ون ابن جدلان من لايع لاعه
= كن في كبدي دوافير صناعي
العب المنكوس واحب روباعه
= ممل في الوقت والوقت خداعي
مادريت ان ضحكة الوقت خداعه
= شفت مدخالي ولا شفت مطلاعي
لابغيت اسج والا انبسط ساعه
= دق قلبي من وراء حدب الاضلاعي
كن من بين الضلوع الهم طباعه
= تشتغل لانمت واقوم مرتاعي
هم قلبي ما يفرق تجماعه
= غير جر الصوت والناس هجاعي
فاقد لي سلعه واكبر ابضاعه
= سلعة تشتراء ولا هيب تنباعي
رفقة الطيب ليا غير اطباعه
= اشهد انها كية توجع اوجاعي
راكب الي صممه صاحب اصناعه
= جمس بيك اب من حديثات الانواعي
الغريب الي جديد من انواعه
= حوض رفرف مايبي شد وشراعي
لا انس البنزين عجل تفرقاعه
= مخطر من سرعته يقلع اقلاعي
لا تحرك شفت في القاع مشلاعه
= والتواير تظهر الماء من القاعي
ينعش القلب الحزين ابتهملاعه
= لا مشا قام يتهملع تهملاعي
لاوطى الارض أنتعش كن تهزاعه
= بنت شيخ طامح من ولد راعي
في رجاء الغايب تحرا لمرجاعه
= تنقد العشاق وتطق الاصباعي
نفسها من جمله الناس منصاعه
= ماتبي الا واحد ذكره ايشاعي
ينحر اللي يأخذ الطيب بذراعه
= الصديق الصافي الصامل الواعي
الوفاء والطيب ساسه ومنباعه
= يوم بعض الطيب تقليد وصناعي
لا وصلتوا فأخبروني عن اوضاعه
= واخبروا راعي السمارا عن اوضاعي
انشدوا ويش السبايب بمهزاعه
= لا علي ناقص ولا ابيه فزاعي
ودنا نرضيه ونحاول اقناعه
= كان بن مهمل بعد يسمع الداعي
كان يبغا حق للحق قطاعه
= نقنعه والحق ماعنه مجزاعي
وكان مبغض في الرياجيل بتاعه
= لا يجي ناقد ويلحقني ارياعي
للصديق نخلي النفس خضاعه
= ما نوريه الجفا والتمطاعي
الصداقه عندنا ذخر وطماعه
= صحبة ماهيب صحبة تمتاعي
حد جدتها على البرق لماعه
= وان خذت يومين مفعولها ضاعي
فإن تليمنا على العز والطاعه
= وان تفرقنا فجوج الله أوساعي
ما أطرد المقفي ليا صفط أشراعه
= مخبل اللي للمقفين تباعي
من يحط اذنه على كل سماعه
= جاه فرقا ما عندها تجماعي
والزباد اختام هرجي ومطلاعه
= يدفعه من ريحة المك ذعذاعي