من القصائد الجميلة قصائد المساجلات التي تكون بين شعراء عمالقة أمثال الشاعر الكبير
غنيم بن سعد الخبيش القباني والشاعر الكبير ذيب بن دخيّل الحبابي
وهذه إحدى مساجلاتهم الجميلة
يقول غنيم
على دورتك ياذيب ماشفت نجع ذياب=هل الذود وأهل الجيب والوايت الصتي
تراك المشبب لالقيته وابن شباب=حبال الرجى عقب التثني غدن بتي
جذبهم خريف ٍ نيته فرقت الأصحاب=عسى اللي فرق شمل العرب يجمع الشتي
وأنا من فراق الشمل ياذيب راسي شاب=تلوّت غصون القلب يوم الورق حتي
وأنا أعالجك ياروح وأكثر الأطباب=على ذا الطريقة لا حييتي ولا متي
علاج الدكاتر مايكافي عن الأسباب=معي كل يوم ونقصك يبين ما زدتي
وهذا رد ذيب
هل الجيب ممساهم بعيدن على الطلاب=بعيدن عليك وجوهم صار به غتي
وأظنك رقدت وقمت وأثر القمر قد غاب=وياليلة ٍ غاب القمر فيك لا عدتي
وألا ياعيون اللي تتقين في الأجناب=سكاتك غبينة وإن بكيتي تنقدتي
ولكن نصيحة يارفيقي تصك الباب=أظن الحرامي دمر الزرع والقتي
وجانا بشير وقالوا إنه قشع الأطناب=عسى العلم ثابت ياقلوب ٍ تباعدتي
العرض الشجري
