(يرزقني رزاق الحيايا بجحرها..... لاخايلت برق ولا هيب حايله )

السلام عليكم ورحمة الله وبركاته
زوار واعضاء ومشرفي منتديات القبابنه
الشيخ حجرف الذويبي شيخ بني عمرو من حرب قريت له هالسيرة في احد المنتديات
وهو مشهور بالشجاعة والكرم وذبح الغنم والبل للضيوف اذا نزلوا عنده بالقيظ .
وكان من عادة البدو انهم ما يخلون بيت الشيخ ناقص . فاذا صابتهم سنة محل يجمعون للشيخ الابل والغنم اذا احتاج لها . لان الشيخ هو رمز القبيله وسمعتها من سمعة الشيخ .


المهم , سنه من السنين كانت قاسيه عليهم وذبح الشيخ جميع ما عنده , وقررت القبيله الرحيل عن هالمنزل وترك حجرف وفي زعمهم ان يرجعو عليه ابل يشيل عليها , لعله يترك ذبح الابل يحفظ حلاله.

بس الطبع يغلب التطبع.

الوكاد امرح هاك الليلة هو ومرته بديارهم وهي تلومه وتقول له: ربعك تركوك وتخلو عنك , وليه ما تحفظ حلالك لليوم الاسود.

ما رد على مرته لانه متوكل على الله .

المقصودانه راح يتمشي في البر ولقا له شجره يوم الله اراد انه يشوف حكمة الخالق. حارت رجله عند الشجرة

وقف يناظر لها . والا هاك الصل الاسود(ثعبان) الي طلع من وسط الشجرة ولينه عمى مايشوف بغى يذبحه الا ويصبر شوي والا بجيت هاك الطير وهو يوقع على الداب يحسبه من اغصان الشجره والله وهو ياكله انت يالداب. وتركه حجرف وراقبه.

ومره ثانيه بالمساء صار مثل ما صار بالاول طلع الداب وجا طير ثاني ونفس الشي اكله الداب.
والذويبي يشوف وعرف ان هذا رزق لهاالداب العمى وقال: اللي يرزق ها الداب العمى ما هو مخليني.

بعد فتره ورد الذويبي على الماء الي حوله والا يلقى عند الماء

ابل ضايعة فيها خلفات وزمل , فاسقاها واخذها ولحق بربعه وجماعته وقال هالابيات

يقول ابن عياد وان بات ليله =مانيب مسكين همومه تشايله
انا لي ضاقت علي تفرجت = يرزقني اللي ما تعدد فضايله
يرزقني رزاق الحيايا بجحرها= لاخايلت برق ولا هيب حايله
ترى رزق غيري يا ملا ما ينولني= ورزقي يجي لو كل حي يحايله
جميع ما حشنا ندور به الثنا = وما راح منا عاضنا الله بدايله
نوب نحوش الفود من ديرة العدا =ونخزز اللي ذاهبات عدايله
خز بالايدي ما دفعنا به الثمن = ثمنها الدمي بمطارد الخيل سايله
مع لابة فرسان ننطح به العدا= كم طامع جانا غنمنا زمايله
نكسب بهم عز وننزل بهم الخطر=ولاهيب من قفر رعينا مسايله

انشهد ان الرزق عند واحد ضامنه
وسلامتكم