رؤيـا منامـي بشّرتنـي بلامـاك=وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك=قتيل حربٍ مثـل حـرب الحجـاره
ليتك مصوّبني برمحـك وشلفـاك=الموت من يمناك ماهـو خسـاره
لكـنّ ذابحنـي بهجـرك وفرقـاك=مدري متى تسمـح لنـا بالزيـاره
شربت سحر البابلي مـن شفايـاك=شراب ضرمانٍ شرب لـه زقـاره
يوم أنّي أزيح الشعر عن محيّـاك=وإيدٍ يميـن الجيـد وإيـدٍ يســــــــاره
وأن طاحت الدمعه على كف يمناك=حـرارة الدمعـه تداعـب حــــــــراره
يامن خلقك الله بحسنـه وســــوّاك=أشوف فيك مـن العبـاره عبـــــاره
أحلف واقدّم لـك رهـن وأتحــــدّاك=مالـك شبيـه الاّظبْـيّ الـــــــــزبـاره
والأشقر اللي كل ماقمـت غطّـاك=شقـار بشـت فـداويٍ فالأمــــــاره
وإليا نطحـك الريـح والاّ تقفّــــاك=شبح !! شبح !! صدام بدْي وغماره
ماقـط سافـر فيـه هــــــذا ولا ذاك=شبح وزيـرٍ عنـد بـاب الــــــوزاره

بارك الله فيك
أخوي ولد بداح قصيدة رائعة ومشكور على المشاركة
دمت في رعاية رب العزة والجلال

المشاركة الأصلية كتبت بواسطة عديل الروح ليتك مصوّبني برمحـك وشلفـاك***الموت من يمناك ماهـو خسـاره لكـنّ ذابحنـي بهجـرك وفرقـاك***مدري متى تسمـح لنـا بالزيـاره مشكور اخوي ولد بداح على النقل الطيب

المشاركة الأصلية كتبت بواسطة حد الرهيف صح لسان الهاجرى ولسانك ياولد بداح ,, تقبل تحياتى

المشاركة الأصلية كتبت بواسطة العـــروان مشكور اخوي ولد بداح صح لسانك ولسان الشاعر الهاجرى

المشاركة الأصلية كتبت بواسطة محمد القباني بارك الله فيك أخوي ولد بداح قصيدة رائعة ومشكور على المشاركة دمت في رعاية رب العزة والجلال