تكفين ياالساحه ابي مسلسل غليس (للشاعر الكبير محمد ابن الذيب )

محمد ابن راشد ابن الذيب العجمي

واخر قصيده

تكفين ياالساحه ابي مسلسل غليسحـتـى تعـلـم مـنــه مـشـاهـد يـنــه

اذا الـوطـن لمواطنـيـنـه كـوابـيـسبيـحـس بالغـربـه مـــن مواطنـيـنـه

تعبت وانـا اعيـش خلـف الكواليـسويسـنـد بـــدوري لاتـفــه ممثلـيـنـه

امتـر الشـاعـر واكـيـل الدواعـيـسواسال زماني كم بقـى مـن سنينـه

ياتـل قلبـي تـلـه الهـجـن فالـريـسوالاالبـعـيـر الـلــي حنـيـنـه حنـيـنـه

اوتــل قـرنـاس مابـيـن القرانـيـسمـانـزلـوا مـــن قيـمـتـه شابكـيـنـه

تشبه نسانيـس الصحـاري نسانيـسلمـكـيـفـات الـفـاخــره بالـمـديـنـه

الاولـه حسـب ظـروف التضـاريـسوالثانيـه حسـب ظــروف المكيـنـه

تـرى الحـيـاه العـامـره بالنوامـيـسهـوى الفقيـر اللـي عيـونـه حزيـنـه

الياامتـلـك حـاجـه بعيـنـه لابالـيـسصـاحــوا ورى مايـمـلـك براحتـيـنـه

لوقصرت كفه عن الكسـب اوليـسمــن حـقـه انـــه يمتلـكـهـا بعـيـنـه

ثــوره تمـنـي فعلـتـهـا الهـواجـيـسثــارت عـلـى قـلـه كـفـاءة يـديـنـه

وانـا قريـت ان الغنـى فالقوامـيـسمثـل الفقـر رغـم اخـتـلاف الثنيـنـه

ان الفقيـر اللـي ماعنـده احاسيـسوان الغـنـي الـلـي رضــوا والديـنـه

كـلام مـن واقـع لكـن فيـه تلبـيـسيـحـتـاج فـكــر نقـحـتـه السـكـيـنـه

زكاتكـم واجـب يـاصـراره الكـيـسوشـعـوركــم زنــديــق يامالـهـيـنـه

يقـول سيدنـا الخضـر تقـدر تقـيـسلانـتــاج مـمــا تـحـتـويـه الـخـزيـنـه

ولوقـال اعضـاء التجـاره مفالـيـسقلنـا حــلال الـنـاس مــن مالكيـنـه

هدهد سبا اسلـم علـى يـده بلقيـسوفرعون الحـد شعـب كامـل بدينـه

ياكوكـب الارض الخلايـق متاعـيـسبـحــورك غـــزار وجـبـالـك متـيـنـه

هاجـر الـى حـد النجـوم المناكـيـسلايـدمـرونـك باالـحـسـد والضغـيـنـه

المجتمـع امـا قـضـاه او جواسـيـسوش هـي حـدود الشـرع يامطبقينـه

علـى سفينـه نـوح مـن كـل جليـسسـلام تـجـري بــه ريــاح السفيـنـه

 

فيه ملاحظة قالوها له في شاعر المليون في ذا البيت
هدهد سبا اسلم على يده بلقيـس
==========وفرعون الحد شعب كامـل بدينـه

قالوا ليش تقول هدهد سبأ والمفروض هدهد سليمان

وش رايكم في ذا الملاحظة ؟

أنا اقول أنها ليست ملاحضة بل تصيد مع سبق الاصرار والترصد
لان الشاعر يهتم بالوزن أولا
وثانيا أهم ما في العبارة: أن تشير إلى القصة المعروفه في اذهان الناس

وعلى كل حال
ما قصرت يا ولد بداح

 

	قال تعالى وجاءكم من سبأ بنبأ عظيم الايه يعني هو مرسول من سبأ والشاعر ماأخطأ المهم تحياتي لك ياولد بداح رائع لك شكري

 

هلا بالغالي حياك يافهد
انا رأيي من رأي الاخت ريم عن هدهد سباء
سليمان لديه الكثير من الطيور وهذا الطير اختص بسباء وخبرهم
لذلك سمي هدهد سباء
لكن حب النقد هو الي خلاه يتكلم
والا بن الذيب ماهو عاجز عن كلمة يستقيم بها المعنى في نظر الناقد وتكون على نفس القافية والوزن
عموما تحياتي لك يافهد وماقصرت

 

شكرا لك ياريم على المداحلة والتوضيح والحقيقة تفسير منطقي جدا عن هدهد سباء وانا من رأيك

 

ابن الذيب ماهو بسيط لو صار ما صار


سلمت يمينك يااولد بداح على هذه القصيده التي كنت ابحث عنها


تحياتي لك ولذوقك الرفيع

 

”	المشاركة الأصلية كتبت بواسطة راشد آل سياف ابن الذيب ماهو بسيط لو صار ما صار سلمت يمينك يااولد بداح على هذه القصيده التي كنت ابحث عنها تحياتي لك ولذوقك الرفيع

هلابك ياراشد ولاهنت طال عمرك على المداخلة المتميزة وتسلم يالغالي

 

ابن الذيب شاعر ماهو سهل , بس اللجنه تتفلسف زياده ومعتبرين نفوسهم فطاحلة الشعر ,, صح لسان الذيب ولاهنت ولد بداح .

 

هلابك يابواحمد ومشكور يالغالي على المداخلة

 

”	المشاركة الأصلية كتبت بواسطة ولد بداح محمد ابن راشد ابن الذيب العجمي واخر قصيده

صح لسان الشاعر بن الذيب
شاعر علم ورمز من رموز الشعر
يعتبر الآن في مقدمة الشعراء
لا هنت ولد بداح على النقل الطيب وتسلم يالغالي

 

”	المشاركة الأصلية كتبت بواسطة محمد القباني صح لسان الشاعر بن الذيب شاعر علم ورمز من رموز الشعر يعتبر الآن في مقدمة الشعراء لا هنت ولد بداح على النقل الطيب وتسلم يالغالي

وانت سالم يابوخالد
لكن عندي ملاحظة في مقدمة الشعراء ما اعتقد
صحيح مميز وله اسلوب ينفرد به عن غيره
لمن المقدمة اتوقع هناك منهو اجدر منه بها

 

اختيار رائع ولد بداح مشكور اخويه