هذه قصيده للشاعر/ هباش بن زيد بن مفرح آل عاطف القحطاني في آل خريزان آل ثلاب أهل الغيل
يقولون وين تروح وأقول صوب الغيل = اسير على ربعن يسلون من جاهم
أهل دله صفراء تبهر بغالي الهيل = وانا احبهم واحب من كان شرواهم
جلالي خريزاني طلع مثل طلع سهيل = وترى الطيب مجنى طيب والطيب مجناهم
وترى المرجله مهيب تشرى ببيع وكيل = مواهب من المولى وهم ربي اعطاهم
ولهم في السلف الاول تواريخ يوم الخيل = ومن لايعرف القوم ينشد من اقصاهم
الى زعزعوا قبان يخضع قوي الحيل = نهار به العزوه تندم به اعداهم
اقوله وانا ماابغى من المد عشوه ليل = لكن معجب بفعولهم واذكر انباهم
قصيدة القحطاني في آل خريزان أهل الغيل
العرض المتطور
