بسم الله الرحمن الرحيم
هذه الابيات المشهورة للشاعر الكبير محمد بن مثعي العتيبي رحمه الله نقلا عن ابنه وفقه الله
من يعذل الهاف جعلة فدوة لة
= جعل يفدنة غنادير البناتي
لانهمت الهاف جاك الهاف كلة
= كنه يشرب من غراش المسكراتي
وهذه قصيدة اخرى بسيارة رجل من قبيلة القريشات من سبيع بن عامر الغلباء الذي اشتهر بحسن الخلق والقرامه والدلولا فكل من سافر معه مدحه الا وهو مبارك بن بطاح راع القصر المشهور بقصر ابن بطاح قرب مدينة الرس من ارض القصيم قال الشاعر
ياراكب زينة المرواح
= مكينته وارد العامي
سواقها مبارك البطاح
= ومعاونه صالح النامي
الى مشوا خاطري مرتاح
= لاشالوا الفن ما انامي
العصر من قصر ابن بطاح
= والصبح من بين الاعلامي
والمقصود اعلام الحرم المكي الشريف ومن قصائد المهربين ومساجلاتهم مع حرس الحدود وخاصة مع سعيد بن دومان احد رجال حرس الحدود ومن قصائدهم ان سعيد بن دومان اول ماتعين كتب هذه القصيدة للمهربين عند مركز ابرق الكبريت يقول فيها
ياهل الهافات عنتـر نـاش جاكـم
= وا عنا من صادفه بأرضـن خليّـه
لعنبوكـم هونـوا جاكـم عناكـم
= جاكم الموت الحمر ماهـي زريّـه
ورد عليه احد الشعراء المهربين المشهورين ويقال له الكحيلي ويقول في قصيدته
ياهل الأبرق تبّين لـي خطاكـم
= والخطا راعيه يقنـع بالخطيّـه
يا عوينـك وارد الستّـه لفاكـم
= وعنترك خربان والخمسه رديّـه
كم ونيت ٍ لا كمل حمله وطاكـم
= وقاعد ٍبأرقابهن تثنـي الهديّـه
وهي اطول من ذلك وشاء الله ووقع فرت الشاعر الكحيلي في قبضة رجال حرس الحدود الاشاوس وعلى راسهم سعيد بن دومان واخوانه من العسكر اهل مركز ابرق الكبريت فرد سعيد بن دومان على الكحيلي قائلا
ياهل الهافات عنتـر نـاش جاكـم
= وا عنا من صادفه بأرضـن خليّـه
لعنبوكـم هونـوا جاكـم عناكـم
= جاكم الموت الحمر ماهـي زريّـه
هفوة ٍ زلّـت لكـم وإكلـوا(.......)
= بيعـوا الهافـات بأقيـام ٍ رديّــه
وإعلموا وإدروا ترانا فـي قفاكـم
= ومن يقاوي له جبل مـا راح نيّـه
ياهـل الهافـات عابينـا عباكـم
= الفـروت جـداد والعزبـه قويّـه
ياهـل الهافـات خيّبنـا رجـاكـم
= نحمد اللي قدرتـه ماهـي خفيّـه
بيعوا الهافـات ردوا فـي سراكـم
= خلّـوا السمـره وطّـوال الحنيّـه
الدهر ذعـذع لكـم ثمـن جفاكـم
= وإفهموا وإدروا ترى في الجحر حيّه
خسرت الشركـة وخيّبنـا ثناكـم
= وبعضكم بالقسط ما خلّـص وديّـه
ياهل الهافـات حنـا مـن وراكـم
= والسعـد قدامنـا فـي كـل هيّـه
تحت حكم اللي عن المنكر نهاكـم
= عن طريق الديـن تلقـون المنيّـه
عندنا اللي يمرجن باقـي شواكـم
= خمسـه وستيـن ضـد الجندليّـه
والذي هيّض غرامي مـن خطاكـم
= هرجة ٍ من واحد ٍ جتنـي خطيّـه
ويا سلاح الحـد يـوم الله عطاكـم
= لا تهابـون الخطـر والمخطريّـه
خلوا الرشـاش مركـوز ٍ حداكـم
= والمخازن وسطها النـار الصليّـه
يالكحيلي وارد الخمسـه خذاكـم
= وستّتك مع حملته مـا راح نيّـه
ربعنا صادوه عانـه مـن وراكـم
= ما مشى ياكود ألـف وخمسميّـه
والسائقون الشعراء من اهل التهريب هم اكثر من قال الشعر في الفروت وخاصة الهافات منها في وقتها ولاهل الفروت ادب خاص بهم كما كان الهجيني لاهل الهجن وهو ادب يستحق الاهتمام به ودراسته دراسة مستفيضة ومن مشاهير السائقين من اهل القصيم فهيد ابو صدام رحمه الله قال فيه الشاعر عندما تعطلت سيارته في مياه وادي الرمة
يا احول فهيد ابو صدام
= جن الحناتر وخلنه
الناس ناموا وهو مانام
= يلعي كما تلعي الشنه
الله يجازيك يالايام
= من ضحكنه يبكنه
والحناتر المقصود السيارات وهذه قصيدة قيلت في الغزوة التي قضت على فتنة الشيخ ابن رفادة البلوي بقيادة الامير عبد الله بن عقيل رحمهم الله قال الشاعر فيها
واركبونا حناتير مجده
= صبح ثالث وحنا بارض حايل
وشرهونا الفشك ماحصوا بعده
= والالماني عطونها بدايل
وهذه قصيدة قالها الشاعر سهل العتيبي في الابل والربيع وفيها ذكر الحناتير اي السيارات
أنا هواي وشف بالي ياخو نوف
= سودٍ وبرها زايدٍ بالسوادي
لاجيتها صدري من الهم مكتوف
= كني بليلٍ من ليال العيادي
خصً ليا جاء للهفاهيف هفهوف
= وقام السويبع للمنادي ينادي
زهابهم فوق الحناتير ملفوف
= وقامو يبارون الدبش يوم قادي
أناسة(ن)ماينتوصف لها أوصوف
= يطرب لها شرس الرجال الحيادي
وقال احد السائقين الشعراء المشاهير النشامى من اهل القصيم ويدعى ابن طويان
عسى الحمر ما يجيه اخلاف
= عسى له الدرب ينفاجي
عساه مايطلب الاسعاف
= دايم تساهيل وافرجي
القير والدزق والحذاف
= ما هزهزه كل بطناجي
مع المطبات ما ينشاف
= تقل يتغنج تغناجي
وقال شاعر اخر من شعراء القصيم
ياراكب فوق عنترناش
= حس الحرابي ببوديه
من طلعته مرفع بقراش
= ما مرنوه العليميه
قالت احد الشاعرات تصف الفرت (52) وكانت بدوية تركبه لاول مره وكان زوجها عندما قالت القصيدة في المنطقه الشرقية يعمل مع شركة الزيت العربية ارامكو السعودية
ياراكب كور ما تدلي
= تطا على العشب ما تذوقه
مركوبها كن به زلي
= وتشره على الطير بلحوقه
سلم الى جيت الى خلي
= وانا بحظه عن البوقه
ومن القصائد التي اشتهرت مع السائقين قول شاعرهم
وين انت ياناشد عنا
= ترى الوعد راس تنوره
قل له ترانا تمدنا
= وكل يولع بدافوره
وقال احد الشعراء من ابناء البادية المعاصرين
ياعيال ياللي تبون الجمس
= لاتشترون البرازيلي
وقال الشاعر بندر بن سرور القسامي العتيبي رحمه الله في الفرت
الى بغى بنزين ركب مواصير
= واللي تبيه النار ركب بواجي
نبا عليه نسخر البعد تسخير
= تسخير شيهان لفرخ الزراجي
وقال مشبها تشغيلة الفرت (خطو المحاله مفرد من ارشاها) ثم وصف قوته بقوله (يظهر ثرى ارض بعد القيض ماها) وقال بعض الشعراء المعاصرين المتاخرين
الموازنه ما تحتمل غير لوريل
= اللي تريح خاطري لا نصيته
هي سرعة والا ديكور وتجميل
= من شافها طابت ليالي مبيته
تجعل طريقي كل ما احتاج تطويل
= في ايسر الاوقات لامن بغيته
وانحلت من حال الشقى للتساهيل
= والهم من راحة ضميري طويته
انا اشهد ان البيض برقى المجاميل
= ما تنحرج لو بعتها او شريته
ياسايق النيسان عليك تهليل
= انا اشهد ان الكيف والله لقيته
لاتاوي للبنزين وبالقير تبديل
= حتى تجاوز كل رمل وطيته
لوريل ما سبب بالبال تحويل
= الا لان الحمر شاعن بصيته
ولوريل هي منوتي يوم تجويل
= فوق الطعوس النايفه والكميته
وماني بشعري قاصد له بتكميل
= لوكان كذب ياعرب ما حكيته
وتقول الشاعرة بخوت المرية رحمها الله
حن قلبي حن ماك ٍ على سمر العجل
= عشق السواق والدرب ممسوك ٍوراه
إن عطا مع طلعة ٍ عشقوا له بالدبل
= وإن تسهل ريّحة لين ياصل منتهاه
ما بشفي لا دريول ولا ريس عمل
= شفي اللي كل ما شاف براق ٍرعاه
قاطنين ٍ فوق عد ٍ على جاله عبل
= طيّب ٍللبل وراعيه ما يقطع ظماه
ونتي ونة خلوج ٍ ولدها ما جدل
= تشرف المرقاب للذود وتعوّد وراه
وتقول الشاعرة بخوت المرية في قصيدة ثانيه
يا حن قلبي حن ماك ٍمع الطلعات
= لا عشقه بالعايدي والدبل جره
جرمه ثقيل وحملوا فوقه البيبات
= ويدعس عليه إبنزينه ولاسره
أنا دمع عيني بالدقايق وبالساعات
= ولا هي على فرقا المحبين مستره
هواجيس قلبي كل ما أقول راحت جات
= تعوّد علي باليوم خمسة عشر مره
والشاعر فهد بن احمد من كبار شعراء الرياض المشهورين وقد تراد هو وسيارته حيث يقول
الاياحسفا ياصفة الرسلان اللي غلى لوحين
= واتلاها دلة سودا وعند بن حويل مرهونه
الى ان قال
وقف في شارع الفوطه فنيس وهج عنه القين
= بغيت اهل المواتر له وعيوا لايدفونه
وانا لي زهبت لي خمس مية طاروا بها يومين
= فادوات وتتن له وانا فايدتي العونه
فردت عليه السيارة قائلة
ابي عده وابي جده وابي كهرب وابي لي عين
= ولي منه حصل هذا فعد اشياك مضمونه
وقال شاعر معاصر
هب الهواء غرب(ن)وساق الخيالا
= قامت تسوقه زاعجات العواصيف
مزن(ن)من المنشا بروقه تلالا
= قامت تلاعج بالبروق الكواشيف
مزن(ن)عظيم(ن)مظلم(ن)كالجبالا
= سودن مقاديمه مزونه مقانيف
يسوقه المعبود رب الجلالا
= يم البعيثه هل مزنه ذواريف
سكر هواه وصب ماها وسالا
= سيل(ن)غزير(ن)ينبت العشب بالصيف
سيل(ن)يعم طعوسها والسهالا
= تلقى الزبد عقب المطر كالقطاطيف
يروي مطرها معطشات الرمالا
= تلقى الفقع فيها بليا مغاريف
تاخذ ثلاث ايام عد(ن)كمالا
= حتى تشوف العشب منها مواريف
من بعدها ذعذاع نسيم الشمالا
= نسمة هبوبه كنها نسمة الطيف
والطير غرد سبح الله تعالا
= والصوت شالنه طيورالخواطيف
والغصن الاخضر بالذعاذيع مالا
= قام ايتمريع معجبه قده مريف
تلقى البختري والنفل والثمالا
= والربل والخزامى غصونه مناكيف
والشيح والقيصوم طلعه جلالا
= والقحويان اللي شبيه المراهيف
والنار مشبوبه عليها الرجالا
= في فيضة نلقى بها الانس والكيف
والبن مصبوب(ن)بصفر الدلالا
= مع زعفران(ن)صبته كالمراعيف
ونشرب من الغدران ماء(ن) زلالا
= مثل العسل طعمه ولابه عواذيف
مركوبنا جيب(ن)حلال بحلالا
= يازين غرة كشنته يالغطاريف
اليا مشى يشبه سريع الغزالا
= وليا وقف ذيب(ن)نحيل السراجيف
مصنوع باليابان كمل كمالا
= بيك اب حوض فيه كل التواصيف
اليا دعست البنص زمجر وصالا
= غنت شكامينه بليا شفاشيف
اليا لقم باثنين غنى هلالا
= يفز فزات الطيور المعاكيف
يقطع صحاري نجد صبح وليلا
= جرت كفراته كما سلة السيف
هيكل جميل وفيه جملة خصالا
= يفحط بخامس مع طريق المراصيف
اسمه على خشمه امدلل دلالا
= حطوه صناعه رجال(ن)عواريف
جسمه رشيق(ن)مكتمل بالجمالا
= وصوته كما صوت الرياح الشواعيف
اليا ركبته ما تعرف المحالا
= جيب(ن)مجرب للطعوس المهاييف
اليا فحط في ماقفه ثم جالا
= خلى الحصى روسه مقاطع شغانيف
موديله اربع وتسعين ما به مقالا
= تصدير مجيوب(ن)بغال المصاريف
وصلوا عدد ماهل وبل(ن)وسالا
= على رسول(ن)كرم الجار والضيف
وقال الشاعر عايد بن رغيان الشراري رحمه الله
قم يانديبي هاتلي ما يوني
= عشر هافات من الوكاله اخذوهن
اليا نعشته بالثلاثه يحني
= حس التواير يكشطن في حصاهن
اثنين منهن للحويه مشني
= لاهل الركايب والدور يكملن
وهافين للنفود ووادعني
= واقصى القعوره بالنفود ادخلوا هن
وهافين لحدود الكويت اقفني
= دارن وحامن لا لقنه ولا جن
وهافين لحدود العراق اعمدني
= ومسلحات عن الخطر وين ماهن
واجي على هافين بحسن يحني
= كل الينه شيف بالقلب يشطن
جنك العشره كلهن ينشدني
= على حبيبي في ديار اعرفهن
منقول بتصرف من كتابات ابو محمد القباني وانتم سالمين وغانمين والسلام
العرض المتطور
