القصيدة الثانية ... نسل القروم ... رد على قصيدة الكلب الضال

القصيدة الأولى ... عيال ابو سعد ... رد على قصيدة الكلب الضال
--------------------------------------------------------------------------------
هذه القصيدة رداً مني لـ ذلك الكلب الضال والذي تهجم علي وعلى اخواني سعد وبندر بـ قصيدة كان عنوانها عيالنا ياشايبنا بـ مساس شرفنا وعرضنا وقد وضعها في منتديات الروح ومنتديات القبابنة وكان الهدف منها التفرقه بيننا وبين اقربائنا وذلك كرهاً فينا وفيهم , ولكن الحق يبقى كما هو الحق ولن يستطيع تفرقتنا بـ أسالبيبه النجسه فـ كان لابد منا الا الرد لـ يعلم هو ومن هم على شاكلته ان والدنا رحمة الله عليه بعد ان توفي خلف رجال يعتمد عليهم من بعده , والدليل امام اعين الجميع , فـ بيتنا لازال وسـ يزال باب صدر مفتوح لكل من يرده
وحسبنا الله ونعم الوكيل على كل ظالم وعلى كل مفتري
اما الواطي وأداة الشيطان اقدم له هذه الأبيات رداً على ابياته النجسه والحقيرة


القصيدة الأولى

عيال ابو سعد

قريت شعر(ن) قاله ابليس بسطـور=في المنتدى حطه على غيـر تبريـر
قصده يشوّش خاطر(ن) بات مذكور=بالمرجله غصب(ن) على كل خنزير
يابوم لا تحفر علـى روحـك قبـور=منتب كفو يا بـوم نطـح المناعيـر
خلك مع اللي تلبس الشـال مستـور=بالكف حنـا .. والأصابـع مناكيـر
ثم زيّن اللثمه .. بلا شـك معـذور=لا ضاعت الدبره وضاعـت تدابيـر
حقدك لمسته والخفـا يكشفـه نـور=والكلـب ينبـح دون هـم وتأثيـر
واحنا بنينا عزنـا بخيـر دستـور=مثل الجبل مـا يلتفـت للأعاصيـر
اعيال منهو ساطع الذكـر مشهـور=من طيب راسه له مقام(ن) و تقدير
غاب وبقى طيبه مع الناس لـه دور=والشاهد الله مابهـا زيـف تزويـر
نمشي على نهجه ونبني به قصـور=والعلم غانم والمراجـل لهـا نسيـر
والبيت الأبيض منبعه بن و بخـور=ما صِك بابـه دون منهـم مساييـر
عكس اللذي بيته له ايـام وشهـور=قفله حديد محكم(ن) فـوق جنزيـر
طبع الردى حوّط على مسكنه سـور=واضح على وجهه تعاسـة تعابيـر
حاقد كذوب وفوقها بـزود مغـرور=كنه على سطح القمر عايش(ن) غير
في مجلسه تلقى الخساسه لها حضور=الله يكـرم مجلـس العـز بالخيـر
خذها نصيحه واقبل النصـح ياثـور=جنب طريق الموت لا يوقف السيـر
لو كنت قده كان تظهـر بـلا شـور=وتقول عذرك للمـلا بغيـر تأخيـر
وتشوف ينفع لك طبيب(ن) ودكتور!=لا صرت عايش بين ونـة وتعزيـر
مير البلا مثل المره زاهـي عطـور=خلف الغطاوي محترف فـن تحويـر
تكتب ورى الشاشه من القلب مقهور=وتصيغ حرفك بين الأركان تشفيـر
مدام فيك الخير !! لا تخفـي النـور=اكشف ظلام الغيـر بـلاش تستيـر
الخير قوه ما يبـي رعشـة شعـور=ولا يبي له بيـن الاحـرار تخديـر
تبت يدين اللي نوانا علـى الـزور=ناره تشـب و تشتعـل هـم تكديـر
يا بليس تبقى بالخفى عفن مدحـور=ثوبك حرير وشغلتـك نافـخ الكيـر
عسى حياتك كلها جور فـي جـور=نورك يغيب ولا تلاقي لـك ابصيـر
عمر مديد بالمعاصـي غـدى بـور=رغم المطر كله جفاف(ن) و تدميـر
اسمع كلامي لومضى الوقت بدهـور=بنجيب علمـك بالليالـي المعاسيـر
الشمس تاقف والفلك يكمـل الـدور=والأرض يكشف سرها نبش تكريـر
جاك الخبر والعلم واضح و مخبـور=ماعاد فـي قولـك علينـا معاذيـر
وصلاة ربي عد ما رفـرف طيـور=على رسول(ن) خصنـا بالتباشيـر

أخوكم
مساعد بن مشل القباني

ـــــــــــــــــ

القصيدة الثانية

نسل القروم

من المفترض أن يكون لها مقدمة ولكن لا أزيد على قول أخي مساعد في مقدمته الجميلة
وإن كان لي من كلمة هي إعتذاري لجميع الأعضاء والمطلعين على هذه الكلمات والتي ليست من عادتي
أن أنزل بنفسي لهذه السفاسف ولكن للظروف أحكام

الحاقد اللي سب ناس ٍ عزيزين=نذل ٍ ولا به خير يترب شبابه
عاش وتربى مع حثالة رديين=وجهه و....... بالوصوف متشابه
في باله إنه حقق أهدافه الشين=في باله إنه وصل قمة سحابه
ما يدري إنه هابط الفكر مسكين=ما يدري إن غيضه لموته مشى به
محقور ولعبه في يدين الحقيرين=من صغر سنه عايش ٍ بالسبابه
له بالمجالس ناقص العقل وجهين=الكل عليه يضحك ألا واعذابه
ماهوب رابح خاسر العمر والدين=يالله عسى يبطي وهو في صوابه
يالله عسى دمه يحير بالشرايين=يموت ما يلقى علاج وطبابه
وإلا بحادث يقسم الجسم نصفين=قسم ٍ مريض ٍ ما يفيد الدواء به
والقسم الآخر طايح يسار ويمين=متنتف ٍ حامت عليه الذبابه
اللي طعن برجال صلفه وذربين=يخسى مثل شرواه يمس الذيابه
قدامه رجال ٍ صيارم شياهين=أهل الكرم أهل الشيم والحبابه
بيوتهم مفتوحة ٍ كالسلاطين=ماهم بمثله ما بعد دق بابه
ياوين أببدي منين ومنين ومنين=إلا إني أعجز لا أصوغ الكتابه
إن قلت فهد يوقفوا له ملايين=تقدير له وإجلال عز ومهابه
عندي على ذلك شهود وبراهين=الطيب به ما ينوصف بالخطابه
من آل نويف ذخرنا بالبلادين=هم درعنا الضافي ولا به غرابه
وإن قلت سعد نسل القروم الميامين=عند العرب معروف عزيز ٍ جنابه
وإن قلت مساعد قلت والله ونعمين=المرجلة والطيب دايم زهابه
وإن قلت بندر قلت سقم المعادين=ليث الليوث اللي ربا وسط غابه
وإلا أنت مداس ٍ يلبسوه النساوين=خلك بحالك عش حياة الكآبه
لا بد لك من يوم يا وجه تنين=تضحك عليك القاصية والقرابه
لا بد لك ما تشتهر بالميادين=شهرة خنا شهرة خسيس ٍ زلابه
وإليا نبحت بالليل والناس غافين=ما نشوفك إلا كلب وسط الكلابه
هذا جزاك يا من تسب العزيزين=واللي مثل شرواك يلعن ثوابه