هذا الله يسلمن ويسلمكم
يبيلكم ربط احزمه ترى بوه اقلاع ومطبات على هالطائرات المخيسه ناسا واختها والله مدري وش اسمه
(سفره على الهايلوكس للقصيم اريح من ركوبه ) دعايه مجانيه
المهم
قبل ميتين وثنين وعشرين طعش سنه هجري ميلادي
بوه واحدن يقال لوه ولد الربدي المخفه صديقي حلمه الوحيد تحرير القدس وتركيب برج موبايلي واتصالات بنفود الثويرات (يكثر من هالحلم ماحد لمه ) الناس نايمه لهف قروش ولاعليهم من احد
حسبي الله عليهم هوامير الاسهم ومعهم بعض الناس لهفو قريشاتي وخلون على الحديده راس المال هايلوكس وكانهم يبونه ماعليه حسوفه يعطون اغلا شي به اشرطة بن سعيد وعيسى ويأخذونه
المهم والزبده ان كل امنياته بهالحياة والشرق الاوسط انه يصير شيخ قبيله :h035:
لكن بصراحه ما بوه مقومات وما احد بيعطيه مجال لان المشيخه ورزت المشلح (البشت) لها ناس ورجاجيل المهم ماعلينا
هالمخفه ولد الربدي بعد ما يأس من المشيخه في قبيلته قال يستشيرن ( ياعاشق نجد انا بفصل لي جنبيه )
زي حقت الشيوخ القديمين واكتب عليها الشيخ ولد الربدي والمشكله الرجال مطفر قام باع الغنم كله اللي بحوش الثويرات علشان يفصل الجنبيه (الحلم)فصل الجنبيه وكتب عليها (( الشيخ ولد الربدي قاتل ميه ومعتق ميه )) افهموها عاد والله لو يرجع ولد امير الشمل ويحسبها ألفين مره مافهم شي :c040:
ليش علشان المشيخه تكون على اصولها المهم غادر صاحب الجلاله آسف ولد الربدي وساح يسوحو سوحن بالارض بعد ما باع كل شي حتى حبيبته هيله :g042: لجل الجنبيه هائم على وجهه لا فرس ولا حتى حمار ولاهايلوكس ابعد عن ديرته بعيييييييييييد المهم من كثر التعب جلس تحت شجره ونام وهو نايم الا ويشوفونه مجموعت رجال جو قربو منوه وبدون ما يحس طالعو بوه طالعو بالجنبيه الا مكتوب علّيه ( الشيخ ولد الربدي قاتل ميه ومعتق ميه ) الله يكفينا شره هذا ماهو بسيط هذا مطلوبنا هذا اللي بيحل مشاكلنا
المهم صحوه برفق ولين شيخ وقاتل ميه يعني العفاشه والمياعه والدفاشه ما تنفع معه قام الخبل آسف الشيخ يصيح خير وش فيه (من الخوف طبعا) :g035:
هم : لالا ابدا بس قلنا تتفضل عندنا هنا يا شيخ
هو: هاااه الشيخ ولد الربدي طيب طيب (اول مره يسمعها في حياته) متعود على خقلات عاشق نجد بنفود الثويرات
هم : تفضل تفضل
المهم راح معهم قهووه على (باله رجال) وغدوه وريح عندهم وقالوا له روس المندي قصدي ( روس يعني من رؤساء) ( شيوخ القبيله ) عازمينك الليله على العشاء وطلبناك ان تقول تم قال تم تم :a020: المهم اجتمعوا وتشاوروا قبل ما يجي الشيخ المزعوم ويوم جا وتعشى قالوا له العلم سلامتك حنا قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين الا وهم هجوله على الهايلوكس :e0025: داخلين عندنا ياخذون اللي يبغون من حلالنا ولا بيدنا حيله ولا بصيره
لمعت عيون الشيخ ولد الربدي من الفرح قالوا له اسمع حنا بنحطك شيخ لنا على طول قال انا موافق(حلمه القديم) قالوا بس فيه شروط الشيخ ولد الربدي يتمتم :h055::انا لله وش شروطوه بعد ؟ طيب عطون شروطكم قالوا فيه ثلاث اختبارات ان نجحت فيها تاخذ المشيخه وان ما نجحت فما لك عندنا الا ضيافه ثلاثه ايام
الشرط الاول اختبار الفروسيه والقتال
الشرط الثاني اختبار الشجاعه
الشرط الثالث اختبار الذكاء
المهم فكر شوي وهو عارف ان ما بوه امل ولاحصه ولاهيله خويته ولا شرط ينطبق عليه
قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي قال لهم انا موافق قالوا اختبار الفروسيه بكره جهز نفسك
جاء اليوم الثاني
قال انا جاهز قالوا له نبغاك تقاتل قطاع الطرق وترهبهم غديهم ما يرجعون لنا قال طيب بس ابغى فرس متعوده على الكر والفر قالوا جاهزه والسلاح جاهز
طبعا الرجال عمره ما ركب خيل حمار من حمير الثويرات ويخب عليه .. قال ابغاكم تربطونن على الفرس ربطه ما تنفك ابد (حزام امان )
ركب الفرس وربطوه ربطة الشر :a042: خذ سلاحه قال وينهم قال في الجهه الشماليه قال طيب وراح يوم ابعد وهو يفرك جهت الجنوب ومشى الا والله ان قطاع الطرق قباله ويوم تشوفهم الفرس وتقول بسم الله وعليهم والشيخ ولد الربدي يحاول ينزل يمين شمال يحاول يوقف الفرس ما بوه (الله لايعوق تقل فرد حزمه فرد حمزه ثاير ثاير وينهو بوه بس ) فايده رايحه لهم رايحه وهو مربوط ربطتن شينه وهو يطالع الا شجره قباله ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير
ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه وسلوموا واستسلموا قالوا هذا الداهيه عز الله بيذبحنا كلنا اللي قلع هاك الغصن وراعي هذا الهجوم الخاطف ما لنا الا نستسلم :c040:
يوم شافهم الشيخ ولد الربدي مستسلمين قال يالله يا كلاب واحد منكم يربط البقيه والا والله لاذبحكم ذبح الشات والياهو والهوتميل :c040: المهم ربطهم كلهم وسحبهم وراح للقبيله وهم قدامه مربوطين زي الغنمان على وزن غنم ويوم شافوا القبيله قطاع الطرق مربوطين قالوا عزا الله شيخ ولد شيخ ويفكون الرباط اللي مربوط بوه على الفرس ويهنونه ويكرمونه ويريح الشيخ ولد الربدي وهو يقول في نفسه راحت الفرس ورحت انا فيها
جاء اختبار الشجاعه قالوا له بوه اسد دايم ياكل حلالنا ونبغاك تقتله
قال هاه اسد عدلوا بدلوا قالوا اسد يوم ضاقت عليه نفود الثويرات
قال طيب اتركوه عليه بس ابغى فرس بس غير الفرس هذي (ما تنفع له يبغى وحده حليله ما هي حقت مشاكل :a045
قالوا طب وتخير يا الشيخ المهم لقي وحده هناك شكلها ضعيفه مالها في المشاكل
قال هذي قالوا يا الشيخ ولد الربدي هذي تعبانه ما هي حقت كر وفر وانت بتقابل اسد
قال انتوا تعلمونن الكر والفر وبعدين من هو اللي بيقابل الاسد انا والا انتوا
قالوا خلاص يا الشيخ انت ادرى (امحق من درايه )
المهم خذ الفرس التعبانه ويوم يبغون يربطونه قال لالالا (خايف من الورطه القديمه) كل معركه ولها طريقه
خذ الفرس الحبيبه هذي وتوكل وسألهم من وين الاسد هذا اللي يطلع لكم قالوا من الشرق قال طيب خلاص ازهلوه (اقعد ياعاشق نجد)
يوم ابعد وهو يروح غرب بدل الشرق ومشى وهو يقول : قالوا اسد مجنون انا ؟ ومبسوط من الفرس تمشي على اقل من مهلها مشى الرجال الى ان تعب وهو يشوف هاك الشجره الكبيره قال اريح هنا المهم ربط الفرس وطلع هوه فوق الشجره ونام :c015: شويه الا والاسد محضر (الاخ عسكري) الله لا يوريكم الشجره هذي بالذات محل قيلولت الاسد يعني دايم يقيّل به
الفرس من يوم ما شمت ريحت الاسد وهي تحط رجولها وتعود لاهلها والشيخ الخبل نايم في سابع طعش نومه
نام الاسد والشيخ ينقلب ويطيح على ظهر الاسد وينفر الاسد لكن صديقي الشيخ ولد الربدي من كثر الخوف تمسك مضبوط لنه عارف انه لوطاح بيروح فيها ويحاول الاسد يطيحه يحاول لكن عمك حديد (بلاه اكل سكري القصيم ) متمسك مسكت خواف يعني ( متسمر بوه ) ويحاول الاسد يطيحه يمين شمال ما بوه فايده الرجال مسمر ولا هو ناوي يفكه
المهم وبينما الصراع (صراع من اجل البقاء) قائم بين الشيخ ولد الربدي والاسد
القبيله هناك بعد ما رجعت الفرس عرفوا ان الشيخ تعرض لمكروه وهم يبلغون الدوريات والشرطه والقناصة والمصفحات حقت الارهابيين ينفرون كلهم ويلحقونه ويجون الا والله الشيخ صديقي ولد الربدي متمسك بظهر الاسد والاسد يحاول يطيحه ويجي واحد من القبيله مير الله يسلمن ويسلمكم وهو اللي يقتل الاسد وشوين ويطيح الاسد مير ويموت والشيخ متسمر بوه ويجون عنده الا وهو زعلان مررررررررره زعلان
قالوا الحمد لله على السلامه يا شيخ
قال الله لا يسلمكم (قلت الخاتمه اعرفه صديقي ) مابوه شده :c040:
قالوا ليش
قال من اللي قتل الاسد
قام واحد وقال انا
قال الله لا يوفقك
قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟
قال انا كنت قاعد اروضه ابغاه ركوبه لي :a116: وتجي تقتله حسبي الله عليكم
المهم اعتذروا منه وتسامحوا منه والرجال يسامحهم وياخذونه ويرجعون على القبيله ويعشونه ويحتفلون بوه الفارس العظيم مروض الاسود المهم هو يفكر يقول راحت علي الفرس لانه عارف انه ما بينجح في اختبار الذكاء لان ما فيه مجال للحظ في هذا الاختبار
جاء موعد الاختبار النهائي اختبار الذكاء المهم جابوا تنكه وحطوا نصها عسل والنص الثاني الله يكرمن ويكرمكم (بعر) وغطوها وقالوا يالله يا شيخ ولد الربدي تقدر تقول لنا التنكه هذيك وش به المهم الرجال قعد يفكر في وضعه لانه عارف انه ما راح يعرف (هو خلقه تنكه صديقي واعرفه ) يفكر كيف الكرم اللي كان بوه والامجاد اللي عاشه اليومين اللي راحت مع هذهي القبيله اللي نادوه باغلى اسم عنده وهو ( الشيخ ولد امير الشمل :c040: آسف ولد الربدي صديق عاشق نجد ) فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفر:e055: تن من قلبه وبدون ما يحس طلع من لسانه جزء من الشي اللي يفكر فيه
وهو اللي يقول اللي أولوه عسل اخروه ( بعر )
كلهم صاحوا صح صح جبتها يا شيخ ولد الربدي ياصديق عاشق نجد وهم يحتفلون بوه (رميه من غير رامي :c040: ) وهو ما يدري وش السالفه الا بعد ما فتحوا التنكه :a020:
واخيرا تحقق حلم الشيخ ولد الربدي واصبح شيخ لـ القبيله
وصارت الهايلوكس :e0025: وحده من السيارات الخاصة بالشيخ ولد الربدي حيث الهجوله والمقانيص
بقيادة صديقه وسواقه الخاص
عاشق نجد
العرض الشجري
