قصيده مهديها للاخ العزيز
رائد ركن طيار
تركي بن عبدالله القباني
احزام و عصابه لراسي كحيلان
تركي و تركي هو عصابه لراسي
كرم وطيب وعز مدهل لضيفان
ساس الكرم نعتزساسه وساسي
صقرٍمن صقورالوطن باالفعل بان
رائد ركن طيار رجلاً حماسي
معه رجالاً كفو ذربين ليمان
فاالحرب صلفينن معا قو باسي
كباتن ألففتين في كل ميدان
لهدافها تضرب بوقةً قياسي
فالحرب تفرق كل ضربه بتبيان
بقوة دمار تهد صعبن و قاسي
ومدحي لتركي قد كتبناه عنوان
موثقه و الساس ثابت و راسي
مواقفن لو قلت شعرٍ بديوان
نقطه بحر تركي يطم الرواسي
يفرح بربعه كلهم قاصي ودان
من جاه ما خلا براسه عماسي
لانه على الي مارضى جاره يهان
ابوي يفدونه رخومٍ خساسي
عبدالله بن فايز شفى كل مرضان
ضلالاًغصونه خضر ماهي يباسي
عون الضعيف الي زمانه معه شان
شان الزمان و صار فيه أنتكاسي
جاله وكل من جاه ماراح ضميان
من جالضلع طويق عين مماسي
وتركي الى من جادمن جود شيبان
الطيب طيب و كل مبنا بساسي
توثيق من شعري كتبته على اوزان
شاعر لفعل الطيب ما هوب ناسي
والعذر كان أنه حصل فيه نقصان
عن الخطى معصوم مرس الرواسي
الشاعر
فايز آل غليظ القباني
العرض الشجري