يا موت لا تبقي حد ٍ عقب سلطان=عيد الركاب اللي يرقع حفاها
يا ما ذبح من قرّح الكوم والضأن=وشاة المربي لا تحكّم شراها
ما ذكر لي يوم الدهر خاطره شان=كم خبرة ٍ في ليل جوع ٍ هجاها
قصره لأهل عوص المراميل معطان=راعي دلال ٍ للمراجل حزاها
يبكيه من فرّع على الريع لا بان=قد هو جويع ٍ والمزاهب طواها
وتبكيه ضيفان ٍ وتبكيه جيران=وتبكي الظهيرة يوم جاها غلاها
مرثية قالها الشاعر ناهض بن دغش في الكريم المشهور سلطان بن ذيب القباني
والمعروف بـ ( منادي بالعشا ) الذي شهرته عمّت أرجاء الجزيرة العربية من كرمه المشهود
توفي رحمه الله وهو في طريقه لأداء فريضة الحج عام ( 1345 ) هـ
العرض الشجري