|
قصيـــده مايكبرنـــي لقـــب,,,
هذي طبعا قصيده للشاعر الراحل**طلال الرشيد** رحمه الله عليه
طبعا هي من اجمل قصائده
الف رحمه عليه كم كان مبدع للكلمه
ومناسبة هذه القصيدة = يروى أن هناك شخص الله يستر عليه
اعترض على أن يسمى طلال الرشيد
بلقب الأمير وعلم الأمير طلال بهذا الكلام وقال هذه القصيدة القوية
يا صـغـيّر ما يكـبـِّرني لـقـب
وما يصغِّرني إذا انكرني صغير
ماخذينا الصـيت من جمع الذهب
ولا نسابة شيخ أو قربة وزير
كاسبينه من هـل السَّيف الحَـدَب
الجنايز كان ما جاك النذير
صـيـتهم نجـمٍ على راسـه لهـب
سمعوا الصقهان به وأجهر ضرير
بالوفا تاريخٍ أبيـض ينـتـصـب
لاحكوا بالحق حيين الضمير
ضـيغمـيٍّ للسـناعـيس أنتـسـب
لابةٍ طلنا بها عرشٍ كبير
عند حـدّك يا كثير الهـرج تـب
لاتمر النار وثيابك حرير
كان لك عـزٍّ بـذلـّي فـتعـقـب
والله الا تبطي وحبلك قصير
أحسب أنك من صـناديـد العـرب
وأثر ساترتك عباتك يا غرير
ما حسب للسـوس زراع الـقـصـب
والقرادة ما درى عنها البعير
ولو حـسبنا للحسايـف والتعـب
ما بذرنا يالعصافير الشعير
عن هلك أبرا إلى الله وأحتسب
الرجال اللي مجاراهم عسير
من قريش المصطـفى وأبو لهـب
والدغالب ما غشت عذب الغدير
للرجال من الرجاجيل العتب
والزكاة تحل في حال الفقير
لعن ابو وقـتٍ غدينا به حـطـب
تحرقه نارٍ يثوِّرها أجير
ما ألومك والزمن سوّى العجـب
هو بقى غير الكرامة بالجفير؟
ما أذل و راسـي يـشـم المهـب
لو بقى من شمّرٍ طفلٍ غرير
وما أهاب ولا يزلزلني غـضـب
الشجاعة ورث والعاقل غزير
يا صـغـيّر ما يـكبَّر باللـقـب
غير من هو كان من دونه صغير
الامير الشاعر طلال الرشيد
|
العرض المتطور
