الكلمة اللي تضايقنا

قصيــده لأعــرف قائــله ولاكنهــا أعجبتنـــي


الكلمـة اللـي تضايقـنـا نعديـهـا
وإن جاتنا من سفيه العقـل طنشنـا
مـادام نقـدر نمشيهـا .. نمشيهـا
من خوف نبلش مع الجاهل ويبلشنـا
لو كل عوجـا تجينـا نلتفـت فيهـا
ماكان نمشي مـع العالـم ولاعشنـا
وإنكان مالله هداهـا كيـف نهديهـا
مافيـه داعـي نناقشهـا وتناقشنـا
ناسٍ تخاشرك فـي مالـك وتعطيهـا
ولاشبعت تقول : وش بفلان مدوشنا
ومهما تحاول جميع الناس ترضيهـا
لابد من يشكر أفعالـك ومـن يشنـا
وأجرك على الله محيي الخلق ومفنيها
الأجر يبقى ويفنـا كـل مـا حشنـا