... كــف الكـــفن ...
يمكن تكون رحلة بين أكفان الحياة ... !!!
... كــف الكـــفن ...
على (كف الكفن) تنبض بقايا روح مجروحه=خذاها الوقت والعبرة تسوق عيون مشتاقه
تراقب وش بعد بكرة وش اللي يتبع جروحه=وش اللي يجبر الخاطر وقلبي عايش فراقه
ثلاث سنين وهمومي تعانق لهفتي بنوحه=وأنا والصمت والذكرى نقلب ماضي أوراقه
أدور بالسماء طيفه واردد وينها روحه؟=ولا غير الصدى اسمع يردد صوتي بآفاقه!
عقب ما هو وسط روحي يباهي شامخ صروحه=غدا كنه حلم ليلة حدوده لمعة إشراقه
خياله ما بقى غيره يبروز باقي اللوحه=وينثر في ملامحها من طعون الجفاء باقه
ويتركها تخاويني طريق دموع مسفوحه= طريق يجرح الخافق ويقتل فرحة أعماقه
عليه أسير وأساير زمان أرواح مذبوحه=نزفها الصد من دمي وهمي زادها إغراقه
ألملمها مع الحسرة أخاف عيون مشفوحه=وتفضحني معاناتي و (ذكرى) زاهي أشواقه
تبين ولو نفى قلبي عليها رسوم مفضوحه=مواريها (دمع عيني) ظلاله بان بأحداقه
رسمها والسبب خيبة تجر أحلام مطروحه=تمايل حصنها وهلت سنين تظمي ارماقه
ظمتني والعطش حقق مع الأيام مصلوحه=وأنا الهاجوس يلعبي من اللي للوصل عاقه!
سؤال يدور في ذهني جوابه رافض يبوحه=ولآبه بالهوى (غيبه) من الأبواب للطاقه
أخاف الشمس من جوه لجو الغير ممنوحه=شعاعه بالفضاء يملى لغيري نجوم براقه
(سراب) كلما جيته يودع عالم وضوحه=مع الأطلال يسكني وأموت بحرقة اشهاقه
وأعود أجدد أكفاني بنبض عروق مجروحه=واكف بداخلي عبره تسوق عيون مشتاقه
اتمنى ان تحوز على رضاكم واستحسانكم
اخوكم - مســاعد
العرض الشجري
