قصيدة رثاء في
الشيخ محمد بن سعد بن جنيف بن ماضي القباني وأخوه الشيخ فلاح بن سعد بن جنيف بن ماضي القباني
والذي توفاهم الله في حادث سير على طريق الأحساء
صاغها شعراً المغفور له بإذن الله الشيخ راشد بن نعيّم السبيعي
لجة هواجيسي كما لج ورد بلاد=وإلا كما طرش تقسم نواديها
يالله أنا طالبك يامفرج الاشداد=هوّن سعير الكبد من واهج فيها
علم لفاني حر قلبي وحره زاد=يحر الضماير والمعاليق يشويها
على ربوع تكرم الضيف والمحتاد=كل المراجل قاضبين معانيها
عليهم دموع العين تزعج بلا رداد=كنك بصافي الشب دايم تداويها
وإلا كما شن تهوشل مع وراد=من السمايم يابسات عراويها
يامحمد بن جنيف ياكاسب الامجاد=عليك العباير لاحقات مناهيها
حالي كما عود قرب منه الحداد=اللي برى قرشه وعوده سطافيها
وجدي عليكم وجد من فاخة الميعاد=خلوه ربع ماتثمن لقافيها
جابوا ذلوله فوقها النطع وعضو شداد=خلي عليه البيض تصفق بأياديها
يالله ياللي مايغره ضمير فواد=يارافع العرش وأرض موطيها
إغفر لهم الذنب ياخير جواد=تعلم السراير بيّنها وخافيها
لا وقفت الآجال ماينفع التصداد=واللي كتب ربك لزم بتأتيها
وأختم كلامي بصلاة على السجاد=عدود ماهل المطر من مناشيها
رسول بيّن الحق على الاشهاد=بيّن طريق الحق والكفر غاطيها
وأنا اذكر الله عد حيد على الارجاد=وعدود رمل النفد واللي مشى فيها
وأنا استغفره عد ماهبت ماهبت الانواد=وأنا استغفره ماهب ذاريها
العرض الشجري
