سالفتنا وقصتنا هذه المرة حصلت بين ابن رشيد ومحمد بن هندي حيث تهدد محمد بن هندي محمد بن رشيد بأن يحاصره في برزان فما كان من ابن رشيد إلا أن جمع أتباعه من البادية والحاضرة وهاجم محمد بن هندي ومعه هذال بن فهيد فأغار عليهم صباحاً وهم بـ (عروا ) ولما أوشك أتباع ابن هندي على الهزيمة جاءهم مدد من الروقة وقيل إن مدد الروقة كان في يوم الرحى وكادت الحرب تتعادل بين الفريقين إلا أن الغلبة كانت لإبن رشيد في النهاية بعد عناء شديد .
وحصل لإبن هندي وقعة ضارية عند إبله المعروفة الشرفا مع المنقية ماشية ابن رشيد وصرب السطامي الذي شرب فنجال ابن هندي فبقي نصفه على ظهر الفرس فكان منظراً بشعاً أرهب مهاجميه .
واسترد ابن هندي معظم ماشية وغنم وقد غنم خيولاً (قلايع) وبعد المعركة ناداه ابن رشيد وأعطاه الأمان وطلب منه أن يؤدي الخيل ويرد ابن رشيد الإبل فقال ابن هندي أما عتيبة فقد تفرقوا بما غنموه وأما أنا فليس عندي غير أربعة عشر جواداً سأرسلها لك فخذ كل ما كان عليه العضاد والعضاد وسم الحمدة جماعة ابن هندي على إبلهم وإن أردت غير ذلك أرسلت لك قيمته .
وكان مع ابن رشيد فوران وليل الملتقم من العجمان فقال ابن رشيد يوصي ليل الملتقم يحمل خطابه إلى راكان بن حثلين بهذه القصيدة حيث يقول
ياليل سلم لي ليا جيت راكان=سلم على زيزوم يام ٍ وأميره
اليوم صاروا بالعرب تقل جيران=ومن اين ما وجّه تقفوا نشيره
وأذكر لهم بالكون طيحة غزالان=ثلاث مرات ٍ بوجه المغيره
يوم ٍ حضرنا فيه ليل ٍ وفوران=يوم ٍ على عروا تقطع غثيره
إن كان ابن هندي نوانا ببرزان=حنا على عروا قصرنا مسيره
جينا على وضح النقا عقب الآذان=ذبحت قوّاد الجمل بالمريره
جينا على ذروات عجلات الأقران=مستجنبين ٍ كل قباً ظهيره
حصان الصميد اللي يسمى صنيتان=صيت ٍ بلا جري ٍ وصوفه شهيره
إن جاك بالعرضة اليا تقل ديقان=يفزع بسيفه سلة ٍ من جفيره
من كان باللقوات روغات الأذهان=ما ينقهر غاد الجدا من منيره
والسابق اللي عندكم يا بوسلطان=لها بوجهك شامة ٍ مستديره
فرد راكان بن حثلين على ابن رشيد بهذه القصيدة
يا راكب ٍ من عندنا فوق شقران=خرزها بالخرج فوق النجيره
أوصل سلامي لإخو نورة ببرزان=وعقب السلام تخبره بالسريره
من باب عمان ٍ اليا باب نجران=ما هو أنا يالضيغمي أنت أميره
علم ٍ لفانا فيه ليل ٍ وفوران=استرّ قلبي يوم جانا بشيره
جا من حمود شوق مياح الأردان=هو شوق من تزها الشقايق نظيره
عضيد أخوه بصادق الفعل ولسان=ودبوس راس اللي دوابه مسيره
فرز الوغا لا جاء ثقيلات الأكوان=لا سل مصقول السني من جفيره
خبرتني يا حمود عن طير حوران=يوم ٍ على عروا تكسر عويره
هلت مخاييله بدرج ٍ وسبهان=ما ينتميز وردها من صديره
تذكر محمد جامع ٍ نجع عتبان=ذخيرة ٍ ياوي والله ذخيره
الأمر قدّره الولي عالي الشان=وإلا عتيبة ما عليهم قصيره
كرمان وإن ركبوا على الخيل فرسان=اليا اختلط عج الرمك بالمغيره
سبيتنا سب ٍ على غير برهان=ما تستوي هذا لزبن العشيره
وحنا بديرتنا ولا حن بجيران=في شاية اللي ما يوازي جويره
حامين ديرتنا بخيل ٍ وفرسان=يوم إن كل ٍ له حدود ٍ وديره
من زان حنا له على الزين خلان=وضو ٍ اليا حرّك تزايد سعيره
ما قل دل وزبدة الهرج نيشان=والهرج يزي صامله عن كثيره
وإلى أن يحين لنا الموعد مع سالفة وقصيدة أخرى تقبلوا تحياتي
ودمتم برعاية رب العزة والجلال
العرض الشجري
