قصيدة ترحيبية للشاعر الكبير / عبدالله بن فايز القباني
<
هذه القصيدة للشاعر الكبير/ عبدالله بن فايز القباني..قالها عندما زارهم أمير الأفلاج في قرية حراضه...نقلاً عن ابنه فراج بن عبدالله...
يامرحباً حيّ الوجيه المسافير=ترحيبةٍ تجلى من الصدر غيمه عندك لنا يامير حقٍّ وتقدير=وعندي لكم يامير حشمه وقيمه بعض الرجال يسرّ لو سنّه صغير=عقولٍ تكوّن من جسومٍ سليمه مثل الحصان اللي يشقّ الطوابير=يفرض على بعض القبايل هزيمه ووراه من ينقل حداد البواتير=في الوقت ذا ولا العصور القديمه والحمد للي يرزق الخلق والطير=مثبّتٍ طود الجبال العظيمه منزّل الماء من المزون المعاصير=ومحيي رميمات العظام الهتيمه فيالله يارزّاق عكف المناقير=نطلبك نوٍّ ياخذ أيام ديمه يتلو سحابه مثل ورد المغاتير=اللي على الماء مشفياتٍ محيمه ينهلّ من فوق الملاقي شخاتير=يسقي لنا دارٍ نخلها هشيمه داري وديرة ربعي أهل المخاسير=لامن نصانا الضيف يلقا وليمه ربعي على صكات بقعا جبابير=مثل الجمال أهل الحمول الجسيمه وجيرانا معنا على الشر والخير=محدٍ من الجيران جابه هضيمه بسناد أبوفايز صديق المناعير=يوم السنين الماضيات الوخيمه جانا رشاش بقومه اللي طوابير=اللي لهم بين القبايل قضيمه حاكو لهم ربعي علومٍ وتدبير=مدبرينٍ خطّةٍ مستقيمه خطة شرف يشبع بها السبع والطير=واقفت فلول الترك عقب الهزيمه جونا يريدون الغروس المصاخير=وعيّو عليها مقحمين الشكيمه تواقفوا بالهوش مثل الجزازير=وتحالقو من دون سحمه وريمه بنات ربعي يمنعون المظاهير=لاجاء لصيلات السبايا رهيمه لاورّدت سهر الرماح المساهير=ثم جرّدت حدب السيوف الصميمه لحقو هل الردّات دون المعاشير=يثنون وان دارت عليهم طميمه بدهم الفرنج اللي تفتّ الجنازير=وحدبٍ تلظّى من زمهري حميمه كن الفشق من ناحلات المخاطير=مثل البرد من ناوّةٍ مستغيمه هرب ثنينٍ فوق قبٍّ مغاوير=مع برقة الهند راحت تويمه صاح الصياح ومنه قفّو محادير=وكنا نشوف فعولهم بالقسيمه وختامها مني صلاةٍ وتكبير=على نبيٍّ حط للدين قيمه |
< اقتباس:
صح لسان الشاعر الكبير عبدالله بن فايز قصيدة تعتبر من القصائد التاريخية التوثيقية للقبابنة وشاهد من شهود العصر لما دار في حقبة زمنية مضت أخوي الكريم الدبلوماسي لاهنت على النقل الطيب والشكر موصول لأخي فراج بن عبدالله بتزويدنا برائعة من روائع والده ووالدنا الكبير الشيخ والشاعر عبدالله بن فايز القباني دمت برعاية رب العزة والجلال |
< بــيـّـض الله وجهـك يالدبولماسـي
والله يرٍحم الشـأعر عبدالله بن فايز لك الشـكرٍ على ماتطرٍح من قصـائد لـ: شعراء قـبيله القبـإْبنــه , الماضيـن .. |
< اقتباس:
ولاتهون يابوخالد .. ومشكور على مرورك الجميل.. |
< اقتباس:
الله يرحمه ويطوّل عمره ان شاء الله .. وسلمت ولاهنت .. على مرورك الكريم .. |
< صح لسانك ياالدبلوماسى وماقصرت وكلمه حق تسجل لك بوافر الشكر والتقدير,,انك اتحفتنا بروائع شعرائنا الدفينه فى صدور الابناء والاباء والرواة , الى المزيد ياالدبلوماسى . صح لسان الوالد الشيخ عبدالله بن فايز القبانى وماقصرتوا جميعااااا . |
< الشاعر على قيد الحياة نسأل رب العزة والجلال أن يمتعه بالصحة والعافية |
< اقتباس:
سلمت .. ولاهنت.. ياحد الرهيف.. ومشكور على مرورك الجميل .. |
< صح لسان الشاعر الكبير الشيخ عبدالله بن فايز القبانى
الحقيقة انه وثق الكثير من تاريخ القبابنة شعرا او رواية اسئل الله ان يعطيه الصحة والعافية وطولة العمر ماقصرت يارعي الجزل تسلم يمناك وبإنتظار الكثير منك سواء قصائد او روايات عن تاريخ القبابنة |
< اقتباس:
سلمت .. ولاهنت .. ومشكور على مرورك الكريم .. |
< صح لسانك يالشاعر وشكرا الدبلوماسي |
< اقتباس:
العفو .. يالتنديل .. ومشكور على المرور الجميل .. |
< صح لسانك والله يبيض وجهك على النقل |
< اقتباس:
ووجهك .. أبيض .. ومشكور على المرور الجميل .. |
< صح لسان الشاعر القدير عبدالله بن فايز واشكرك يالدبلوماسي على هذه المشاركة |
| الساعة الآن 01:28 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by