القصيدة الأولى ... عيال ابو سعد ... رد على قصيدة الكلب الضال
هذه القصيدة رداً مني لـ ذلك الكلب الضال والذي تهجم علي وعلى اخواني سعد وبندر بـ قصيدة كان عنوانها عيالنا ياشايبنا بـ مساس شرفنا وعرضنا وقد وضعها في منتديات الروح ومنتديات القبابنة وكان الهدف منها التفرقه بيننا وبين اقربائنا وذلك كرهاً فينا وفيهم , ولكن الحق يبقى كما هو الحق ولن يستطيع تفرقتنا بـ أسالبيبه النجسه فـ كان لابد منا الا الرد لـ يعلم هو ومن هم على شاكلته ان والدنا رحمة الله عليه بعد ان توفي خلف رجال يعتمد عليهم من بعده , والدليل امام اعين الجميع , فـ بيتنا لازال وسـ يزال باب صدر مفتوح لكل من يرده
وحسبنا الله ونعم الوكيل على كل ظالم وعلى كل مفتري
اما الواطي وأداة الشيطان اقدم له هذه الأبيات رداً على ابياته النجسه والحقيرة
عيال ابو سعد
قريت شعر(ن) قاله ابليس بسطور=في المنتدى حطه على غير تبرير
قصده يشوّش خاطر(ن) بات مذكور=بالمرجله غصب(ن) على كل خنزير
يابوم لا تحفر على روحك قبور=منتب كفو يا بوم نطح المناعير
خلك مع اللي تلبس الشال مستور=بالكف حنا .. والأصابع مناكير
ثم زيّن اللثمه .. بلا شك معذور=لا ضاعت الدبره وضاعت تدابير
حقدك لمسته والخفا يكشفه نور=والكلب ينبح دون هم وتأثير
واحنا بنينا عزنا بخير دستور=مثل الجبل ما يلتفت للأعاصير
اعيال منهو ساطع الذكر مشهور=من طيب راسه له مقام(ن) و تقدير
غاب وبقى طيبه مع الناس له دور=والشاهد الله مابها زيف تزوير
نمشي على نهجه ونبني به قصور=والعلم غانم والمراجل لها نسير
والبيت الأبيض منبعه بن و بخور=ما صِك بابه دون منهم مسايير
عكس اللذي بيته له ايام وشهور=قفله حديد محكم(ن) فوق جنزير
طبع الردى حوّط على مسكنه سور=واضح على وجهه تعاسة تعابير
حاقد كذوب وفوقها بزود مغرور=كنه على سطح القمر عايش(ن) غير
في مجلسه تلقى الخساسه لها حضور=الله يكرم مجلس العز بالخير
خذها نصيحه واقبل النصح ياثور=جنب طريق الموت لا يوقف السير
لو كنت قده كان تظهر بلا شور=وتقول عذرك للملا بغير تأخير
وتشوف ينفع لك طبيب(ن) ودكتور!=لا صرت عايش بين ونة وتعزير
مير البلا مثل المره زاهي عطور=خلف الغطاوي محترف فن تحوير
تكتب ورى الشاشه من القلب مقهور=وتصيغ حرفك بين الأركان تشفير
مدام فيك الخير !! لا تخفي النور =اكشف ظلام الغير بلاش تستير
الخير قوه ما يبي رعشة شعور=ولا يبي له بين الاحرار تخدير
تبت يدين اللي نوانا على الزور=ناره تشب و تشتعل هم تكدير
يا بليس تبقى بالخفى عفن مدحور=ثوبك حرير وشغلتك نافخ الكير
عسى حياتك كلها جور في جور=نورك يغيب ولا تلاقي لك ابصير
عمر مديد بالمعاصي غدى بور=رغم المطر كله جفاف(ن) و تدمير
اسمع كلامي لومضى الوقت بدهور=بنجيب علمك بالليالي المعاسير
الشمس تاقف والفلك يكمل الدور=والأرض يكشف سرها نبش تكرير
جاك الخبر والعلم واضح و مخبور=ماعاد في قولك علينا معاذير
وصلاة ربي عد ما رفرف طيور=على رسول(ن) خصنا بالتباشير
اخوكم
مساعد بن مشل القباني
العرض المتطور
