العيد فرحة وإبتهاج وتهاني

العيد فرحة وإبتهاج وتهاني=وأكبر من الفرحة تواصل بالأرحام
وتقبيل رأس أم ٍ بقلبه حناني=تسهر عليك الليل وعيونك تنام
وبرك بوالد كم يعد الثواني=عزه يشوفك شامخ ٍ بين الأنام
يبيك ذخره لاوطاه الزماني=وأيضا عضيده لاتحدّته الأيام
ثم بعد ذلك رح مسيّر وعاني=قاصد خوالك وإلا ذاهب للأعمام
وأمانه لاتنسى ترى لك عواني=لهم حقوق ٍ ماتسطر بالأقلام
تكسب محبة كل قاصي وداني=لامن مسحت بكفك دموع الأيتام
خلك كريم النفس قدر وشاني=يبقى الوفاء ديدنك في كل الأعوام