أنا لولا الغلا اللي لك بقلبي وش يصبرنـي

الأخت القديرة والشاعرة المعروفة ينابيع السبيعي من الشاعرات البارزات إعلامياً لها العديد من الدواوين
تكتب النبطي والفصيح شاعرة أقامت العديد من الأمسيات الجميلة
أترككم مع رائعة من روائعها ولنا وقفة مع قصائد أخرى

أنا لولا الغلا اللي لك بقلبي وش يصبرنـي=ومن غيرك إلى منه هجرني زادت اطعوني
لو أخترت المحبه كـان حبـك مايسيّرنـي=لاشك الحب ما مرة ذكرتك وأنثنـى دونـي
ولابه شيء غيرك لا ذكرت الحب حيرنـي=ياساكن مهجتي وأنت تمادى سهد بعيونـي
بكيفي كنت أحبك لين صار الحب يجبرنـي=أنا دايم كذا بـأول غـلاي لمـن يحبونـي
جمعتك بالحنايا عـاد تكفـى لا تنثرنـي=أمانـه لاتخلينـي شتـات لنـاس ينسونـي
إذا عكس الذي أعطيك من صدقي تعاشرني=وش المعنى لشعر ٍ أكتبه لاخابـت ظنونـي
أبي تسأل حبيبي عن سواي إن كنت خابرني=تشوف اشلون ماصدّق بحبك من يعذلونـي
وأنا لولا الغلا اللي لك بقلبي وش يصبرنـي=ومن غيرك إلى منه هجرني زادت اطعوني