سجل حضورك بـ ( بيت من الشعر )

أخواني الأعضاء
لفت نظري هذا الموضوع في أغلب المنتديات وخاصة تلك التي تهتم بالأدب والشعر
وبطبيعة الحال أعتقد أنها فكرة جيدة خاصة أن هذا البيت ليس له جو معين بل
من إختيار العضو وفي أي مجال يختاره .
بداية مني بيت شعر لصاحب السمو الملكي الأمير عبدالله الفيصل حيث يقول :

ماعاد تخدعني عقب مابدالي=وإن عدت فيما عفت مانيب رجال

 

يابنت انا من بين اياديك مكتوف ** لا مطلع راسي ولا امد يدي
اما اطلعي كلك وخلني اشوف ** ولا برمش ياهوى البال صدي

الشاعر غنيم القباني

 

ولشاعر غنيم الخبيش بيت دايم يتردد في مخيلتي
عندما اشاهد السحاب :

عسى الله يجيب الخير من عند والي الخير ##### وعسى كل نفسٍ تطلب الله يساعدها

 

للشاعر الأمير / محمد بن أحمد السديري

حياتي كلها صبر وجلاده=وغيري عايش ٍ عيشة سعادة
أنا اللي عاشق ٍ في الغي مغرم=غريق ٍ في هوى راع القلادة

الله مير يسلمن ويسلمكم

 

وانا اقدم بيتين طريفين لشاعرالتوباد سعد بن ثلاب القباني :

من حبكم قمت ألبس الثوب منكوس =وانْشد عن الغترة وهي فوق راسي
يا الي هدب عينه يوصِّف على القوس= كانـك تبي ذبحي فلا فيه بــاسي

شاكراً لأخنينا محمد القباني على هذه الفكرة الرائعة

 

حي الله اللي كل ماغاب له يوم=أشيل همه وأنقله لين يلفي

الشاعر / علي القحطاني

 

ان كان لاجيتك تجي جيت يمك=وان كان اجيك ولاتجي تبت ماجيك
مانيب اخوك اصغر ضنا ابوك وامك=رجلٍ على كل يجي منك اجازيك

 

جيتك بخفاق ٍ من الحب منقاد=ماله مراد إلا رضا سيّد الغيد
عل الزمان اللي مضى منك ينعاد=وباكر يصير لماضي الحب تجديد

 

بيت لشالح بن هدلان:

يا قاطع الحسنى ترى العلم شاره """"""""لا بد ما دارات الليالي يدورن

 

لي بنت عم ما وطت درب الادناس ----------- يوم ان خطوات النسا يدنســــني
شتمتها يوم احسب الشتم نوماس ----------- وطلــــتقتها يوم افخت العقل مني

الشاعر سعد بن مشعل المطرفي البلوي

نقلا عن منتدى www.alm3lomat.net/vb
أشكركم

 

مشكور اخوي على هالفكره الرائعه

وهذي كم بيت لشاعر حامد زيد

مشكله لطحت في يدين البخيل=مايفكك لين تدفع كثر مايدفعه
ومشكله لضاق بالوقت رجاآ ثقيل=يطلب احبابه وعيا زمانه ينفعه
ومشكله صرت مطعون بكفوف الدخل=في الصدر اربع خناجر وفي الظهر اربعه

 

العيد فرحة وإبتهاجة ونشوه=وتواصل ٍ بين الأحباء والأحباب
ماهو تهندم بالملابس ونحوه=ولا تفاخر بالمظاهر والأنساب

محمد القباني

 

لسعد بن جدلان بيتين من أجمل ما سمعت في الإجتماع

من بحط إذنه على كل سماعه
................شاف فرقى ما بعدها تجماعي
إن تجمعنا على العز والطاعة
............... وإن تفرقنا فجوج الله وساعي

 

هب نسناس الهواء وأقبل شمال=أنعش الخفاق بعد هم ٍ وغم
من ديار ٍ ريمها ما به جفال=قايد الغزلان في روس القمم

محمد القباني

 

ضيدان بن قضعان


وإني من قوم يعز عليهم ...


قتل الرعاةِ ودمعة الحسناءِ