--------------------------------------------------------------------------------
يوم دارت في جنونـ من جنونـ الجاهليه,,,,
عاتبتني لين شبت في شراييني لهبها
استفزتني وفزت وزعلت مني عليا,,,,,,
واستضاقت من كلامي يوم زعلني عتبها
من بعدها مابقى لي في محانيها بقيهـ,,,
اسدلت دمعـ المحاجرللبكا وارخت هدبها
والله اني ما نويت ابدي معاها بالخطيه,,,
بس هي اللي تعدتـ حدها لحظة غضبها
والله اني كنتـ اكابر بالعتاب بحسن نيه,,
بس بدريـ هو صحيح اني الوحيد اللي عجبها
يمكن اني كنت قاسيـ بالعتب معها شويه,,,
كثر ما كانت تمنى راحتي واعشق تعبها
جرحتني بالكلام وكبرت حيل القضيهـ,,,,
واخسرت بي كل عرق من شراييني كسبها
والا هي ما كان فيها للموادع مقدريه,,,
والجفا كانت تعافه بس ماادري وش قلبها
ليتني مارحت اقايس قيمتي عند بدويه
رجعت لي كل عرقـ حبها والا نهبها
علمتني كيف ابجفا وانتصر وابقى ضحيه
وعلمتني كيف قلبي لو غلبها ما غلبها
وعلمتني يوم صدت عنفوان الاجوديه
ما تلوح للمقفي لو سلبها ما سلبها
وابيه بين القبايل والعرب واهل الحميه
عاقله ما تبذر الا نخلة تعرف رطبها
ان تهادت ذكرتني في خفوق العامريه
وان تمادت تركب ابليس الرجيم وما ركبها
جفنها لا سلهمت به ما يطيق السامريه
تسحبه برضله عينه وان سهت عينه سحبها
وان حكت تعطي مكانه للحروف الابجديهـ,,
كن كلمتها تلفت للكلام اللي عجبها
والحروف الا تعدت بالشفاه النرجسيهـ
كنها صارت قصيده بس ربي ما كتبها
وش بوصف من حلاها وش بخلي للبريه
مابها بالحسن عيب واكشفت الا حجبها
شعرها فيه الخوي اللي تبرى من خويه
والشفاة لو تشرب الماء اختلط فيها شربها
وباسفل الشفه حبة الخال وجمرتين ونار حيهـ
كل من حس بدفاها واحترق صد وقربها
شفتها مثل الجريمه وابتليت بها بليه
غلطة جيت اتحاشى ظلمها قلت ارتكبها
كل شي شفت فيها فيه نبرة جاذبيه
موهبه من فضل ربي واشهد ان الله وهبها
كلها لله وبالله فتنة هالادميهـ
عاجبتني من بداية راسها لاسفل كعبها
لو تبادلني شعوري والهديه بالهديه
ما وفت لي لو تبيع ثيابها واغلى ذهبها
هملتني والقلوب الجرهديه جرهديهـ
واحرمتني والمحبه نارها تاكل حطبها
والا انا ماكنت اكابر والليالي سرمديه
يمكن اللي غصبني للولع فيها غصبها
يا خفوقي ادري انك منتـ بحاجة وصيهـ
شفـ مكاني وانت تدري وين هي يمة عربها
رح لها وان كان فيها قلب يطمح في مجيهـ
شف طلبها في عروقه وان حصل تمم طلبها
وانشده وان قال عنها من هدر دمي بريه
قل لها ان اللي حصل لي في المحبه من سببها
لو يقول اني تعمدت الخطا لاجل الاذيه
قل انه ماتحمل بالعتب قله ادبها
ولو يقول اني انا اللي كنت بادي بالخطيه
قل هي اللي تعدت حدها لحظة غضبها
العرض المتطور
