الشايب اللي ماتحلل عظامه..... عيت تبيده الليالي والايام

مشرفي واعضاء وزوار منتديات القبابنه
السلام عليكم ورحمة الله وبركاته
عنوان الموضوع هو بيت مشهور من قائله وماهي مناسبته
هالبيت يذكر انه لراكان بن حثلين قاله في محمد بن هادي بن قرمله شيخ قحطان . حيث يذكر ان
الشيخ شافي بن شبعان شيخ قبيلة بني هاجر حل بينه وبين أحد القبائل الآخرى خلاف
وأركب للشيخ محمد بن هادي شيخ قحطان يطلبه النجده وقلــد الذلول هملا وهو من نوع من الهرس
تستعمله البادية لطلب النجده من القريب فان أراد المرسل إليه مساعدتهم قطع القلادة من الذلول وراعيها
هذه الآبيات يذكر فيها أن جنباً تجمّع بني هاجر وعبيده من قحطان ويذكره أنهم أقرب لبعضهم فقال
هاذي هي قصيده الشيخ شافي الهاجري

ياراكب حمرا بلونه سحامـــــــه=ترعى الزهر لين الشحم فوقها زام
فوقه صبي ماتغير كلامـــــــــه=يدي الخبر يم الرفاقه بـــــــالأولام
ياجنب تركوا الرثا والحمامـــــه=احموا لنا من قبل حل التنـــــــــدام
صبيان قحطان غشاهم ملامــــــه=ولها صبان جنب تلمـــــــــــــلام
حنـا كما مايح ثمانين قامـــــــــه=هيما وفي جيلانها تسعة اهيــــــام
مايظهر المايح من أقصا غمامه=خطر على جيلانها بــــــــالتهدام
حنا شوي وحامينها القرامــــــه=قطـاعة ننطح ولو كملوا يـــــــام
ارماحنا وسط الندينه علامـــــه=مع الصحابه قاتلوا ذيك الايـــــام

فـــرد عـــلــيــه الــشــيــخ مــحــمــد بــن هــادي بــقــولــه

يــاســابــقــي تــســتــاهــلــيــن الــسـلامـه=الله يــجـــيـرك مـن بـلا سـو الايـام
لابــــد مـــن يـــوم نـــطـــيــر قـتـــامـه=امــا عــلــى الــمـطـران والا عـلـى يــام
يـــاذا الـــبـــهـــم والله تـــبـــاري الـــجـــهـــامـه=حــتــى تــجــي مــن بــيــن صـفـوى والاوجام
لـــي لابـــة حـــولـــتـــهــم مــن تــهــامــه=ســـلاحـــهـــم مــــخ الــفــرنـــــجـــــي والاورام
حـــنـا كـــمـــا ســـيـــل يــطــم الــعــدامـه=حــول عــلــى طــاش الــبـحـر لـه تـلـــطام
وان كـــان عـــنـــدك لـــلـــمـــســـيـــر كـــرامـه=عــجّــل تــرى ربــعــك مـشـافـيـق وحـيـام
كـــرامـــة تـــرث عـــلـــيـــكـــم نــدامـه=تــصــبــح ذراريــكــم مـرامـيـل وايـتـام
كـــم شـــيـــخ قـــوم مـــطـــلــقــيــن حــزامه=مــن عــقــب لــبــس الــجــوخ قــدوا لـه الـخام
وان كـــان تـــطـري الـــســـيـــف تـــفـــصـخ لجـامــه=لــو هــو عــلــى الــدوشــان مــاكــان تـنـلام

فرد عليهم الامير الفارس راكان بن حثلين امير قبيله العجمان

بالك تطاوع شافيا في كلامه=بالك تطاوع شور فضاي الانعام
الشايب اللي ماتحلل عظامه=عيت تبيده الليالي والايام
لا شب له ضوا في راس العدامة=قمنا نربط غالي القش بحزام
ياذا البهم والله ان تباري الجهامه=الين توصل بين صفوا والاوجام
ان كانكم سيل تحدر قمامه=حنا زباره نشرب السيل لاعام
وان كان جيت بلابتك من تهامه=حنا لكم في مقطع الدرب قدام
يحرم عليك النوط فكه بلامه=مدام يذكر واحد من ظنا يام
ان كان تبغي سابقك والسلامه=فلا تحدر بالجحافل على يام
وان كان تبي الراى قبل يغدابه=فلا تطاوع شافي هرش الانعام

مع التحفض على نهاية صدر البيت الاخير وقد وجدت قصيدة راكان بصورة اخرى اكثر ابياتا مع بعض التغييرات وهي

ياراكـب حـر تـذرب سنامـه =عليه نـي راكـب نيـه العـام
ماصك لحيه في ليالـي فطامـه =وعظمه قوي من لبن كل مـرزام
الـى ورد عـد يطيـر حمامـه =جا للصريمه من لحيـه تقصـام
تلفي لابن هادي كبيـر العمامـه =شيخ ورمحه مع هل الخيل مرسام
مر يواعدنـا بحـرب وقوامـه =ومر يجينا منه هـرج وتسـلام
حي ذا الكلام ومن هـو كلامـه =اللي لفانا منـه هـرج التوهـام
وش الجزا ياشوق زاهي الوشامه =بالسابق اللي ماعرفنا لـه اوقـام
كزيت لك نور السلف والجهامـه =باغيه ذخر فـي مقابيـل الايـام
وغديت انا وياك مثـل النعامـه =جاها بلاها من ثقيـلات الاقـدام
ان كان تبغي سابقـك والسلامـه =فلا تحول بالجحادر علـى يـام
حرم عليكم النوط تطلـق بلامـه =مادام عنده واحد من ضنى يـام
معنا الطويل اللي تجيكم علامـه =مثل العديم اللي على الجول صرام
الترك قبلك زارنا بـه زعامـه =وقد عافنا واختار عنا هل الشـام
ان كات تطري حدرتك بالجهامه =لما توصل بك لهذيـك الارجـام
ذي ديرة الحاكم كبيـر العمامـه =اللي نحى عنها طوابيـر الاورام
قدامكـم شيـخ رفيـع مقـامـه =الخيل قرح وابيض الخـد قـدام
وان رادها غيره ضربنا رثامـه =عـود يبـدل هفوتـه بالتـنـدام
يالله عسى الفردوس ملقى عظامه =اللي بعث دين النبي دين الاسـلام
مثل الدويش اللي يقدي الجهامـه =عرقت جواده فوق رجله والاقدام
وان كان حدر لابته مـن تهامـه =حنا لهم في مقطع الصلـب قـدام
اقبل وحنا لـك نسـوي كرامـه =شلف على شهب سريعات الاولام
تسعين رمح كسرن فـي عدامـه =عشرين منهن بين راكان وحزام
كم ثار عند ركابنا مـن كتامـه =ياما هلك من ضدنا من سبب يام
كم من حريب دارج الـدم دامـه =يشبع بها السرحان والطير لا حام
حنا كمنا سيـل تنحـى غمامـه =هامل بردها بالفرنجـي والاورام
سيله يقزي مانحـا مـن عدامـه =ورعودها منها المدن له تقصـام
كم سيف هندي فضخنـا لجامـه =بايماننا كنـه مقابيـس الاظـلام
نروي من ارقاب السكاري جيامه =في هية يشبع بهـا كـل حـوام
ونطعن لعيـن عريـض سنامـه =شقح مفاليهـا مباكيـر الاوسـام
ان كان ودك عندنا لـك كلاامـه =وتدري بضيفتنا لك الشرق والشام
اقبل علينا حي سـوق المسامـه =وعاداتنا نغلي جلب كـل سـوام
حريبنـا تصبـح بكبـده ندامـه =وبراية الله والقـدم ناحـر يـام
وصلاة ربي عد ما انشي غمامه =على النبي خصـة الله بالاكـرام

غفر الله لهم جميعا فقد كانو رمزا للشجاعة والشهامة والفخر
وسلامتكم