الشاعر سعود جمعان المطيري من الشعراء المبدعين
وقد حصل له موقف مضحك قبل فترة قصيرة
يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
وهو يتشكى كان مركز بعيونه على سعودجمعان
قال له سعود هالأبيات:
يا ابن الحلال اللـي تشكـى علينـا * حنّا لنا بوضع على الله مشاكيه
كانـك تحـرى للعـطـا مــن يديـنـا * عزالله إنك عندنا ما أنت لاقيـه
ماهو ردى بس أرثع الوقت فينـا * ماعندنـا ماناكـلـه دون نعطـيـه
..................................................
ومرة كان سعود جالس بمجلس
وكان فيه شيخ يحدث ويقول من ضمن الحديث إننا بأعظم نعمة بتاريخ البشرية
قال له سعود : ياشيخ أنا عندي مداخلة
قال له الشيخ تفضل
قال سعود هالأبيات:
ياشيخ شخيت الضحـى فـوق ثوبـك
وانته تروغ عن نحور الصواريخ
النعمـة الـلـي بــس ياشـيـخ دوبــك
ماتحسـب أكبـر نعمـة بالتـواريـخ
وإن كـان هــذا بالتـحـدث أسلـوبـك
فعز الله إنك لقطة غليـس ياشيـخ
..................................................
وزماااااااااااان كان سعود طالع من المسجد ولقى وحدة رافعة يدها وتشحذ عند الباب
قال لها سعود:
يابنت ياللـي بالمساجـد تطوفيـن * كفـي يدينـك قبـل نأخـذ ريالـك
حـنــا تـرانــا كـلـنـا مستحـقـيـن * ماهو أنتي اللي مستحقة لحالك
لو لا الحيا شفتي وزانك ثلاثيـن * أحد يميـن منـك وأحـدٍ شمالـك
مرفـعـيـن إيديـنـنـا ومتـقـاعـيـن * الموجب إن أحوالنا مثل حالـك
..................................................
ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري
أنـــا لـقـيـت الـبـنـك مــثــل اخـويـايــه
مايقضـي الحاجـة إلــى جــاه محـتـاج
أمــس الضـحـى مـريـت كـــل زمـلايــه
وكــلٍ عـطـى لــه بالمعـاذيـر منـهـاج
وضنـيـت بـاقـي فــي رصـيـدي بـقـايـه
وحركـت نـاصٍ حـارس البنـك هجـاج
ودقـيـت رقـمـي صـــح مـابــه روايـــه
طلع على الشاشة : لا داعي للإزعاج
..................................................
طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم
والقصيدة هي
لاصـار جـدك ماتـرك لــك ملايـيـن * ماهوب لازم تشتـري لـه ضحيـه
قل له ياجـدي جعلـك مـن المناجيـن * والله ماتـسـوى قيـمـة البربـريـه
عقبتنـي للـديـن ومـصـارع البـيـن * ومن زين طبعك كاتبٍ لك وصيه؟
لو أنت ما أخذ لك من الخد حوشين * يوم الأراض بـلاش وسـط العليـه
إن كـان تلقانـي مـن أهـل الدكاكيـن * مطنـطـخٍ هالـحـيـن مـيــة بـمـيـه
لـكــن يـاجــدي ضحـيـتـك بـعـديـن * إن سهـل المـولـى ثمنـهـا علـيـه
حنا بوقتٍ شين وأشين من الشيـن * فيـه الخـوي ماعـاد ياثـق خـويـه
سأل الشاعر سعود عن الزكاه فرد بهاذه البيات :
قالوا اتزكي قــــــــــــــــلت لله مازكي * ومن خلـــــــقتي للمال ماقط زكيت
الموجب ان الفقر عــــــــــندي امتكي * ماكنه الآ واحد مـــــــن هل البيت
وان قلت فارق قام عـــــــــندي ايبكي * و يقول انا حاولت ابروح وازريت
واقول وافي مامـــــــــــعي فيك شكي * يا واحد لو رحــــت عودت وابطيت
وانا وزانك منسدح وامــــــــــــتركي * واقول ابسوي ولا قـــــــط سويت
وصل السبب مافــــــيه ريب و شكي * من واحــــــد لاهو بحـــي ولاميت
اما يفــــــك الباب ولآ يصــــــــــــكي * وانا اتعذر به ليا مـــــــني اخطيت
سلط عــــــــــــليه رابض لونه يدكي * ان كان يمــــــديني تدينت لي بيت
واعطيت راع البيت بيديه صــــــكي * ابلش مع اعيالي لــــــمني توفيت
العرض العادي
