يازين سامحني إذا قلت مرخوص

يازين سامحني إذا قلت مرخوص=وإذا بدالك حاجةٍ مستعدين
بحر الشراكة ياحلو فيه ماأغوص=ثوب النفر ما يمتكن يكسي اثنين
نوم الحزم من غير دوشق وبرنوص=أخير من نومة سرير الشريكين
كل شيٍ توضح لي ولا يمكن تلوص=معقول اكذب بعد ما شفت بالعين
أختار أسكن في عريش ٍ من الخوص=أحب من قصر ٍ أصحابه كثيرين
تقدر تقول إنه حصل مني نقوص=ادخل بحجه وخلنا مستريحين
قلي وأبو سيفين في البوك مرصوص=أقوم لجلك لو تحملت بالدين
الرجل ما يأمن وفي بيته لصوص=وأنا ماعاد آمنك خلاص يازين

الشاعر / محمد بن سعد الجنوبي