السلام عليكم ورحمة الله وبركاته
شاعرنا هو/ غنيم الخبيش القباني اطال الله في عمره
.................................................. .....
بسم الله الرحمن الرحيم
اخواني واخواتي
السلام عليكم ورحمة الله وبركاته
اسعد الله اوقاتكم بكل خير
يعتبر الشاعر الكبير / غنيم الخبيش هو شاعر قبيلة السهول
ولكن كيف تم ذلك ؟؟ ومن اطلق عليه اللقب هذا ؟؟
ولو اردنا ان نكتب عنه لما اكتفينا بحلقه واحده او اثنتان ؟؟ سأعرض لكم نبذه قصيره عنه وماسمعته
هو غنيم بن سعد الخبيش القباني لمع نجمه وهو صغير السن فأجاد نظم القصيد في عمر مبكر
قال في الغزل والحكمه والمدح
في الغزل يقول
اشوف الشجر مخظر بأول طلوع سهيـل
وانا من طلوع سهيل حالـي غـدى ليفـه
اليا اقبل شعاع الصبح واقفى ظلام الليـل
احس ان قلبـي مزجـل عـن سراجيفـه
من البعد وفراق الضحى طحت مالقى الحيل
وشاب الشباب مـن الزمـان وتصاريفـه
ويقول
عيني اللي من الهجران طول زعلها
والرجل في اسناع المواليف عجله
ماتستريح العين... بفـراق اهلهـا
تصبح وهي من صافي الدمع هجله
وانا سهرت وصاب روحـي خللها
امشي بليا قلب مـن هـو لاجلـه
يعتبر غنيم الخبيش من المحبين والمقربين الى الامير / سلمان بن عبدالله ال سعود فالامير سلمان يحبه حبا شديدا
وبعد ان تعرض غنيم الخبيش الى حادث مروري قال الامير سلمان الى احد الاخويا سوف نذهب بيت غنيم الخبيش بمناسبة سلامته فعلم غنيم الخبيش ان الامير سيأتيه وقال هذه القصيده يتعذر عن انقطاعه ويمدح الامير سلمان قال
ياللي تبي سلمان وقف بوصيك
عساك سالـم بلغـه بالسلامـي
ياسيدي سلمان عجزان لا اجيك
قلبي يبيك وخاينتنـي عظامـي
انت الرجى ياسيدي والبقا فيـك
وانت الحصين اللي عليه الكلامي
ترى نهارن مايجي فيه طاريك
اعد ذاك اليوم عـج وعسامـي
ياجعل حظك عند ربك يناديـك
يابن الكريم وياكريـم الكرامـي
الناس عندي ماتساوي مواطيـك
يامعزب الرحمن راس السنامـي
والقصيده اطول من ذلك
اجاد غنيم الخبيش المحاوره وهو ابن عشرين عاما ولم تختلف قوته عن النظم فقليل من تجده يجيد النظم والمحاوره فذهب للحجاز مع الامير عبدالرحمن بن عبدالله ال سعود في الطائف
وفي كل يوم يلعبون الشعراء عند الامير وكان غنيم هو الشاعر الوحيد الذي جاء مع الامير ويعتبر شاعر الامير
فلعب مع مستور العصيمي وجارالله السواط ومحمد بن تويم الثبيتي رحمة الله ورشيد الزلامي وغيرهم
سال الشاعر مستور العصيمي في احدى اللقاءات وقالو شاعر مظلوم اعلاميا؟؟ فقال شاعر قبيلة السهول غنيم السهلي
وهنا اطلق اللقب عليه
وفي عام 1408ه في مهرجان التراث بالجنادريه اختير من كل قبيله شاعر ومثل قبيلة السهول الشاعر غنيم الخبيش فكان عند حسن الظن ووضعته اللجنه مع الشاعر زيد العضيله المطيري فبدا غنيم الخبيش بمطلع لم يتعودو عليه شعراء الحجاز فمعروف ان يبدا بيا سلام او يامرحبا ولكن غنيم له سياسته فاندهش مطلق الثبتي الله يرحمه
اجاد الشاعر غنيم الخبيش اصعب الطواريق الشعريه فلعب مع احمد الناصر الشايع وكان الشاعر احمد الناصر يعلم ان غنيم موجود ويجيد الطواريق العسره فاختار طاروق صعب ولحن تطرب لسماعه ولعب معه الشاعر غنيماراد الشاعر مستور العصيمي ان يحرج شاعر لاذاكر اسمه ولكنه شيباني فختار مستور طاروق صعب وعلى عدة مواقف مثل يابن مشيب تبا تتعب
فالتفت الشاعر الشيباني على غنيم وقاله قم ياغنيم فقام غنيم ورد عن الشيباني فقال مستور العصيمي سلط الله عليك ياغنيم انت وان طلعتلي معه
يقول مستور العصيمي في احدى محاورته مع غنيم الخبيش
تزوجتها ياغنيم بالغدر والبوق
والحين لاجاك ولد وين خاله
فقال غنيم
تزوجتها والعز حدرى ومن فوق
وانا عضودي قويه بعز الجلاله
وللشاعر مستور العصيمي عدة محاورات مع الشاعر غنيم الخبيش
وفي عام 1406 تلقى الشاعر غنيم الخبيش دعوه لحضور حفل زواج في ساجر بالقرب من الدوادمي وكان من ضمن الشعراء شاعر قبيلة عتيبه الشاعر خلف بن هذال فحظر غنيم الخبيش ولعب مع الشاعر خلف بن هذال
فالجمهور عتبان والصفوف عتبان والشعراء عتبان وغنيم الخبيش كان لوحده ومعروف ان الصفوف في ذلك الوقت اهم شي للشاعر لانها تحمسه
فقال خلف بن هذال
يالسهول اللي تراطن مثل وصف الهنود
كل عزوه وقت القاء تنتخي في جدهـا
ياكبر صبري عليكم وصبري له حدود
والحقيقه ساعة الكـون هـذي حدهـا
فلم يرتبك غنيم الخبيش او يتردد فقال
لاتجي وسط المنابـر وتـذن لليهـود
المساجـد لا دخلهـا اليهـودي هدهـا
انت قلبك به نجاسه واعرف انك حسود
كل ماتفتـح عيونـك بجـي وأسدهـا
فصاح الجمهور ووقفت الصفوف فغضب خلف بن هذال وغير الطاروق الى طاروق اصعب ولعب معه غنيم الخبيش
دون تردد وهو وحده
التقى الشاعر غنيم الخبيش مع بكر الحضرمي بالخرج واصحاب الحفل من القبابنه فحضر غنيم الخبيش وقال
نقول بأٍسم القبيلـه مرحبـا بالجميـع
ماهل من مزنتـن رعادهـا يرزمـي
اليوم انا جيت للتجار ابشـري وابيـع
وان زان سوق التجر نادولي الحضرمي
فقال بكر الحضرمي
دام البقا يالمرحب جعل صدرك وسيع
والليله الملعبه كلـن يبـي مقسمـي
حنا نبا الملعبه مثل المطر والربيـع
عساك تسلم وجـارالله بعـد يسلمـي
فقال غنيم الخبيش
يابكر جتك الوداعه وانت خلـك وديـع
مافي الصحاري ورق فيها شجر شبرمي
حتى ولو بان ريع ومن ورى الريع ريع
شلفاي عانها معي والنار في محزمـي
فقال بكر الحضرمي
ماني مدور مع الشعار شكر وصنيع
خليك غانم معي حذرى تفور دمـي
فقال غنيم الخبيش
تحمد الله سمعتـك فالذاعـه مذيـع
والعام لا نت عربي ولانقول اعجمي
والمحاوره اطول من ذلك
ولغنيم الخبيش مع رشيد الزلامي محاوره فالحجاز
يقول غنيم الخبيش
سلام على الحضار في روس الاشهاد
يفرح قبيلن ليـا وقـف مـع قبيلـه
رشيد الزلامي من خذى حق الاجواد
رد الثنـا مثنـاه يـومـن وليـلـه
فقال الزلامي
تحيتن تكفيكم عن الشرب والزاد
ولانته مكلف فالعلوم الطويلـه
انا ماكيلت اموالكم ياهل بغـداد
ولا لك ورانا يالمغني فضيلـه
فقال غنيم الخبيش
عسى الله يجيبك مع هل المد مداد
احملك حملن مانت قادر تشيلـه
فقال الزلامي
ترى من تسمع قول حامد وحماد
يخلنـه الايـام يومـي شليلـه
وايضا المحاوره اطول من ذلك
منقوول...
الشاعر غنيم الخبيش
العرض العادي
