قال بدوي ويديه ترجف رخاوه

قال بدوي ويديه ترجف رخاوه ******** يخاف من ظله ويقرف من الطين

قلت استمع مني لهرجة هداوه ******** وين البداوه وأنت مابين جنسين

بين البداوه والمياعه عــــداوه ******** طيب الأصل ورثت جدودٍ قديمين

في البدو ملحن مختلط مع حلاوه******* تشوف وقفتهم مع العسر واللين

حـــنا البدو يا مدعــيـــن البداوه ******** مهوب من خيّم على الطعس يومين

حنا هــل بـيوت الشعر والنداوه ******** طلقين وجــه لمـن نخــانا ملبين

الجـــار يلقى في طرفنا غلاوه ********* كنه من اهــل البيت واللي قريبين

والضيف في عرف البدو له حفاوه******** ماننشده من وين وإلا على وين

من قسوة الصحرا خذينا قساوه ********* ناخذ معــالمها وتبقى عناوين

طب الرجال وسعدها في الشقاوه *********** ومجاهد الارزاق وسط الميادين

ذاك بدوي ياخذ فــعوله نقـاوه ******** للمرجله برهـان هات البراهين

كيف بدوي ناعم وفيه الطـــراوه ********** يخاف من ظله ويقرف من الطين؟؟