المسبح وعاشق نجد
<
يالربع الله يسلمن ويسلمكم طلعوا هالوغدان لا يفضحوني ابسولف عليكم سالفتن صارت لي من هالسنين وقلت فرصة ارويها لكم بهالرمضانيات ( الشرهان على هايلوكس قصدي على غفلة ) مرتن من المراريت السنين قبل برهه رحت مع اثنين من الربع على الهايلوكس نتمشى والجو كان صيف بوقته والشمس تحرق الدماغ يعني بالقصيمية افقش بيضه على راسك يطلع بيض عيون قال واحدن من اللي معي والظاهر تعرفونه هذا ولد الربدي الله يرجه رجت صميلن نبي نروح نسبح بحدا البرك قصدي المسابح اللي بالأندية قلت يالله مشينا بس يالربع تراني ماني سابح قالوا ليا وصلنا هناك نتفاهم قالوا قرب بس الهايلوكس خل البربرة ماحنا فاضين لك انت ووجهك وخلنا نمشي قلت سم المهم الزبدة انا مشينا :e0025: ويوم وصلنا هناك صفينا طابور علشان نحجز سراويل سباحه وانا كنت اخر واحد ومن قرادة حظي مابقي الا سروالن واحد :a042: وهالسروال مابوه حبل ؟!ّ :h050: وعييت لا اخذوه ولزموا علي العيال الربدي الله يرجه رجت صميلن وخوينا الاخر ماني معلمكم بسمه ومع شوين ترفيع المهم اني خذيتوه ولبستوه طبوا العيال يسبحون وانا بلشانن بسروالي :c030: وبس جالسن على حافت المسبح :c025: وهو يزغويني الشيطان قلت انا ليه ما اسبح وعادي اذا انفسر السريويل حدر الماء ولاحدن شايفن ويمديني اتماكن نفسي المهم ياجماعة الربع طبيت المسبح ومن ثقل الماء وهو ينفسر السريويل ولا انتبهت لوه ويوم انتصفت بالمسبح حسيت ان فيه شي يمسك رجليني وهقيت ( توقعت ) انوه الملوي انفسر وانا اقوم اكورب نفسي ابي اتماكنوه ( غيبتن عن ولد امير الشمل ) :h050: وانزل واحاول اوازنوه ليما يبي ينقطع نفسي وارجع اخذ نفس واكمل العمليه على بالي سباح :h050: والناس اللي حول المسبح شافوني ارفس بوسط المسبح ويحسبوني ابغرق واسمع صياحم ( مات الرجال ، الرجال غرق ، تماكنوووه يارجاااال ) عاد انا قلت هالحين يبيجوني وانا في وضع مزري وانا احاول ازيد من سرعتي واقوم لي مرافس بالماء واسمع ولد الربدي يقول ( لا واحلولات عاشق نجد عزالله اللي مات ) قلت بنفسي ( ولو يسمعن رفسن تحت وغرقت ) انت لو الله ياخذك مابي بلا المهم وصلوا المسعفين لي وانا توي ( معافر ) ( افلقونن ان عرفها ولد امير الشمل :h050: ) انا وسروال الشر والشرير وهو يمسك حديهم السروال وهو يجروه يبي يطلعن ويوم قربت اطلع لا السريويل واصلن مواطيي :a042: وانا احشا عمري واتجود بوه وانكس بالماء نكسة ( اسهم شركة اعمار ) وهو يجيني واحدن ثاني وهو يمسك السريويل ومثل الاول بغا يجيب فيني العيد المهم مالكم بالطويله خذينا حول نص ساعه معافس :e025: ولسان حالي حلوة لسان حال مدري منين طلعت يقول الموت ولا العار ياعاشق نجد ولا اطلعوني الا عقب ماشربت نص البركه وولد الربدي الله يرجه رجت صميلن متكي بالعاير وميت ضحك ياخسارة ياشيلتهم معي بالهايلوكس لكن هين لي يوم معهم :h035: ودارت السنين وتعرفت عليكم قلت عاد اسولف بها عليكم واعذرونن ترى الصيام له دور ياني دايخ ماشربت سنبوسة ولا كليت توت دبغت بالسكري وسطل من لبينات مزرعتنا على فكرة قبل ما انسى ودي اخذ عمرة على الهايلوكس ظنكم توصلن بس شكل ولد الربدي بينشب بي ماتصرفونه وين ولد بداح ياخذه عن وينطله بالشعيب اللي مشخص به بالتوقيع حقه ودي انه يروح معي هو حليل بس قلق بالطريق شف ذا وراه كذا إلا وش رأيك ما يخلين على كيفي لي جيت اشغل عيسى قال لا حط بشير وان قلت حط بشير قال لا شغل عيسى دنيا حتى مع الاصدقاء مامن راحة الله يعين عاشق نجد |
< هههههههههه الله يرجك ياعاشق نجد على علومك الوله ماتغيرت انا قلت بعد ماقطع فينا بيصير شكل ثاني لكن اصيل مايغيرك الزمن ولد الربدي ازهله لين صملت للعمره فوصله لي وودي اسير على القصيم وشلون الجو هالأيام عندكم ؟ تصدق انا فاقدينك والمشكله الأجازة وصلت وانت شكلك ماتكتب الا وانت في الدوام وين بنجيب دوم منه حتى تكتب لكن اتوسط لك ويكلفونك بالأجازة انتداب ونوم تحياتي |
< عاشق نجد
الله يرجك رجآ مبرحآ بغيت تروح شوربة ماجي وين نلقا بديلك لاهنت على خفت الروح وشكرآ |
< وينك ياخوى ؟ ابطيت علينا وهذى سوالفك وسوالف ربعك , على العموم بأنتظار المزيد منك ومن قصصك , لاهنت
|
< عاشق نجد ماني قايل الله يرجك فيك من الرجة بما فيه الكفاية لكن اقول دائماً ممتع ولد بداح يقول انك موظف وإنك ما تكتب إلا وأنت بالدوام وانا اقول لأخوي ولد بداح ماظنتي الرجال يتشكى يدور على الوظيفة وناجح بتقدير مقبول يعني العمل الحر أفضل له وهذا هو يسعسع بالهايلوكس وطول الوقت في الإجازة كان ( بيّاع ) قصدي سرداد مرداد يجلب الرطب من القصيم للرياض صحيح هالكلام :؟ |
< موقف لا تحسد عليه :c040::c040::c040:
:c040::c040::c040::c040::c040::c040::c040::c040::c 040::c040::c040: وأنا أقترح أن كل مسبح يشرط عليه ان يحط زراديه وأسيام عشانك يا عاشق نجد |
< تبي الصراحة يابوخالد عاشق نجد مانستغني عنه لكن تواجده حسب ضروفه وان جانا ربيع ماضن بنشوفه بسهوله ولا طلع واحد مستنسخ منه عاشق نجد 1 والله وصارت الناس تسمي عليك ياعاشق نجد هذا وانت عاطل وشلون لو توظفت لكن الله يذكر ولد امير الشمل بالخير |
< ولد بداح الله مير يسلمن ويسلمك ذبحتن بهالرجه حتى الهايلوكس تأثرت وبدت ترج يبي لي عودة للصناعية انا وولد الربدي لكن بعد الرجة قصدي بعد الرجعه إن شاء الله من القصيم خلون أستأنس بفيحاء القصيم أيام وبعدين الله يهدين ويهديك ماتسمع لي فترة وأنا أصيح بعد تخرجي الباهر من الثانوية بتقدير مقبول على وظيفة وتكفون دورو لي واسطة من شأن توظفون وأخيرن تقول موظف شكلك ما تحب التوت ولا تأكل مطازيز على الفطور وتشرب الجلي بالشوكة القشطة والزبدة مسامحك على غلطاتك على عاشق نجد |
< ابشر بالفزعة في الوظيفة لكن الاعمال اللي تجديدها وهل معك لغة |
< ولد بداح جليس السهول حد الرهيف محمد القباني الله يرجكم قصدي الله يسلمكم على المرور وكان عندك فزعة ياولد بداح لا تخلين
السموحة فهد ال ثلاب نسيتك مير الله يسلمن ويسلمك على المرور |
| الساعة الآن 06:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by