قصيدة أعجبتني وحبيت أنقلها لكم ولكن للأسف لم أعرف إسم شاعرها
ليت (السفر) بين المحبين ممنـوع =تحجز(جوازت) المحبين بالذات..!!
حتيش لوأن ا( لسفر) حق مشروع =المشكلة.. لأهل الهوى حزن وآهات
لاغاب (خلّك) والرجاء فيه مقطوع =لابه (رسايل) تاصلك واتصالات
الخط مغلق...كنّه (الكرت) منزوع =من ضيقتك تلعن جميـع اشتراكـات
تضرب على الكفّين والقلب مفجوع =تضيق بك عقبه جميـع المساحـات
في ليل دامس ضايعٍ مابه شمـوع =(الفكر) تايه فـي دروب المتاهـات
(العين) تذرف بالدقايق له دمـوع =و(القلب) عايش بين حسره وونـات
لوّك تجر الصوت ماهوب مسموع =ياطول مـا بينـك وبينـه مسافـات
يمكن ظروفه مامشت له على طوع =ويمكن سلا فكره بروحـه وجيّـات
سايح بدار(الغرب) والأجر مدفوع =يسرح ويمرح بيـن سجّـه ولـذات
الجو صافي بين خضره وينبـوع =وأنت بسموم(القيض) مابه إجـازات
الهم مدهالك من أسبـوع لسبـوع =لاحل ذكرى (الترف) هلّيت عبرات
صار(السفر) كنّه مثل حبّة الكوع =جمع الحبايب سابع المستحيـلات
بس الأكيد أن (الغلا) فيك مزروع=(الحب) يبقى بالضمايـر ولا مـات
الصدق قلته والزعل دوم مرفـوع =وقت(السفر) تبدي كثيـر المعانـات
العرض الشجري
