيه إلا قطع بهاالإشارات والمسكين اللي نظامي هو اللي يروح فيها أكيد بتقولون ليش ؟ لأن المسكين متقيد بالأنظمة والقوانين ومحافظ على نفسه قبل غيره بالعربي إنسان واعي حضاري ماهو مثل بعض ربعنا يقول تولع الإشارة وإلا ماتولع تطفي وإلا ماتطفي قاطعين قاطعين الله لايعوق حتى الأجانب خذوا ربوتنا وخذوا طبعنا مافيه إلا قطع والمرور يتفرج تحسبه سوا شي ماغير يقلب هالراس يمين يسار ومسوي نفسه ماشاف شي يقول يوم شاف الفوضى وهالعالم رادين به ومابهم حيلة تدري وش سوا ياجدي قلت له وش سوا قال ياجدي ركب الدورية وهج حاط رجله وخلانا بورطة وبلشة قلت له وأنا جدك هذولا أولاً يبيلهم تدريب وحسن تصرف على الأمور العصيبة مهوب بس يوم شاف الناس ماإهتموا به حط رجله ومشى وبعدين لاتلومه جندي والضابط مادرى في آخر نومه ولادرى عن أحد وإلا قطع الإشارة سهل في البلدان الأخرى ولاتروح بعيد خلنا في الخليج عندك قريب مافيه إلا إنضباط وإحترام للأنظمة والقوانين نادر ماتشوف رجل مرور عند الإشارة أكيد بتقولون ليش ؟ لأن الوعي أهم الأشياء لديهم ومافيه خربط بربط أماعندنا وأنا جدك المرور جيد وشو به جيد بالتخشش تحت هالكباري تقل خايفين ويالله مافيه إلا رصد السرعة وسجل مخالفة وإلا ماتدري وأنت واقف عند الإشارة إلا وهو زارقك بين هالسيارات تقل جني أعوذ بالله وبيده تفتر وقلم وياويلك إذا ماأنت رابط الحزام وهذا كل همهم أكيد بتقولون ليش ؟ علشان يحررون عليك مخالفة أما تبيهم ينظمون السير وإلا يفكرون بالإسلوب الحضاري وردع كل مستهتر بالأنظمة هذا يبي له وقت متى ؟ ماأدري بالعربي المرور نيم على هالصبحية وسلامتك وسلامة ولد ولدي وسلامة عاشق نجد |
مشاركة: المرور نايم
<
الله يستر المرور وما ادراك ما المرور ولا شوارعنا تقول مدرجات طائرات حاشا ما هيب شوارع ويا ويلك ان ما أسرعت
أبوسعد |
مشاركة: المرور نايم
<
عاشق نجد .عمي الشيخ تقبل الله منا ومنك صيامكم وقيامكم كما يعلم الجميع ان قضية قطع الاشارة اصبحت ظاهرة سيئة مع الاسف ومنتشرة انتشار كبير ورهيب ومخيف بين الناس مع الاسف كما نرى الاستهتار وقلة الوعي والاحترام كل يوم القضية ياشيخنا الفاضل ليست قضية تقصير مرور فقط!! هناك امور كثيرة تتحمل مسؤلية قطع الاشارة 1- قلة الوعي الثقافي والمروري والحضاري لدى الكثير من السائقينمنها على سبيل المثال 2- التهاون والتقصير في تطبيق العقوبات الرادعه من الجهات المختصة 3- المرور علية دور كبير في هذه القضية وهو عدم ضرب يد من حديد على كل مستهتر 4- التنشأة الاجتماعية وخاصة من البيت والمدرسة قد تكون شبة معدومه أو تكون موسمية 5- تهميش الوعي المروري من قبل الجهات ذات العلاقة كالاعلام والصحف 6- تجاهل الاباء في عدم ارشاد ابنائهم على تعليمهم منذ الصغر على احترام نظام المرور امور كثيره لو تطرقنا اليها ياعمي الكريم ما انتهينا من الكتابة والشرح لكن يبقى للمواطن الواعي والفاهم الدور الكبير والمهم في التوجيهة والارشاد والتعليم وخاصة في المدارس وفي جميع القنوات الاعلامية والثقافية ووضع عقوبات رادعه وحازمة لك مستهتر المرور ليس هو المتهم الوحيد وليس هو المسؤل الوحيد جهات عديده وكل مواطن في هذا البلد يعتبر نفسة هو رجل مرور يرعى ويحافظ على النظام الدولة لم تقصر في دعم المرور بالاليات الحديثة والرجال المدربين لكن يبقى كذلك المواطن لة الدور الكبير في نجاح مهم المرور وحتى نصل الى غايتنا في القضاء على هذه الظاهرة ليس انا ياشيخ ادافع عن المرور أو اقف محامياً عنه لكن بقول كلمة الحق في هذا الموضوع انتقاد ياعمي الشيخ في محلة ويجب ان نناقش اي مشكلة من خلال الطرح والمناقشة الجميلة ولك مني ايها الشيخ الدعاء لك بالصحه والعافية |
مشاركة: المرور نايم
<
هوووووووووو المرور متى صحى علشان ينوووووووووووووووم
من زمان نايم والدليل شوف وشلون يقوفوون عن مرور الناصريه مخالفات الوقف بالخطاء بس بدون مخالفات بل تخلفات |
مشاركة: المرور نايم
<
لاد قبان الله مير يسلمك ماقصرت مرورك طيب سلمت لـ عاشق نجد |
مشاركة: المرور نايم
<
زيزوم الله مير يسلمك هذي الساعة اللي مهيب صاحية ماأقول إلا الله يخليك لعينن ترجيك قل آمين تكفى لاتردها بخاطر عاشق نجد |
مشاركة: المرور نايم
<
كحيلان لا لا لا ماني مصدق كحيلان مر علينا وعطانا وجه مش معقول الظاهر إني في حلم لكن الله مير يسلمك ياكحيلان والله ياني مبسوط من مشاركاتك وشلون أجل وأنت مار على عاشق نجد |
مشاركة: المرور نايم
<
اتذكر موقف واحد من الاخوان عند نقطة تفتيش للمرور ... قاله العريف : الرخصة .. والاستمارة قال الاخ : تفضل ،، شاف اخونا ابوالعريف كل شي سليم قال طيب عطني الفحص .. قال تفضل هذا الفحص .. قال العسكري الفاهم : يهب ما حد يترزق منك ..
صارت المخالفات ترزق |
| الساعة الآن 06:35 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by