فلاح بن رشيد بن مساعد وقصيدته في ابن صديان

السلام عليكم يسعدني ويشرفني أن أقدم بين يديكم قصيده للشاعر/ فلاح بن رشيد بن مساعد السهلي التي قالها بمناسبة زواج الأخ/ فيصل بن عبدالله بن صديان القباني وقد ألقاها الشاعر أمام الحضور في الحفل في دولة الكويت الشقيقه في تاريخ 19/03/2008م وقبل أن يبدأ الشاعر بالقصيده قال خمسة أبيات وقد أهداها إهداء خاص للمحاركه في الكويت وهم آل نويف وآل صديان ويقول فيها

حنا آل محرك لنا في المجتمع صوله=على العدو نار وألا الصاحب نوده
بالدم نروي سيوف دوم مسلوله=وحريبنا لاغزانا دايم نصده
يشهد لنا العارض جباله مع سهوله=تاريخنا من قديم الوقت له مده
ونفخر بربع لنا في هذي الدوله=حنا وهم إخوة في اللين والشده
آل النويف شيوخ الطيب وزحوله=وألا آل صديان عون اللي الزمن حده

أما قصيدته التي قالها بمناسبة الزواج وهي اهداء لآل صديان عامه فيقول فيها

باسم الكريم المقتدر عالي الشان=رب الملا منشي المزون الثقيلات
أببتدي واختار من زين الالحان=قاف إلا حلل معانيه جزلات
قاف نحوفه لايجي فيه نقصان=عن كل عيب مفرداته سليمات
ومن بعد هذا نشكر أحفاد صديان=اللي لدعوتهم قطعنا المسافات
ولالا القرابه والصله والغلا كان=ماكان جاء لي في المشاوير رغبات
مثسلسلٍ صديان من راس قبان=محركي ماهوب زيف وخرافات
قد صار له وقفه مع الذيب سرحان=وسرحان مع صديان له صار وقفات
قصه غريبه ضمّت إنسي وحيوان=تخاوو الاثنين حسب الروايات
ونوى بقتل الذيب من الناس شيطان=ردي حظ ولا يعرف المروّات
ثم انتصف للذيب صديان لاهان=خجّه برمح منّه المعتدي مات
ولجأ بحصن شامخ حرز وكنان=وعنّه ذهب كل الحزن والصعوبات
معا بني خالد طليقين الايمان=نطّاحة الكايد بوقت المهمات
قبيلة وسط القبايل لها شان=في عصرها الحالي وعصر لها فات
هذا حسب ماقيل واللي لنا بان=والراوية عنده براهين واثبات
قصه سمعناها من اروات شيبان=تنقل وتنسب من قرون قديمات
نزح غريب وله بني عم واخوان=متمركز له في العويرض قرابات
قرابة أصل وننسب العلم وكدان=محاركه وهم اصل صديان بالذات
سهول نهار الضيق تروي شبا الزان=لامن حصل رد البرى والمثارات
ويذبّحون الحيل في عسر الازمان=لامن لفت لانظا من البعد ونيات
وصلوا عدد ماانهل من الوبل ودّان=على رسول عرج به في السماوات
ماناحت الورقا على لدن الاغصان=منّا عليه أزكا سلام وصلاوات

وسلامتكم

 

اللهم صلي على نبينا محمد وعلى آله وصحبه اجمعين
لاهنت يابواحمد وسلمت يمناك
وصح لسان الشاعر فلاح بن رشيد القباني على الأبيات الجزلة والوافية
ويستاهلون آل صديان وعسى الله يوفقهم

 

”	المشاركة الأصلية كتبت بواسطة ولد بداح اللهم صلي على نبينا محمد وعلى آله وصحبه اجمعين لاهنت يابواحمد وسلمت يمناك وصح لسان الشاعر فلاح بن رشيد القباني على الأبيات الجزلة والوافية ويستاهلون آل صديان وعسى الله يوفقهم

لاهان من قال يابومحمد واسعدنى مرورك .

 

صح لسان الشاعر فلاح بن رشيد القباني على الأبيات الجزلة والوافية
ويستاهلــون الصديـان ماقيــل فيـهم
وبيض الله وجهــك يابو احمــد ولاهنـت وسلمت يمنــاك

 

”	المشاركة الأصلية كتبت بواسطة العـــروان صح لسان الشاعر فلاح بن رشيد القباني على الأبيات الجزلة والوافية ويستاهلــون الصديـان ماقيــل فيـهم وبيض الله وجهــك يابو احمــد ولاهنـت وسلمت يمنــاك

وجهك ابيض يابوعليم , حياك على المرور .

 

صح لسان الشاعر فلاح بن رشيد وبيض الله وجيهكم يالمحاركة والنعم بآل صديان ولايهونون آل نويف الله يجمع شملهم على الخير والمعزة ومشكور حد الرهيف على النقل الطيب

 

”	المشاركة الأصلية كتبت بواسطة هذال صح لسان الشاعر فلاح بن رشيد وبيض الله وجيهكم يالمحاركة والنعم بآل صديان ولايهونون آل نويف الله يجمع شملهم على الخير والمعزة ومشكور حد الرهيف على النقل الطيب

لاهنت ياهذال , لاشكر على واجب والساعه المباركه مرورك ,, تحياتى .

 

صح لسان الشاعر فلاح القباني ويستاهل الممدوح هذه القصيدة العصماء

 

صح الله لسان شعارها ويستاهلون ال صديان ..... ونعم

 

صح لسان ابورشيد ولاهيب غريبه منه وابوه رشيد الشاعر العملاق،،
ويستاهلون آل صديان ولايستغرب الطيب من هل الطيب،،،،،
ولاهنت يالحد الرهيف، وبيض الله وجهك،،،،،،