اشرب الفنجال واكب البياله ...طيب واحب سلم الطيبيني

اخواني زوار واعضاء ومشرفي منتديات القبابنه

السلام عليكم ورحمة الله وبركاته

عنوان الموضوع بيت للشاعرهو راشد بن حسن بن مانع بن رحيان الضاعني العجمي لملقب( خرالذيب )

كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي

يوقفون السواقين ويطلبونهم توصيلهم على طريقهم .. والشاعر راشد الله يرحمه كان

يخالف التعليمات وكل هذا حيا فيه ومرجله يوم من الايام أشرت له عجوز ومعها حمار

قالت وصلني يا الأجودي قدام شوي قال ابشيلك بس الحمار .لا قالت له خلاص روح الله

يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا

راشد الذيب .. اركبي وابشري بالخير .. وقيل انه توفي عام1406هـ وهو في نجران

وكان شايل معه شخص موصله الى قرية في نجران وحصل عليهم حادث رحمه الله ..

وذكرت السالفة بطرق مختلفه لكن نروح للقصيدة

/

قالها إبن الذيب من هاجوس بالـهكلمـة يلـعـب بـهـا والـبـال زيـنـي

قالهـا يومـه طـرالـه مــا طـرالـهمن هواجيسٍ تشيـب المرضعينـي

غرّنـي بعـض الرجـال بكثـر مـالـهمادرى إن الموت في حبل الوتيني

كيف ينفعني وبعـض النـاس خالـهما يدوم البيت كان الساس طيني

ماش وين اللـي عوايـده الشكالـهمثل إبن ظافـر حمـد ليتـه يجينـي

الثنـا والـجـود دايــم فــي خيـالـهعلّـمـه ظـافـر سـلـوم الطيّبيـنـي

جـــوّد العـلـيـا ولـزّمـهـا عـيـالــهوأدركـوا مـن علمتـه دنيـا وديـنـي

واهنـي مـن بـاع حظّـه وإشترالـهسار في درب النبي وأخزا اللعيني

مـوقـفـه مـاكــل رجّـــالٍ يـنـالـهومـن بغـا ممشـاه يقعـد مرّتيـنـي

وكم ذبح من حايلٍ مـن حـر مالـهوعادتـه لطمـة خشـوم العايليـنـي

حالفٍ ماخذ علـى الطرقـي ريالـهوبالثـلاث محـرّم إنـه مــا يجيـنـي

لا لقيت اللي علـى السكّـه لحالـهيلتفـت ويقـول ويـن المستحيـنـي

أوقف الموتـر حيـا وأبغـا الجمالـهيوم ولـد الـلاش وجهـه مـا يلينـي

والطمع في كـرّوة الرجلـي رذالـهخصّ به وإن جـا مجـال الغانمينـي

والـردي فـي حالـةٍ ماهيـب حالـهيـا عويـنـه مــن كــلام الطيّبيـنـي

الولد وإن طاب قالـوا مـن خوالـهبالخـوال يـسـال قـبـل الوالديـنـي

وأركبـه لعيـون مــن زيــنٍ دلالــهمـا تحاكـوا فـي قفـاه الرامسينـي

مـا بغـى غيـري وأنـا مابغـا بـدالـهقاعـدٍ لـي بالـرجـا مــدّة سنيـنـي

مـا قعدنـا فالعمـل نبـغـا الـرزالـهنـاخـذ العلـيـا طـريـق الفايـزيـنـي

وأشـرب الفنجـال وأكـب البيـالـهتـابـعٍ سلـمـي سـلــوم الأولـيـنـي

وهناك بعض البيوت وردة بصورة اخرى مثل ماورد في عنوان الموضوع

واخر بيت من القصيدة كذلك ورد عجزالبيت (وبالثلاث محرّم إنه مـا يجينـي )

ورد بصورة اخرى ( والثلاثة حالف انها ماتجيني) والشاعر راشد العجمي

هو والد الشاعر محمد بن الذيب المعروف

وسامحوني على القصور وسلامتكم

 

أخوي ولد بداح
مشكور على الموضوع
الجميل يعطيك العافية
دائماً تتحفنا بما هو رائع
بيض الله وجهك وتقبل تحياتي

 

مشكور يا ولد بداح
وما قصرت
وقصيدة رائعة لشاعر قول وفعل

ويوجد بالافلاج رجل مثل الشاعر
ومدحه الشاعر المعروف مسعود بن عنبر الصخابرة
بقصيده عارض بها قصيدة ابن الذيب

ولك خالص التحية

 

ابوخالد تسلم على المرور والاروع مرورك طال عمرك

 

اخوي فهد لاهنت على المرور وبأنتظار سالفة الرجال اللي من الافلاج وقصيدة الشاعر المعروف مسعود بن عنبر الصخابرة

 

ولد بداح
مشكور وما قصرت على القصيـــده الرائعة

 

تسلم ولد بداح , وكفو ياالضاعنى , ورحمة الله عليه .

 

”	المشاركة الأصلية كتبت بواسطة العـــروان ولد بداح مشكور وما قصرت على القصيـــده الرائعة

اررررررحب يالعروان وحياك يالغالي

 

”	المشاركة الأصلية كتبت بواسطة حد الرهيف تسلم ولد بداح , وكفو ياالضاعنى , ورحمة الله عليه .

هلابك يابو احمد وانت سالم وغانم

 

بيض الله وجهك يالمبدع
تقبل مني جزيل الشكر
وهذه القصيده سمعتها
من قبل وتمنيت ان احصل عليها
وكفيت ووفيت يولد بـــــــــــداح

 

الله يرحمه ويسكنه الجنــه وله سوالف وقصايد بس ياليت نلقاها والبركــة في ولده محمد بن الذيب
اخوووكم المان العرب

 

الأخت الفاضلة ريم السبيعي
اشكر لك تواجدك الدائم ومرورك بالقصيدة اسعدني
تحياتي لك

 

”	المشاركة الأصلية كتبت بواسطة الـمـان الـعـرب الله يرحمه ويسكنه الجنــه وله سوالف وقصايد بس ياليت نلقاها والبركــة في ولده محمد بن الذيب اخوووكم المان العرب

الأخ الكريم المان العرب
حياك الله وتواجدك المستمر معنا يعلم الله كم اسعدني
والد محمد بن الذيب يعتبر من الشعراء المتميزين بالجزالة واتمنى من منتديات العجمان الأهتمام بتراثه لأن جزء مهم من تراث الجزيرة العربية خاصة انه من المتميزين بالوصف الدقيق للمواقف ممايجسد حقبة من الزمن عايشها غفر الله له
تحياتي لك اخي الكريم واشكرك مرة اخرى على التواجد وحياك الله يالغالي