سلام ٍ عد ما لاحت بروق الوسم يا ضيدان=بروق ٍ تلتعج قبلـه صدوقـه مـا نكذبهـا
سلام الله على اللي شاقني نظمه على القيفان=جزيل ٍ بالمعانـي والهزيلـه مـا يقربهـا
الا يا الشاعر المبدع قصيدك يطرب الشفقان=عليك الله وامـان الله بحـورك لا تسيبهـا
صحيح ان البحر هادي ولكن للبحر طوفان=وصحيح ان الهوى غربي ولا تامن هبايبها
أنا خابرك حر ٍ للسمينه ترخـي الجنحـان=نعرف ان الحرار الصبح تشبع من مخالبها
أنا بنشدك عن بنت ٍ مكاسيها من الحيـوان=تجر الصوت وان سكتت ولدها فوق غاربها
ولدها مالها غيره ولالـه يالعميـل اخـوان=يجر الصوت ويا امه واليا صاحت يجاوبها
اذا جمعتهم صاحوا واذا فرقتهـم طرمـان=لها ناس ٍ تصاحبها ولها نـاس ٍ تحاربهـا
غريبه في طبايعها تحير صافـي الاذهـان=لها صوت ٍ اليا صاحت كثير الناس يعجبها
قصيده هاضت بقلبي من الوجدان للوجـدان=معاني تندرج بسطور تلاعبنـي والاعبهـا
معاني نظمها هين انا وان قلت وش خسران=يجي منك الصدى والا يجيب العلم جايبهـا
بعد طالت وطال الليل ما رد الخبر ضيـدان=على قوم ٍ سلاطين العرب صوبـي تندبهـا
تناوشت القلم والطرس لا رايق ولا طربـان=ولكن واجبي يـوم النشامـا عنـد واجبهـا
بعد ذي مرحبا ترحيبة العجمان بالعجمـان=تراحيب ٍ تعبر عن مشاعـر مـن يرحبهـا
بمن جاب الرساله والرساله زينـة العنـوان=ومرسلهـا وبادعهـا وممليهـا وكاتبـهـا
بعد تم اطلاع الشاعر المتغطـرس الفهمـان=على مضمونها واسرارها واغـلا غرايبهـا
واذن للجن ينظم للعـوازم غالـي القيفـان=تنقاهـا واذن لـلـي ترتبـهـا يرتبـهـا
وانا يا بن المريعيه تراني من شهر شعبـان=ازينها المسا والصبـح بـاذن الله اخربهـا
محيرني من الالغاز ما يبحل بـه البطـران=نشبت ابها عسى ربي يفكك مـن نشايبهـا
ولكني يا راشد واعترف عن حلها عجـزان=وقررت انحـر القيفـان والالغـاز اجنبهـا
واختم القول ما غنى على الشنه طلق رجعان=سلامي للعوازم من ورى البصره الين ابهـا
وش المقصود باللغز نبي جواب مع التعليق
وسلامتكم
العرض الشجري