قصيدة الشاعر / راشد بن نعيّم السبيعي في محمد بن جنيف

قصيدة للشاعر راشد بن نعيّم السبيعي في محمد بن جنيف

يافاطري هجي هجيج ٍ بعاني=لامن بدالي لازم ٍ رحت انا فيه
انا طرب قلبي مسير ٍ لحالي=من فنتق ٍ فيه الدليله غوا فيه
اقدا مسيري بالنجوم البياني=لاغلمش المفلول للنوم ما ابغيه
خطوى الولد لك في الرخاء معشراني=وفي حزم كلاّب كثار ٍ طواريه
ياوش ابي به في الرخاء يوم جاني=هذاك لاينفع ولانيب باغيه
محمد ٍ ذيب الغبا والبياني=حذفه على المخطين ربي مقديه
من عزة الوالي عزيز الجلالي=ياطأى عدوه وطي نعاله برجليه
مهبلك ياللي ماتداري الهواني=درعت زرب ماتخلّص مافيه
الآد ماضي محتمية التوالي=والآد عساف شبوب الحرب تحميه
ياويل من يطلبونه وحاني=من ديّن المدّين بالصاع يوفيه

 

يستاهل ولاهنت على النقل

 

ونعـم بالجميع .. لاهنت وبيض الله وجهـك

 

صح لسان الشاعر راشد السبيعى ويستاهل المدح محمد بن سعد آل جنيف واشهر من نار على علم بالعلم الغانم والمرجله رحمه الله واسكنه فسيح جناته , ويستاهلون المدح آل ماضى وال عساف ابناء العمومه .


شكراااا اتعبنى طموحى على القصيده ولاهنت

 

مآعليكـم زود ..


تستـاهلون الطيـب...,




أشكركم على المرور , الله لآيهينكـم..






أرجـو تثبيت الموضوع ...

 

الله يرحمهم جميعا وهذي القصايد الي تنومس وتبيض الوجه والله يعطيكم العافية على هالمجهود

 

”

المشاركة الأصلية كتبت بواسطة اتعبني طموحي قصيدة للشاعر راشد بن نعيّم السبيعي في محمد بن جنيف يافاطري هجي هجيج ٍ بعاني=لامن بدالي لازم ٍ رحت انا فيه انا طرب قلبي مسير ٍ لحالي=من فنتق ٍ فيه الدليله غوا فيه اقدا مسيري بالنجوم البياني=لاغلمش المفلول للنوم ما ابغيه خطوى الولد لك في الرخاء معشراني=وفي حزم كلاّب كثار ٍ طواريه ياوش ابي به في الرخاء يوم جاني=هذاك لاينفع ولانيب باغيه محمد ٍ ذيب الغبا والبياني=حذفه على المخطين ربي مقديه من عزة الوالي عزيز الجلالي=ياطأى عدوه وطي نعاله برجليه مهبلك ياللي ماتداري الهواني=درعت زرب ماتخلّص مافيه الآد ماضي محتمية التوالي=والآد عساف شبوب الحرب تحميه ياويل من يطلبونه وحاني=من ديّن المدّين بالصاع يوفيه

رحم الله الشاعر راشد بن نعيّم ورحم الله محمد بن سعد بن جنيف ولاأحد يشك بالعلاقة بينهما والقرابة فهما مدى حياتهما معاً وقريبان لبعض في الحل والترحال ولا أنسى الأخوة الصادقة التي كانا يعيشانها على الحب والمودة والخير بعيداً عن أخوة هذا الزمان وصداقته حيث يغلب عليها الآن المصالح والمجاملات حتى وأن كانت على حساب أشياء كثيرة يعرفها العاقل ويتجاهلها الجاهل ولكن .. بيض الله وجهك أيها الناقل العزيز أتعبني طموحي وبانتظار جديد مشاركاتك وأرحب بك عضو فعال في منتدى الجميع تقبل مودتي ودمت برعاية رب العزة والجلال

 

يعطيك العافيه ً أتعبني طموحي ً
الله يرحمهم ويسكنهم فسيح جناته ..

 

الله يرحمهم
قصيدة جدا رائعة مشكووووووووووووووور ع النقل
أنا ماأعرفه ولا أعرف الشاعر وأنا مو قبانية بس عجبتني كثيييير
دمتم بود/.....

 

صح لسانك ورحم الله بن جنيف

 

كفو كفو صح لسانك ويستاهل ابن جنيف

 

الله يرحمهم ومشكور اخي الناقل

 

الله يرحمهم جميعا وهذي القصايد الي تنومس وتبيض الوجه

 

يستاااااااااااهل
ولاهنت ع النقل