قصائد المهربين ومساجلاتهم - منتديات القبابنة
موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة سوالف الطيبين

سوالف الطيبين لروائع القصص في الجزيرة العربية

قصائد المهربين ومساجلاتهم


إضافة رد
 
أدوات الموضوع انواع عرض الموضوع
قديم 08-26-2006, 10:58 PM   رقم المشاركة : 1
عضو متميز





ولد بداح غير متصل

ولد بداح is on a distinguished road


 

ادب المهربين وقصائدهم ومساجلاتهم

كان التهريب سابقا يعتبره فئة من رواده من افضل المغامرات التي كانو يمارسونها وكان لهم صولات وجولات من الطراد بين كر وفر ويوم منتصرين وايام منهزمين وكان لهم قصيده وادبهم ومن اشهر قصايدهم

<b><font                                          size"2" face="Tahoma">من يسب الهاف جعله فدوة له=جعل يفدنه غنادير البناتي
لازهــمـــت الــهـــاف جـــــاك الــهـــاف كــلـــهتقل يشرب من غراش المسكراتي</font></b>
قيل انها لبندر بن سرور وقيل انها لسعيد بن ودمان ولهيب له لسبب ابذكره واكد لي احد الاخوة انها لمحمد بن مثعي العتيبي نقلا عن ابنه وهو الاقرب للصواب لان بن دومان كان يشتغل في الحد في نفس النقطة ابرق الكبريت

وقد قرات في احدالكثير المنتديات بعض القصائد والمراد بين المهربين ابوسعيد بن دومان ويقال انه رئيس مركز برق الشيوخ الان وبيفيدنا بأذن الله الاخ حد الرهيف
المهم قبل أكثر من أربعين سنه تقريباً كان التتن ممنوع بيعه في السعوديه وكانوا يهربونه عبر النقاط الحدوديه على الفروت والهافات

أشهر نقطة ذيك الأيام ( أبرق الكبريت ) على الحدود بين السعودية والكويت .... تعيـّن في ذيك النقطة رجل يقال له إسمه (ابوسعيد بن ودمان ) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه لكن الشي اللي حفظه التاريخ هو ( أدب التهريب ) جرت مساجلات شعريه كثيره وعديده بين ابن ودمان وبين المهربين ... وعلى اللي كان بينهم من رمي بالبنادق وهوايش لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) وبأعطيكم القصايد اللي تم حفظها وجرت ذيك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير
المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :

ياهـل الهافـات عنتـر نـاش جـاكـموا عنـا مـن صادفـه بأرضـن خليّـه
لعنبـوكـم هـونـوا جـاكــم عـنـاكـمجاكـم المـوت الحمـر ماهـي زريّـه
هـفـوة ٍ زلّــت لـكـم وإكـلـوا (....)بيـعـوا الـهـافـات بـأقـيـام ٍ رديّـــه
وإعلمـوا وإدروا ترانـا فـي قفـاكـمومن يقـاوي لـه جبـل مـا راح نيّـه
يـاهـل الـهـافـات عابـيـنـا عـبـاكـمالـفـروت جــداد والـعـزبـه قـويّــه
يـاهـل الـهـافـات خيّـبـنـا رجـاكــمنحمـد اللـي قدرتـه مـاهـي خفـيّـه
بيعـوا الهافـات ردوا فــي سـراكـمخـلّـوا السـمـره وطّــوال الحـنـيّـه
الدهـر ذعـذع لـكـم ثـمـن جفـاكـموإفهموا وإدروا ترى في الجحر حيّه
خسـرت الشـركـة وخيّبـنـا ثنـاكـموبعضكم بالقسط مـا خلّـص وديّـه
ياهـل الهافـات حـنـا مــن وراكــموالسـعـد قدامـنـا فــي كــل هـيّـه
تحت حكم اللي عن المنكـر نهاكـمعـن طريـق الديـن تلقـون المنـيّـه
عندنا اللـي يمرجـن باقـي شواكـمخمـسـه وستـيـن ضــد الجنـدلـيّـه
والذي هيّض غرامـي مـن خطاكـمهرجـة ٍ مـن واحـد ٍ جتنـي خطـيّـه



بعد ما تسربت القصيده للمهربين رد عليه واحد منهم يقال له فهد الكحيلي ويقول :


ياهل الأبـرق تبّيـن لـي خطاكـموالخطـا راعيـه يقنـع بالخطـيّـه
يـا عوينـك وارد السـتّـه لفـاكـموعنترك خربان والخمسه رديّـه
كم ونيت ٍ لا كمل حمله وطاكموقاعـد ٍ بأرقابهـن تثنـي الهديّـه
وإن لحقتم موتره عنـده دواكـمأرنـب ٍ حمـرا عيـون مجادعـيّـه
من قديم وسلمها تاكل (........)فعلها فـي جدكـم لا رحـم حيّـه
إن بغيت الصلح جاكم ما كفاكموإن بغيت الـزود رد العلـم ليّـه

مضت أيام وطرح ابن ودمان وعسكره هاف موديل سته وستين لولد عم فهد الكحيلي جديد ... عندها إستغل ابن ودمان الفرصه ورد يقول :


يـا سـلاح الحـد يـوم الله عطـاكـملا تهـابـون الـخـطـر والمخـطـريّـه
خلـوا الرشـاش مـركـوز ٍ حـداكـموالمخـازن وسطهـا النـار الصلـيّـه
يالكحيلـي وارد الخمـسـه خـذاكـموستّتـك مـع حملـتـه مــا راح نـيّـه
ربعنـا صـادوه عانـه مــن وراكــممـا مشـى ياكـود ألـف وخمسميّـه
والعناتـر يالكحيـلـي فــي حـراكـموالفـروت الحمـر وجنـود السـريّـه
يالكحيلي مـا مشينـا فـي رضاكـمإن زعلـتـوا أو رضيـتـوا بالـسـويّـه
ياهـل الهافـات مـا خذتـوا قضاكـممـا بكـم قـاصـر ولـكـن معجـزيّـه
والكحيلي فـي قصيـده مـا كفاكـمدوروا غـيـره تــرى الـدنـيـا هـبـيّـه
يـاهـل الهـافـات تـالـي منتـهـاكـموالله إنـه عـنـد سـلـك العسكـريّـه
مثل ٍ ناس قد وطاهم مـا وطاكـمفعلـهـم كـنّـه عمـلـكـم بالـسـويّـه
أو نسفّركـم ونسلـم مــن غثـاكـموالحـكـومـه دونـكــم والله غـنـيّـه
إن مشيتـوا بالسنـع محـد ٍ شناكـممـا يـجـازى واحــد ٍ مـالـه قضـيّـه
وإن عصيتوا الأمر معروف ٍ جزاكمبأمر شيخ ٍ ما يبـى راعـي الخطيّـه
والحكـومـه رتبّتـنـا فـــي نـحـاكـمنمنـع المنكـر عـن أفــراد الرعـيّـه

دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول :


الخوف لو ضـد بالجزمـاتما نشركه مذهب شيوعي
أموات حنـا عيـال أمـواتمضمون ما باقي الدوعـي
وعبيـد ورد لـنـا الهـافـاتعنده ترى البيـع ممنوعـي
هافات خمسات والستـاتيالعبـد يـا قاصـر البـوعـي
جميـع يمشـن وألا أفـواتوالرزق ماهوب مقطوعي
إبــلا دفـاتــر ولا لـوحــاتوالخط ماهوب مشروعـي
مّرن على العبد بالساعاتما فاختن شوفه أسبوعـي
يالعبد مرن عليـك افـواتوكبوت عنتـرك مجدوعـي
عنترك مخشوش بالغاباتمسبوع وأبـوك مسبوعـي
هافات ما تخـاف العـاداتكم طنب للهاف مشلوعي


وفوراً رد عليه إبن ودمان بهالقصيده
:



مــا ينـفـع الــدس والحـيـلاتوالـكـذب راعـيـه مصـروعـي
ومن زيّـف الكـذب مالـه ذاتحـتـى ولــو هــو ّ مطـيـوعـي
مانـيـب مــن يتـبـع الـغــراتوالـوجـه مــا فـيـه دامـوعـي
أدرى قصيـري عــن الــزلاتولا نـيــب خـايــن ودانـوعــي
عـبــد ٍ ولا يـتـبــع الـغـفــلاتوراسي مع النـاس مرفوعـي
وألا أنـت عنـدي عليـك إثبـاتفـي جارتـك جعلـك الـروعـي
فعلـك قبـيـح ٍ بـوقـت ٍ فــاتوالـيــوم مـثـنـي ومـربـوعـي
ياعبيـد يـا امجـمّـع الـخـرداتمن كل هيـس ٍ وصعصعوعـي
تـراك مـن سـالـف الأوقــاتدلال مــا نـلــت مـشـروعـي
فعـلـك تشـيّـك علىالـحـمـلاتفـي كــل منـكـر وممنـوعـي
حذفـكـم المـهـدي بنـشـبـاتحـطـك منـشّـه ومشـنـوعـي
حتى إبن شرهان يـا حسـراتيلـعـب بـكـم دون منـفـوعـي
وأخــوك بالحـبـس والـحـراتحّــول مــن الـجـو للـقـوعـي
لعب بـه الوقـت لعـب الـزاتمـا نيـب شامـت ومفضوعـي
ولا نيب أحب أكشف العوراتألا لـيــا صــــرت مـنـيـوعـي
لا شـك دونـك هــل الـعـاداتشربـوا مـن الجـم قرطوعـي
مثل الصبي قاضـي الحاجـاتطيبـه مـع النـاس مـرزوعـي
عليـه شرهـه ولــه شـرهـاتأيـضـا ولا هــوب سعسـوعـي
نجـزي هـل السـو ّ بالسـيـاتولا نيب في النـذل مخدوعـي
ونجزي هل الطيب بالحشماتوكـل ٍ لــه الـقـدر مصنـوعـي
وهديـتـك يــا عميـلـي جـــاتودرب الحيـا صــار منـزوعـي
ياعبيـد قـل لصعفـق هيـهـاتمــاراح مـاهـوب مـرجـوعـي
ومسكيـن يـا نـاظـم الأبـيـاتقـوالـهّـن مــالــه ضـلـوعــي
يـنـبـح ويـنـخـش بالـمـنـحـاتخبـل ٍ مـن العـقـل منـزوعـي
كلمـة عـقـل مابـهـا حـوفـاتلا شـك مـن راس مصدوعـي
وكثـر التحـوص مــع اللـفـاتمــا تعتـمـد كــل رعـروعــي
والمعـركـه وسطـهـا قـــواتيـدخـل بـهـا كـــل مقـلـوعـي
كانك تبى الحرب هـاك وهـاتولا تجـعـل الـقـاف مدبـوعـي
وبأنصحك عن ضايـع الهقـواتتصبح على الخشـم مقموعـي
ولا تنـطـح الـمـوت والغـبـاتلا تحـسـب الـغــب نـاقـوعـي
يا عبيـد مـا صـار لـك نوهـاتمــا غـيــر لـلـتـن جـامـوعـي
وخسران لو كـان لـك هافـاتقلبـك مــن الغـبـن منقـوعـي
هـذا الجـزا كـان لـك رغـبـاتوتـرى الزعـل دوم مرفوعـي
والله لـــو طـالــت الـمــداتمـا أزعـل ولا نيـب جـازوعـي
أيـضـا ولا أحـتـاج للـفـزعـاتوإسمي على الجين مطبوعـي
إن كـان عـدتـوا لـنـا عــوداتوالــدار مـاهـوب مقـطـوعـي
وصلـوا علـى سيـد الـسـاداتالـلـي علىالخـلـق مـرفـوعـي


ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي ) ويقول :

ياهـل الهافـات زيــدوا سعرهـنّـهإشتروهـن نـقـد وألا بالقـصـودي
مــا حــلا مرواحـهـن بحمولهـنّـهجاوزوهن غيبة الشمس الحدودي
أبــرق الكبـريـت لا زم يسهجـنّـهمركـزك يالعبـد بـيّـاع الجـلـودي
مــا بغـنّـه لازم إنـهــن ياصـلـنّـهفوق والهافات عجـلات الـردودي
كـل مـا سكّـر طـريـق ٍ يفتحـنّـهيقطعن ّ الطنب ويطيح العمـودي
والدريسن حملهـن مـن سامهنّـهوارد الهافـات مـا ينقـص يـزودي
عـنـتــرك بـدروبـهـنّـه حـمـلـنّــهأصبحن يالعبد عـن حـد النفـودي
وكـم صبـي ٍ بالمسـاري زاد فنّـهمـا ينـام الليـل والعالـم رقـودي

وكالعاده تصدى لهم ابن ودمان .... ورد عليهم بهالقصيده وتعتبر أفضل قصايد التهريب :



مــل قـلـب ٍ هيّـضـه نـاجـي بـفـنّـهشـاعـر ٍ قـــام ايتـعـلـم لـلــردودي
لــو تغـبـى لازمــن نـظـهـر مـغـنّـهعارفيـنـه لـــو تـــذرى بـالـحـدودي
وكــل قـولـك عارفيـنـه لــو تكـنّـهميـر مـا نبغيـك جعلـك مـا تـعـودي
والعـلـوم الخـايـبـه مـالــك وهـنّــهوالمـرد الشيـن عنـدي مـا يـكـودي
مثل بعض النـاس عنـدي لـه محنّـهحشمة ٍ لشعيب خذهـا لـك سنـودي
والحنـش الاسـود أنـا بأنصحـك منّـهلا تحسب إنـه مـن العالـم شـرودي
ومـن بغـى التهريـب هافـه لا يحـنّـهوالخطر قدمـه علـى حـد الحـدودي
إن نـوى الله فكتّـه مــا فـيـه مـنّـهكـل دربـه لا مشـى ليـنـه سـهـودي
أو يـصـادف لا نـــوى ربـــي يـعـنّـهياخـذون الهـاف وعيـونـه شـهـودي
والعـوض مـن عقبهـا يخشـر بسنّـهوالنصيـفـه مــن حـلالـه للـجـنـودي
ميـر ويـن أهـل القلـوب المرجهـنّـهكانـكـم تـوفـون للـقـول العـهـودي
مــروا الأبـــرق وهـــن بحمولـهـنّـهعـارضـوا قــدام بـابــه يالـفـهـودي
خـلـوا العـنـتـر يـشــوف أزوالـهـنّـهوالخطوط طوال والدرب امحمودي
وما حـلا شـوف البكـم يرثـع بشنّـهفي عفاش القاع مع جدع الطرودي
ومـا حـلا صفـق الفشـق بجنوبهـنّـهوالـبـرن ّ يـعـدهـن عـــد الـنـقـودي
وكــل هــاف ٍ فـيـه جـنـدي ٍ يقـنّـهوالمهـرب طايـح ٍ مــا فــاد فــودي
والسنـافـي فــي عـهـوده سمـهـنّـهياصـل الحـروات لـو دون الحـدودي
إضربوا درب الخطـر والمـوت سنّـهوالفتى عمره على اللوح امحـدودي
والـــذي يـوعــد ولا يـوفــي بـهـنّـهودك إن ايحـط فـي صـدره نـهـودي

ويعتبر هذا الادب او الشعر مشابها لأدب الصعاليك
والان نحمد الله ونشكره اختفت ظاهرة التهريب تماما بجهود رجال منحو الوقت والجهد وسهرو اليالي
مثل ماسو سعيد بن ودمان في مركز ابرق الكبريت


وسلامتكم

 







توقيع :

[align=center][/align]
  رد مع اقتباس
قديم 08-29-2006, 12:57 PM   رقم المشاركة : 2
عضو جديد





ولدعم الرجـــال غير متصل

ولدعم الرجـــال is on a distinguished road


 

ولد بداح

مشكوووووووووووووووووووووووووووووووور

 







توقيع :

  رد مع اقتباس
قديم 08-29-2006, 01:12 PM   رقم المشاركة : 3
فريق الاشراف





فهد ال ثلاب غير متصل

فهد ال ثلاب is on a distinguished road


 

رااااائع
يا ولد بــداح

هذه القصائد اسمع بها دائما
ومن زمن بعيد وأنا ابحث عنها
وجبتها يالقرم

((عزالله ان هالموضوع يستاهل النجمات الخمس ))

 







توقيع :

  رد مع اقتباس
قديم 08-29-2006, 09:15 PM   رقم المشاركة : 4
عضو متميز





ولد بداح غير متصل

ولد بداح is on a distinguished road


 

ولد عم الرجال لاهنت على المرور وجزاك الله خير
وارفق على السهم وراك بتكويه وفي الركب بتحروله:h035:
المقصود لاتحسره بالكوي :a0200: هذا لو تشب فيه مامشى
عموما مرورك شرف وبغيت امزح معك ولاهنت على المرور

 







توقيع :

[align=center][/align]
  رد مع اقتباس
قديم 08-29-2006, 09:21 PM   رقم المشاركة : 5
عضو متميز





ولد بداح غير متصل

ولد بداح is on a distinguished road


 

فهـــــــــــد
حياك الله وتسلم على المرور
جزاك الله كل خير

 







توقيع :

[align=center][/align]
  رد مع اقتباس
قديم 08-30-2006, 12:59 AM   رقم المشاركة : 6
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

ياالله حى ولد بداح , وشلونك ياالغالى , موضوعك اكثر من رائع وجهد تشكر عليه واثريت المنتدى فيه , وانا اسمع مثلك عنها مبطى وابشر ابنشد الشيبان عنها واجيب لك العلم الاكيد انشاءالله , لاهنت ياالغالى .

 







توقيع :

  رد مع اقتباس
قديم 08-30-2006, 02:23 AM   رقم المشاركة : 7
عضو متميز





ولد بداح غير متصل

ولد بداح is on a distinguished road


 

اخوي الغالي حد الرهيف تحيا وتدوم بصحه وعافيه ابشرك بخير وعافيه والله اني فاقدك هاليومين عسى المانع خير
عموما في انتظار الاجابه حول سعيد بن ودمان

 







توقيع :

[align=center][/align]
  رد مع اقتباس
قديم 08-30-2006, 04:32 AM   رقم المشاركة : 8
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

أخوي ولد بداح
ألف شكر على الموضوع الجميل
وإن كان لي من تعليق وما سمعته أن رئيس مركز أبرق الكبريت
سابقاً هو والد سعيد بن ودمان ( ناصر ) والله أعلم
أما الشاعر سعيد بن ودمان فهو شاعر علم ومعروف ويسكن المنطقة الشرقية
وبالتحديد في ( عنك ) وقد شاركة وإياه أكثر من مرة في برنامج الجلسة الشعبية في إذاعة دبي
وكان هذا البرنامج يذاع على الهواء مباشرة من إعداد وتقديم الشاعرين القديرين
سعود الدوسري وراشد شرار
والشاعر سعيد بن ناصر من أبناء عمومة آل ودمان في قرية حراضة
لك تحياتي ودمت برعاية رب العزة والجلال

 







  رد مع اقتباس
قديم 08-30-2006, 04:49 AM   رقم المشاركة : 9
عضو متميز





ولد بداح غير متصل

ولد بداح is on a distinguished road


 

مشاء الله عليك يابوخالد مرجع
لاهنت على المعلومه الجميله وجزاك الله كل خير
لكن وشلون صار رئيس مركز برق الشيوخ
وهل الي كان في سلاح الحدود ناصر والاسعيد
او اثنينهم

 







توقيع :

[align=center][/align]
  رد مع اقتباس
قديم 10-24-2006, 03:41 PM   رقم المشاركة : 10
عضو متميز





ولد بداح غير متصل

ولد بداح is on a distinguished road


 

خريطة تبين موقع ابرق الكبريت

 







توقيع :

[align=center][/align]
  رد مع اقتباس
قديم 10-25-2006, 12:01 AM   رقم المشاركة : 11
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

مشكــــــــــور

يا ولد بــداح

هذه القصائد اسمع بها دائما
ومن زمن بعيد وأنا ابحث عنها
وجبتها يالقرم

 







توقيع :

  رد مع اقتباس
قديم 10-25-2006, 12:42 AM   رقم المشاركة : 12
عضو متميز





ولد بداح غير متصل

ولد بداح is on a distinguished road


 

مشكور يالعروان وكل عام وانت بخير والساعة المباركة عودتك للمنتدى

 







توقيع :

[align=center][/align]
  رد مع اقتباس
قديم 03-06-2007, 09:32 PM   رقم المشاركة : 13
عضو مهم
 
الصورة الرمزية ريم السبيعي






ريم السبيعي غير متصل

ريم السبيعي is on a distinguished road


 

كل مواضيعك متميزه
تستحق الاعجاب
ياااااااااااااااااااااااامبدع

 







توقيع :

وجهـة نظـر واجــب عـلـي احترمـهـا
ولولا اختلاف الراي ما صار موضوع
  رد مع اقتباس
قديم 03-07-2007, 09:22 PM   رقم المشاركة : 14
عضو متميز





ولد بداح غير متصل

ولد بداح is on a distinguished road


 

اقتباس:
المشاركة الأصلية كتبت بواسطة ريم السبيعي مشاهدة المشاركة
كل مواضيعك متميزه
تستحق الاعجاب
ياااااااااااااااااااااااامبدع
الأخت الكريمة ريم السبيعي
التميز تواجدك المستمر ومتابعتك لكل مايطرح في هذا المنتدى
اشكر لك مرورك الكريم
ولك مني اجمل تحية

 







توقيع :

[align=center][/align]
  رد مع اقتباس
إضافة رد

الكلمات الدليلية
المهربين, ومساجلاتهم, قصائد


يتصفح الموضوع حالياً : 1 (0 عضو و 1 ضيف)
 

 

الساعة الآن 10:58 AM.



Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved