طرات الرجل لا لحقه من الزمان هموم.....ما يدري بسده كود خيرة بني عمه

عليك الفـــــــــــرج يالله ياحي ياقيوم=الاهٍ عباده كلها تلفت يمه
الا يارفيقـــــــــي والله انه عداك اللوم=انا اللي علي اللوم في ذمتي ذمه
ولاكن سامحني ترى العلم فيه علوم=ولا يفــــــــــرح اللي بيننا ينقل النمه
حصل ماحصل والعبد يصبر على المقسوم=يدور الزمان ويخلف العزم والهمه
طرات الرجل لا لحقه من الزمان هموم=ما يدري بسده كود خيرة بني عمه
وسيع البنايد في الشدايد قوي عزوم=لعظــك زمانك شال همك مع همه
وانا واللـــه اني ماتهنى بحلو النوم=ورفيقي عليه هموم الايام ملتمه
اشيل الحمل منه واحطه علي واقوم=مقام يورد مظمي الما على الجمه
لكن الزمان الشين ظالم وانا مظلوم=على الهون ياللي تمدح الوقت وتذمه
تهب الهبايب والسفن في البحور تعوم=وتقفي بها صلف الهبايب عن اليمه
هبوب تصلفقها وبحر وسما ونجوم=وموج تقفاه العواصيف وتزمه

كلمات الشاعر الكبير / سلطان بن وسام الهاجري

 

اكيد مايدرى بسده كود خيرة بنى عمه ,,, تسلم ,,, ولد بداح ولاهنت

 

الغالي حد الرهيف العيد مبارك ومشكور على مرورك المتميز وتسلم يالغالي

 

قصيدة معبرة وفيها الكثير

 

صح لسان القائل والناقل

 

هلابك يالعروان والساعة المباركة فاقدينك يالغالي

 

عليـك الفـرج يالله يـاحـي ياقـيـوم
Ooooooooooooooالاهٍ عـبـاده كلـهـا تلـفـت يـمـه

قصيدة ولا أروع

وتسلم يا أخوي المبدع ولد بداح

نقلك دائما مميز

تقبل تحياتي

فهد ال ثلاب

 

وانت سالم يافهد ومشكور طال عمرك وبيض الله وجهك

 

أخوي الغالي ولد بداح
حفظك الله من كل مكروه ماشاء الله عليك
التميز أصبح علامة بارزة لك تستاهل كل خير
وألف شكر على المشاركة

 

”	المشاركة الأصلية كتبت بواسطة القباني قصيدة معبرة وفيها الكثير

اخي الكريم ابونواف لاهنت على مرورك الغالي وفعلا ابيات القصيدة فيها من المعاني الجزله الكثير

 

”	المشاركة الأصلية كتبت بواسطة محمد القباني أخوي الغالي ولد بداح حفظك الله من كل مكروه ماشاء الله عليك التميز أصبح علامة بارزة لك تستاهل كل خير وألف شكر على المشاركة

ابوخالد ماعليك زود طال عمرك وكلامك شهادة اعتز فيها