الله مير يسلمن ويسلمكم
معي علم اني من زمان وقتن مضى
ماشقرت عليكم وبوه وجيهن عدله وناسن طيبين :g042:
بدو يهجولون بغيبتي وهذا فرحن كثير الله يمتعن وياهم بالصحة والفلة والوناسة ولاتهون الوضيفه :a018:
الزبدة ماودي اطوله عليكم
هذولي ارقام واسماء وابي انزل الارقام وافضح والي يصير يصير حبك جنني كتير :d065: بس الي ينبسط لازم يدعي لي
تراي اعرفكم كل من اخذ رقم مايدعي ولا شي والا تراي بنزل ارقام بياجركم وافضحكم ان ماشكرتون
عمومن
هذا رقم اول الحسناوات
حسنه
2711324
4624669
اكبر الردايف
2714027
4620380
ام دغيم
2700095
4641636
ام قرين
2657150
4649009
ام مصران
2636585
4734078
طبعن هن مكتوبات كل اسم قدامه رقمه
فمثل ماتعرفون هالدلوخ الي فوق اسماء فياضن بالصمان والارقام هن ارقام الاحداثيات (الموقع بالنسبه لخطوط الطول ودوائر العرض)
المهم اني اخذتهن من حدى خوياي عاد تعرفونه ماعنه غطوه (ولد الربدي) جايهن ويمدح ربيعهن وكتبتهن بوريقه ومير تجي الشغاله (شوفو موضفين شغاله وانا ماتوضفت ) تغسل الثوب واثر الورقه بالمخباة وتجي الله يصلحه ويصلح شغالاتكم تاخذ الورقه وتطير للوالده ربي يحفظه وتعطيه اياه تقول لقيت هذي بثوب (.......) مشفره لانه معياره
امي اخذت الورقه منا وعينك ماتشوف الا ماني قايل وتناظر واثر هالاسماء وتطيّر عيونه :a0200: قالت يادافع وش هذا؟! تحسبهن اسماء بنات جت طايره تقل هايلوكس تحسبن بالغرفه واثري طالع من بدري مع الصديق (ولد الربدي ) لنفود الثويرات وصعافيق وناوين ننهج لسوق المسوقف بباريس نجد الي هي عنيزة :a102: غدينا نلقى شي يوسع الصدر ويفل الحجاج ومير تدق جوال قالت انكس ابيك اجدع الي بيدك (قلت وجع اكيد شافتن وانا امزز لي تتينه :a018: ) وتعال يامال المصع على وجه السرعه
عاد انا ماقول لحلوة اللبن الا الحمد لله مير وافز فزت الهايلوكس :e0025: الدبرة اني
رجعت للبيت واثر عيونه تقدح شرار :g035: من الحمق قالت وش الي بثوبك؟ هذي اخرته وانا امك؟
مير وانا اطمبس قلت وش انتي شايفه لايصير مخدرات والا بلا ؟ قالت اكود من المخدرات !!!
ياميمتي مابه شي ومير تورين الورقه قالت منهن هذولي؟! لا وحاطن بعد معايير من زين وجهك
المخدرات تبلى نفسك بس هذي اعراض ناس وانت (عاشق نجد) ولد ناس ومتربي وتسوي هالسوايا !
ومير افطس فطستن :c040:
( لوني بالدائري الشرقي او بحدى شوارع الرياض كان يمدين غطست من قل التصريف والدبرة الي ماله سنع وقل وضايف ياحول على فكره بوه قصيدة مسويه بهالموضوع الغرق اقول وعمر الي يقول يطول والسامعين والسامعات هالهجينيه على وزن المسحوب وعلى فكره ترى ولد الربدي يغششن لين نضمته انا وياه وطلعنا بهالابداع
البارحه وانا بنفود الثويرات ** فز الخفوق وقلت يالله عسى خير
وتزلزلت جعبتي والليل كئيب ** مثل زلزال قرية العيص
ناسن بعز القيض مالقوا مضله ** سكنو بخيام مابه مكيفات
هذا يهون مير البلا الرياض غرقان ** وقبله ترى جده غير
قم ياولد الربدي قرب الهايلوكس ** نبي نفزع لاهل الرياض
ياوجد حالي يقولون مابه تصريف بالشوارع ** والحكومه ماقصرت ماهي بخيله
بس ودي تفتح باب الوضايف اكثر ** غديني اتوضف واصير رجال
مير البلا ناسن عطوهم الثقه ** ماسوو مشاريع ولاحاجه
ومناقصات مدري وين راحت ** كلن يرسيه على كيفه
هذا يهون بس الرياض به بلا ** عاصمتنا الحبيبه ام المداين
وشلون ماتصبح ارقى بلاد ** نظيفه عفيفه يازينه
رياض المحبه رياض الخير ** درست به ثانويه
تكاتفو ياجماعه ** زينو ديرتكم الله يعافيكم
خلوكم صف واحد ** ولا يدخل بينكم الغريب
وحدو قلوبكم يامال الغنات ** وصلو على طه الرسول )
صح لسانك صح بدني
نرجع لسالفتنا مير وافطس من الظحك قلت عسا مهوب هذا الي مزعلك ياميمتي؟
المهم دار حوار ونقاش طويل (ولا حوار غزة اللي ماحلوه العرب ولاهي منحلة قضية فلسطين ) هي ملتمسه لانه تحسبهن اسماء بنات صحيح وانا اقول له فياض ياميمتي وان شاء الله لااوديك لمهن
وهي ملزمه تبين ادق عليهن وانا اجيب القارمن من الهايلوكس :e0025: عاد تعرفون القارمن وشهو (افلقون ان عرفه ولد امير الشمل ) واشغله واخليه تشوف طريقة تدخيل (احم مهو تدخيل الي ببالكم لاتروحون بعيد) تدخيل الاحداثيه لين اقتنعت
مع انه كانت ملزمه انهن بنات بس تقول الارقام غريبه وتذكرن بألغاز جد ولد الربدي الله يرحمه
قلت عاد هذا مهوب عيبي انا
بس لاتضيع الورقه لاني ابخزنهن بجهازي اروح (لمين واقول يامين ينصفني منك) قصدي اروح لمهن
والى الحين لامني تذكرت قلت لميمتي تسلم عليك حسناء واكبر الردايف مير تفطس مثل فطست عاشق نجد :a042:
العرض الشجري
