عاشق نجد يكلمكم
<
السلام عليكم ورحمه الله وبركاته الله مير يسلمن ويسلمكم من العايدين بعد الزحمه وعيدكم مبارك ابشركم حجيت على الهايلوكس :e0025: انا ورفيق دربي صديقي ولد الربدي فاضين مافيه وظايف ولا شغل ولا مشغله مير ويقول ولد الربدي ورا مانحج بدل هالهجوله قلت من جدك قال لا من عمي :c040: الله يهديه ياهو مصرقع حتى بالحج :c040: المهم ان حنا حجينا ولله الحمد وهالحين انا اكلمكم من الطايف راجعين قال ولد الربدي خلن نمسي ولاحقين على نفود الثويرات والغضا عاد يوم شفته غط بالنوم قلت ورا ما ازرق على الشباب واسلم عليهم وابارك لهم بالعيد مبطي منكم مير اعذرونن وتراي جايب لكم قريض ومسابيح ومساويك بس مدري كيف اوصله غدي واحد من الشباب يقابلن عند المفرق ياخذهم وهالحين اسمحولي عاد ابروح انام عويناتي زغلنن :h055: بي نوم حتى الحروف مااشوفهن زين مير غلاكم مافيه حيله بقلب عاشق نجد |
< هلا والله عاشق نجد , حج مقبوووول وذنب مغفووووور
|
< حيالله عاشق نجد وحج مبرور وذنب مغفور الله يافيه ثلج على الشمال لوتقعد فيه لا غضى ولا سمر مافيه الا ثلج كنه طحين ابيضضضضض لا بتلقى زيت الهايلوكس مثلج وموية الديتر والقزاز هذا اذا ماثلجت انت بعد |
< ارحب ارحب حيالله عاشق نجد وحج مبرور وذنب مغفور تحياتي بدر القباني |
< الله يقبل حجك ويغفر ذنبك بس الظاهر انك رايحن تبيع حويل التمر على الحجاج هالتنساني من من
الهدايا وتكفي ونا ابوك جبل الورعاني زمارات الي عيها صور بعير وعكاسة وشرايك تسير على لانيب ذابحن لك بعشيك من لحم الضحايا الا ودي انشدك معندك حويل تمر تبيعه ودي اعلف به الرغايث الى قامت تخاور في مراحه معاد ينطال يبوك |
< ههههه عاشق نجد وولد امير الشمل وين الله جمعكم عط الرجال من الحويل خله يعلف به كود يختلف طعم الحليب لين الله يجيب الحيا |
< اقتباس:
قال حج قال لا ومع مين ولد الربدي :a042: ماشاء الله متوصي الأخ قريض ومسابيح ومدري وش بعد خلاص نبي نخلي ولد أمير الشمل يقابلن قصدي يقابلك بالمفرق ويأخذ منك الأغراض عز الله بينقلب رأسه مالقى هالمفرق :c040: |
< حد الرهيف الله يقبل من ومنك
ولد بداح هالثلج الي تقول كنه طحين وبيثلج زيت الهايلوكس :e0025: ومويت الديتر والقزاز لايهمك كله زرقتن لجده انا وولد الربدي وفرتين بالكرنتينه الا وهو رايح وطي من الرطوبة اما بالنسبة لي مثلج خلقه دام ولد الربدي صديقي :c040: بدر القباني والمولي مايهلي ولد امير الشمل لا عاد ماصدق هالخشيشه وش اخبار هايلوكسك :e0025: المصدي الي عليه بعيرات وبعدين لاتفضحن بالتمر وبعدين الزمارات مايمدي الوراعين ياكلونه الا وهي مايعة من الطريق والعكاسه مدري وشهي اكله ثانيه تعني حقت التكارنه وبعدين ابيك تعشين مندي عند السعيد انا وولد الربدي وتعزم ولد بداح راعي الشعيب والله الله بالشطيطا ام ديك تعال وشمعنى الرغايث تخاور ماينطال شكله كبسه جديده او انه كليجا وتسمونه رغايث الله يخلف على اوميمك الي علمك هالخرابيط وبعدين وشهالتوقيع ورا حقت الرجال مورمه :c040: ولد بداح جمعن الحظ الردي ومقابل ولد الربدي محمد القباني مالقيت الا ولد امير الشمل يقابلن هو وبعيراته الله من الدجه تقل ولد الربدي ماعندك احد :c040: |
| الساعة الآن 11:01 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by