مناخ كير.... وقصيدة مويضي البرازية المطيرية
السلام عليكم
زوار واعضاء ومشرفي منتديات تالقبابنة
بعد انقطاع العودة اليوم عن معركة سميت مناخ كير
وهي الحرب اللي صارت لــ ( مطـــير ) .. ضد مجموعة من ( شمر وعنزة والظفير )
ويقال انه مات فيها شيخ عنزة ( ابن هذال ) واخوه ( مزيد الهذال ) ..
والفارس ( ضري بن قتال ) .. وأصيب مطلق الجربا ( شيخ شمر ) برمح في رقبته ..
ورجعوا البقية خاسرين ..
وكان في تلك الفترة شيخ مطير وقائدهم / فيصل الدويش ..
فقالت شاعرة عنزية تصف اللي حصل :
ياكير ماعينت ربعن لجوا فيك= وساع الطعون سلالة أولاد وايل ..
أما الشاعرة مويضي بنت أبو شويط أبو الحنايا البرازي المطيري .. رحمة الله عليها ..
فقالت وهي تفخر بقومها وتصف اللي حصل بــ ( مناخ كير ) وبالحرب :
يالله يللي ماش غيرك خيارا=ياواحدن كلآ يخافه ويرجيه
تجعل لهم في مركز العز دارا=قصرن طويلا وعاليتن مبانيه
صاح الصياح وهللن العذارا=والمال جاءنا وكثر الأزوال حاديه
اللي خدعهم ضدهم بالنهارا=والبوق ما عمره رفع حظ راعيه
شيوخ الشمال أهل العلوم الكبارا=عطوا عهد مير العهد ما أوفوا فيه
باقوا بنا ومن الله الأنتصارا=ومن باق عهد الله ضعافن مراقيه
ركبت عليهم سربتين تبارا=والكل ينصب عند الآخر يماريه
ولحق (بداح) فوق هدبـا تجارا=تنفض لحلاق الدرع والراس تعطيه
رموا في بن هذال أول مغارا=شيخ الشيوخ اللي سمعنا بطاريه
(جديع)ستر مخفّرات العذارا=زيزوم قوم وعوج الأسلاف تتليه
والشمري ذبّاح حيلآ بكارا=أقفى يجر مسنجدن في لواحيه
زقام عقب الزّوم دبّر ونارا=وبن سويط أقفى مطيعن يباريه
ومصيول التجغيف مثل الحوارا=وسيوف علوى شرّعت في علابيه
وأمدح عيال هضيب هاك النهارا=في ساعه لي ترك الهوش راعيه
هيلا عليكم يا أشباه النصارا=هاذي سواة البوق بانت مواريه
راحن بالجربان شقر المهارا=مع السويط وشيوخ وايل أهل التيه
اللي يضيع بالليل يتنى النهارا=واللي يضيع القا يله من يقديه
وسلامتكم