قصيدة للشاعر / محمد بن حزام بن عبدالرحمن المقاطي العتيبي
مهـداه إلى المقدم / محمد بن عساف بن طعيس القباني ,, والتي تعبر عن وقفاته تجاهه
ياصـقــر عجــل وهيــا والهمــام=قـرب القـرطـاس منـي والقــلم
حانـت السـاعه علـى بـدع الكـلام=ودقـت أجـراس القصيـده والحسـم
أبتعـب أفكاري واحضرها شمــام=وأكرس المجهود وأكتب مـا قسـم
أمطري وأضفي مثل وبل الغمـام=وذعذعي يـا نـود نفحـات ونسـم
أقلعـي ثـم أعلنـي ربـط الحــزام=وأرقبيهـا بالعـاليـه مرقـى الـرجم
اخـدميني فـي رفيعيـن المقـــام=واسبحـي بجـو الفضـا شعـر ونظـم
اببتـدي قـولي تحيــات وســلام=للقـايـد اللـي فـي نظـر عينـي مهـم
ابـن عسـاف اللـي تقـلد لـه وسـام=ونال المـراجـل كلهـا بجهـد وعـزم
يـــوم وقفـاتـه تشـــد الاهتـمــــام=علقـت فـي داخـل ضـلوعي سهـم
جـاء وكلمـني تواضـع واحتـرام=والله انــي بعــدها مـا شــلـت هــم
والله أنــه يــوم وقـف ثــم شــام=ان كنـي من عيـاله ومـن لحـم ودم
الجمـايـل ردهـا عـلي الحــــرام=أبيـات شعـر لعلهـا تبـري الـذمم
أمـنوّلاً أضيـق وأتعـب فـي الـدوام=وأحس في دنياي عـايش في وهـم
واليـوم عقـب اللـي تكفل بالمهام=المـعنـويــه عـاليــه حــد الهــمم
ابن الزحـول اللـي يعـدون الكرام=السهــول اللـي مثل ضلع الهـرم
يـوم الجهـل قبـل الحكـم كلـه ظـلام=بانــت أفعــال القبيـلــه أي نعـم
يوم ضـرب السيـف ورميـاً بالسهـام=العـدو خطتـه تفشـل لا رسـم
تـاريخهـم حافـل بطـولات ومهـام=والبخـت دايـم ملازمهـم لـزم
مايزعـزعـهم معــارك واحتـــدام=والفـرص كلـن عليهـا يغتنــم
دون قاصـــر في قبايلنـا الحشــام=كلـن بطيبـه يفتخـر اليـا نهـم
واليوم في حكم اللي رضينا بـه وقام=عبدالله آل سعود ما مثله حكم
قاد السعوديـة على حسـب النظــام=وطبق سـلوم الشريعه في الأمم
في كل عام يفتتح مشروع هـــــــام=ليـن وصـلت في تطورهـا القـمم
وصـارت الدولـه بعـدهم مـا يـرام=أمن وأمان وأرزاق وخير ونعم
لايغـرك شــلة إبليـس الحـــــــرام=والله ان مثـله يبـا يبطي عظـم
ان نوانـا شــر بسيـف الحســام=نقـص راسـه قـص وناطابه قـدم
ياسيـدي أرقـي علـى روس العــدام=دام المحبـــــه والولا فينـــا قيـــم
المشــاعر صــادقه فعـل وكــلام=والنفــوس الطيـبـه تــزرع هـمـم
تـمت وصـل الله عـلى سيـد الأنـام=الرســول المصــطفى نــور الظـلـم
إعداد ما غـرد على الغصـن الحمـام=وعـداد ما يظهـر نجم ويغيـب نجـم
العرض المتطور
