الشاعر فايز بن عبدالله بن فايز آل غليظ القباني
متواصل معنا ولاهي غريبة من شاعرنا تواصله ووفاءه
أهدانا جديدة قصيدة جميلة في والده الشاعر عبدالله بن فايز
نسأل رب العزة والجلال أن يطول بعمره ويبقيه ذخراً لنا ولأبناءه الكرام
كل شايب غالي لكن شايب
عندي يساوي جميع الكون كله
شايب عن واجبه ماهوب غايب
كلنا نمشي تحت رايه وظله
ياعسى يفداه كل نذل وخايب
مكرّم الضيفان لاجوا في محله
خابره لأقصين هم واللي قرايب
في محل العز من جاء له يدله
كم وكم من مرة فك النشايب
كفوا انا اشهد لاثقل حمله يشله
في لزومه ماينوبه اي نايب
اي نايب في لزومه مايحله
كاسبن المرجله ساس وغصايب
ما تبقى شي منها كل هن له
لا يمي ياجعله الله للذهايب
ياعسى يمشي بوسط العقل خله
ياعسى من لامني يفقد حبايب
ويفقد عيون على دربه تدله
ياعسى الله مايكفيه المصايب
من مصيبة في مصيبة ماتزله
والغلا والحب من ربي وهايب
حط حبه وسط قلبي هو محله
قلتها في كم شايب مير شايب
عندي يساوي جميع الكون كله
العرض الشجري