قصيدة في كل القبائل المشاركة في جاهية السهول
--------------------------------------------------------------------------------
يالهجـوس المردمـه مثـل الغـيـوم=استـهـلـي مــــدح لــلــي نـايـفـيـن
يانديـبـي قــوم واخــذ العـلـم قــوم=وصـلـه يــم الـرجــال الشامـخـيـن
قــل لقحـطـان الـمـعـزه والـسـلـوم=سـعـد مـنـهـو ينتخـيـكـم مايـهـيـن
وقـل لا بـن حثليـن فكـاك الـزحـوم=شيـخ سلـطـان الفـخـر والطايلـيـن
وقـول للـي مـن يعاديـهـا مـهـزوم=حرب ساس الطيب والمعدن ثميـن
وقــول للعتـبـان يـــا عـــز يـــدوم=يـاشـيـوخ الـعــز يــاقــوم تـعـيــن
وقـل لفيصـل مرويـاً حـد السـهـوم=الـدويـش الـــي يـهــز الصامـلـيـن
وقل ليام الي علـى الطولـى هجـوم=الـحــرار الـــي معـانـدهـم حـزيــن
وقل لحـارث قسمهـم بيـن القسـوم=فــــوق راس الـنـايـفـه متعـلـيـيـن
وقـول لبـن قويـد يالحـر الـصـروم=ربـعـه الــي فعـلـهـم دايـــم يـبـيـن
وقـول للاشـراف جاهلهـا مـحـروم=نـسـل خـيــر الـبـشـر والـزاهـديـن
وقل لمـن شـارك وقدرنـا محشـوم=من جميـع النـاس معنـا حاضريـن
قلـهـم بـســم الـزحـازيـح الـقــروم=الـذيــاب الـضـاريـه والسـاطـيـيـن
عـن سهـول ترتكـي وقـت الـلـزوم=بـالـمـكـارم والـمـراجــل فـايـزيــن
وعن سبيع اخوانهم سقم الخصوم=فـالـمـواقـف بـاسـهــم لا مـايـلـيـن
اتــقــدم شــكــر لــرجــال تــشــوم=قـدرونــا واقـبـلـو جـــو فـازعـيـن
قــدرونــا واقـبـلــو يــــم الـبـقــوم=شـاكـريــن لـلــرجــال الـغـانـمـيـن
يالله تـثـمــن خـطـاهــم يــارحــوم=جــازهــم يالله لانــهـــم بـاذلــيــن
باذليـن الـجـاه فــي وقــت الـلـزوم=ويالله تـحـقـق مـــراد المسـلـمـيـن
الشاعر
سيف بن مهنا السهلي