قال الخلاوي والخلاوي راشد=عمر الفتى عقب الشباب يشيب
حسبت أنا الأيام بالعد كلها=ولاكل من عد الحساب يصيب
حساب الفلك بنجم الثريا مركب=يحرص له الفلاح والطبيب
فالى صرت بحساب الثريا جاهل=ترى لها بين النجوم رقيب
اليغابت الثريا تبين رقيبها=وإلى طلعت ترى الرقيب يغيب
وإلى قارن القمر الثريا بحادي=بعد أحد عشر عقب القران تغيب
وسبع وسبع عد له بعد غيبته=هذيك هي الكنه تكون مصيب
ومن بعدها تطلع وبها القيظ يبتدي=وتاتي بروق ولايسيل شعيب
والى مضي خمسٍ وعشرين ليلة=ثقل القنا من فوق كل عسيب
وتطلع لك الجوزا وهي حنة الجمل=وتأتي هبايب والسموم لهيب
وإلى مضي خمسٍ وعشرين ليله=يطلع لك المرزم كقلب الذيب
وإلى مضي خمسٍ وعشرين ليلة=يطلع لك سهيل مكذب الحسيب
وإلى مضي خمسٍ وعشرين ليلة=تلقي الجوازي طردهن تعيب
وإلى مضي خمسٍ وعشرين ليلة=ليلة نهار وتجتلد وتليب
وإلى مضي خمسٍ وعشرين ليلة=لاتأمن الما صيبه يصيب
تحياتى وتقديرى وانشاالله تحوز على اعجابكم ,, حد الرهيف .
العرض الشجري
