جاسر الشراري
جمالك طبيعي ماحوى خدعة المكيـاج=وشعـرك طبيعـي ماتغطيـه باروكه
لأنك من أهل طريف ياللي ملكت التاج=عشقنا بلاد طريف وزهوره وشوكه
إذا أقبل سواد الليل جتني هموم أفـواج=تخيّم على نفس ٍ للاحـزان مملوكه
وأنا لي عشر شهور ياطيـب المنهاج=أناجي ظلام الليل في شدة حلوكه
وأراقب نجوم ٍ بالسماء نورها وهاج=علشان فيها وفيك اوصاف مشروكه
وهات القلم ياصاح واكتب بدون احراج=وقرب كتاب الشوق وارسم على بوكه
بيوت ٍ سببها جرحي اللي بقلبي لاج=هموم ٍ لها في قلبي سنين متروكه
متى ياعنود طريف تمنحني الافـراج=لاحتى الحياة تصيـر بالعيـن مبروكه
رد الشاعر علي القحطاني
على الطائرات اللي يسمونها الميراج=تعود الرسالة والتحيات بالكوكه
لجاسر غضيان الشراري بدون ازعاج=رسالة ومعها اوراق في ظرف مشروكه
أنا فرد مـن بغـداد والشاعـر الحجاج=دمات الذي ماطاعوا الامـر مسفوكه
شكالي غرام اللي تبختر بسود حجاج=حدود الشرف من بينهم غير منهوكه
وأنا أشكي عليه اللي سكن من وراء الافلاج=اخذ بس موجـز والتفاصيل ممسوكه
زعيم العذارى اللي جبينه شبيه العـاج=من أنصع جماله تخضع الشام وملوكه
كأنه يقول اسهر بنوري بلاشي سراج=سبايك ذهب في صافي الخد مسبوكه
كأنه يقول اللي رميته بلاش علاج=لأني قطعت الوصل عن ساير سلوكه
وقالوا لماذا تقتل انسان قال مزاج=هواية قديمة واضحة غير مشكوكه
العرض الشجري