ورجلٍ .. يموت ولا يجيبون طاريـه,,,,,ورجل ٍ .. يجي طاريه في كل حزه

مع انها قصيدة وليست سالفة الا ان افضل مكان توجد فيه هو هذا المكان
معايير الرجال كثير ولكنها اليوم مع هذه القصيدة مختلفة ومتنوعة
هناك قصائد قيمت بالمليون
الا ان هذه القصيدة لاتقاس بهذا المعيار
معيار القياس فيها الشهامه والرجولة والنخوة

ياكثرهم .. لا قلت لك .. عرفة وجيهوياقلهم .. لا قلت  ..  قـدر  ومعـزه

رجلٍ .. تعزه بعد  ماتلتقـي  ..  فيـهورجلٍ .. قبل ماتلتقي  بـه  ..  تعـزه

ورجلٍ  ..  ترزه  بالمجالـس  مباديـهورجلٍ ..  فلوسه  بالمجالـس  تـرزه

ورجلٍ .. يموت  ولا  يجيبون  طاريـهورجل ٍ .. يجي طاريه في  كل  حزه

ورجلٍ يهزه .. بعض موقف  ويشقيهورجلٍ .. مهوب أيّات  موقف  يهـزه

ورجلٍ .. ضعيف .. ويستفزه معاديهورجلٍ .. كلام اعـداه  ..  مايستفـزه

ورجلٍ .. تلزه يعترف لك  ..  بخافيهورجلٍ .. على خافيه  ..  محدٍ  يلـزه

ورجلٍ .. يوزونه  ..  ويزعل  بنيخيـهورجلٍ .. يزعّل من  يحاول  ،  يـوزه

ورجلٍ .. تكزه لا زم  انك  ..  توصيهورجلٍ  ..  بليّا  ما  توصيـه  ..  كـزه

من لا فرش .. للمرجله .. ماتغطيـهومن لايخز .. الناس  ..  محدٍ  يخـزه

ان كنت تعرفني فهي .. عرفة وجيهمو شرط لك بالقلب قدر .. ومعـزه

الشاعر خلف بن مشعان

 

”	المشاركة الأصلية كتبت بواسطة ولد بداح [color=#660000][size=5][align=center][B] الشاعر خلف بن مشعان

الله ماااااااااا اروع هذه القصيدة
حكم * حكم

صراحة قصيدة تقرأها أكثر من مره
ولا هنت يا ولد بداح

 

صح لســانك ولســان الشاعر

وبيض الله وجهك على القصيده الطيبه التي تصف انواع الرجال

 

هلابك يافهد وشرفت الموضوع

 

انا اشهد يابن مشعان بااللى تقوله ,,, كثر ياولد بداح من هاالزين ,,, لاهنت

 

حياك الله يالعروان الله يحييك في الموضوع وابشر باللي يسرك

 

هلابك حدالرهيف هلا والله بابواحمد
ابشر طال عمرك باللي يسرك

 

الله لايهينك على الإختيار الموفق
أخوي الكبير ولد بداح
تبقى الأميز لك خالص التحية
وقد ذكرتني بقصيدة لي لا أحفظ منها إلا هالبيتين

بعض العرب لي  مات  ما  مات  جودهتبقى  فعايل  طيّب  الذكر  وإن   مات

وبعض  العرب  حي   ٍ   ولكن   وجودهمثل العدم محسوب من ضمن الأموات

 

اخي الكريم ابوخالد لاهنت على التعقيب والمرور
ابوخالد الأبيات الي اوردتها جزلة بالحيل اتمنى ان اراها في المنتدى
لاتحرمنا من ابداعك طال عمرك
تحياتي

 

”	المشاركة الأصلية كتبت بواسطة ولد بداح اخي الكريم ابوخالد لاهنت على التعقيب والمرور ابوخالد الأبيات الي اوردتها جزلة بالحيل اتمنى ان اراها في المنتدى لاتحرمنا من ابداعك طال عمرك تحياتي

غالي والطلب رخيص
ولد بداح إن شاء الله ستراها بالمنتدى
وشاكر لك الإطراء الله يطول بعمرك

 

لايزال المنتدى وزواره واعضائه بانتظار القصيدة يابوخالد
ولاتنسى قصيدة شجرة القبابنة نبيها معها

 

قصيده تعتبر من أجزل القصائد لما فيها من وصف
وابداع
قصيده تعتبر من نوادر التراث
وصح لسان الشاعر خلف


شكرا لك ياولد بداح

 

”	المشاركة الأصلية كتبت بواسطة ريم السبيعي قصيده تعتبر من أجزل القصائد لما فيها من وصف وابداع قصيده تعتبر من نوادر التراث وصح لسان الشاعر خلف شكرا لك ياولد بداح

الأخت الكريمة ريم السبيعي
الحقيقة ان الشاعر خلف مشعان ابدع في انجاز قصيدة متكاملة من جميع النواحي
فيها من الصور والأبداع والجزالة الشيء الكثير
اشكر لك تواجدك في القصيدة وتقبلي مني اجمل تحية

 

صح لســانك ولســان الشاعر

 

صح لسانك ولسان من قالها

ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه


اناشهد انه صادق