قالوا اكتب فالمدرس والمـدارس والدراسـه"="واعتبرها مهنةٍ لك كـن ماعنـدك وظيفـه
قلت هذي ياجماعه لاتكون مـن السياسـه"="ونتوهق في دهاليـز السياسـات المخيفـه
قالوا ابداً ذي تراها من فمك حتى الرياسـه"="توصل اللي فالمكاتب جالسٍ فـوق القطيفـه
قلت انا مانيب اعَرْف الا الخفاره والحراسـه"="نابـتٍ فالعسكريّـه واهتماماتـي خفيـفـه
والمدرس لقبوه المجتمع راعـي الوناسـه"="ماخذٍ حقه مع العربـان والمهنـه شريفـه
الاجازات اربع اشهر ماتقلل مـن حماسـه"="بعدها يرجع على الطلاب واخلاقـه لطيفـه
والتقاعد مايجيه الا ليا مـن شـاب راسـه"="لاخذا ستين عـامٍ وانتهـى باقـي خريفـه
قالوا اليوم المدرس صار منـدوب التعاسـه"="والمزايا اللي ذكرت اوصافها صارت كليفـه
مايعيّن غير لامنـه فقـد كامـل احساسـه"="كل يومٍ ينتظر دوره علـى وجـه الصحيفـه
والرويتب مايسده فـي مقاضيـه ولباسـه"="والحصص تكثر عليه ان كانت جنوبه صخيفه
والتلاميذ اصبحوا يمشون في درب ...جاسه"="واصبح الاستاذ عرُضَه للعبـارات السخيفـه
وان رفع خشمه يورونه قوانيـن الشراسـه"="كم مديرٍ ذوقوه مـن المشاعيـب النحيفـه
واختنا فالله جاها ماتعـاف مـن النحاسـه"="واحذفوها فالحجاز وهي تبـي وادي حنيفـه
جت تبي ستر الوجيه وفكةٍ مـن الانتكاسـه"="وتحفظ الشايب وتحفظ الام والنفس العفيفـه
والتفت بوها يدوّر من يفكه مـن عماسـه"="يطلب اللي فالـوزاره مايضـرون الضعيفـه
ماحدٍ عبّر كلامه وانتهـى عزمـه وباسـه"="وارتخى شوفه وهو يشكي من الحال الكسيفه
بعدها شد الرحـال وودع احبابـه وناسـه"="ساعةٍ فيها الوليف يموت من فرقـا وليفـه
عقب ماشابت عيونه جا قرار البنت حاسـه"="ولاتهنّى في شتـاه ولاتهنّـى فـي مصيفـه
قلت كلٍ عارفٍ تفصيل ثوبـه مـن قياسـه"="وعادة الدنيا على الانسان ماتمشـي بكيفـه
غير خلوها قصايد فالشجاعـه والحماسـه"="يمكن ان تصحي القلوب اللي بعد فينا نظيفـه
وســلامتكــم
الشاعر مخاوي الذيب