الله يردك سالم ٍ ياأبو خزام = وعسى نشوفك في شعيب الستارة
عسى تغادرغرفتك بالشفاء تام = تمشي ورجلك من مرضها مجاره
تمشي سوي ٍ بالظهيرة بالأقدام = ونلقـاك لا منا نويـنا الزيــارة
وقت وترى لابد للعمر صرام = ولابد من عقب الحلاوة مرارة
الإنسان لو طالت لياليه مادام = لابد من قبر ٍ يهايل غبارة
وإلا الفتى ياكود رقعه من الخام = ماينفعه كثر الولد والتجارة
صحيفة ٍ تطوى بعد رفع الأقلام = والخاسر اللي صحيفته في يسارة
في موقف ٍ فيه يتناجون الأخصام = يوم ٍ عبوس ٍ فيه أشد الحرارة
يوم ٍ تعادل وقفته عدة أعوام = ويآخذ به المظلوم حقه وثاره
الأمر للي للخـفيـات عـلام = موحي دبيب النمل فوق الحجارة
ماهوب غدار ٍ ولا هوب نمام = ملك الملوك اللي رفيع ٍ وقاره
والرابح اللي ميتته ميتة اسلام = يروح ماحس القرابه وجاره
صلى الفروض وقام يزكي وصام = ومع الاستطاعه حج وأكمل جماره
وقام التهجد والمخاليق نيام = مع مثلها ركعات فأول نهاره
وخلق ٍ حميد وجو في وصل الأرحام = والبعد من هضم البشر واحتقاره
هذا وتسلم من مقادير الأيام = وعلى سلامتكم نسوق البشارة
ياكاسب الطولات يانسل الأكرام = يالنادر بن الحر ساس النداره
تنشر لك البيضاء من العبر للشام = ياكاسب الطولات في كل شارة
لامن نخاك اللي من الوقت منظام = فزعت من زود الصطر والنعاره
هذا الصحيح ولا نقوله توهام = وآخير من كثر الكلام اختصاره
صلوا على اللي قام بإعدام الأصنام = ليلة أتاه الوحي في وسط غاره